VOV4.M’nông: Nar aơ, nar 22-5 dak he lăp tâm nar rgum têh, le\ rngôch [on lan râng bầu cử đại biểu Quốc hội khoá 14 n’hanh đại biểu HĐND ăp gưl, năm kan 2016- 2021. Lăp nsum tâm nar khuh n’gôr nê, [on lan ăp rnoi nu^h ta nkual Tây Nguyên le\ hăn nklăch phiếu, mât ue\h nău dơưi [ư tơm bah he, sơch nu^h ntơh măt an he gay rdâk njêng neh dak, [on tơm geh ndro\ng.

            Tây Nguyên nar aơ chrat ang tâm bok nkao gu\r ntơr bah nar bầu cử. Le\ d^ng nu^h g^t năl da dê khuh n’gôr nar rgum lam dak. Ntơm bah nklang nkual [on têh lam ăp nkual [on lan jru ngai dơi drăng bok yông cờ, pla nchih nkoch trêng mpeh nar bầu cử ĐBQH khoá 14 n’hanh HĐND ăp gưl năm kan 2016- 2021 da dê. Lam ăp trong hăn ăp ntu\k saơ n’hoch nu^h hăn rhơn nđơr tât ntu\k bầu cử gay he sơch êng ăp nu^h i tâm di.

            Manh an êng du ding ăp nău kan mir ba, ntơm bah ơm ôi, nu^h [on lan Buôn Nui, xã Tâm Thắng, nkuâl Cư Jut, n’gor Dak Nông le\ hăn tât ta ntu\k bầu cử gay [ư nklăch phiếu sơch. Lôch rnôk [ư lễ chào cờ ta ntu\k nklăch phiếu n’hanh djăt mbơh rêng [ư bầu cử, ăp đại biểu ntơm [ư nău dơi bah he. Lah ngoăy tâm ăp nu^h hăn nklăch phiếu lor bôk năp, nô Y Thanh Buôn Krông ta buôn Nui rhơn nđơr an g^t:

            “Nar aơ lah nar 22/5 nar bầu cử Đại biểu hội đồng nhân dân  ăp gưl n’hanh Đại biểu nhân dân quốc hội. rnăk gâp n’hanh ăp nu^h [on lan tâm [on lan sơch ăp nu^h kruanh rđău kan tâm Quốc hội, n’gor, xã. Nar aơ, lah nar lễ hội bah neh dak. Gâp u\ch ro\ng le\ rngôch ăp rnăk hăn sơch, uănh năl na nê| nchih tă kan bah t^ng nu^h gay sơch lăp. Dăn an le\ rngôch [on lan rhơn nđơr hăn bầu cử”.

            Ta ntu\k bầu cử ta buôn U pe, thị trấn Ea Tling, nkuâl Cư Jut, n’gor Dak Nông, khuh n’gôr rhơn nđơr bah nar rgum lam [on lan le\ [ư bah ơm ôi. T^ng nău nkoch bah nu^h [on lan ta aơ, bol ma 7h ôi mơ ntơm [ư bầu cử, yơn kônh wa le\ hăn bah ơm, ndăn uănh nchih nău tă kan bah đại biểu Quốc hội n’hanh đại biểu HĐND ăp gưl gay sơch nu^h ntơh măt i tâm di. Yuh H’Oanh, B.Krông, ta [on U3, thị trấn Ea Tling rhơn nkoch bah he lôch rnôk t^ng [ư nău dơi bah he:

            Ta [on Plei Sar, xã Ya Chim, nkual [on têh Kon Tum khuh n’gôr bah nar bầu cử lơn ma jêng rhơn nđơr đah nău nteh loa nkoch trêng, bok drăng nău nchih, lơn lah ta nkual nklăch phiếu. Mhe nklăch lôch lha phiếu tâm thùng phiếu, nô A Khoan an g^t:

            Kônh wa rhơn nđơr du\t n’hâm tâm ban kơt nar hội bah he. Kônh wa du\t m[ak n’hanh nđơr ngăn. Kônh wa u\ch ro\ng hăn sơch gay ma sơch ăp nu^h mât uănh tât kônh wa”.

            Gay nău lư mpeh rơh bầu cử tât dơi đah nu^h [on lan, lơn lah [on lan rnoi mpôl đê|, n’gâng kan ta n’gor Kon Tum le\ an [ư âk rơh nkoch trêng, rgum mâp [on lan. Rlău ma nê, n’gor Kon Tum hôm rgum le\ ma bu ranh [on, kruanh thôn tât t^ng jay, hăn t^ng mir gay rgo\ jă nkoch trêng an kônh wa. Nô A Thik ta Plei Sar nkoch: Kônh wa geh nu^h mô ho\ g^t chữ, mô ho\ g^t hăr ngơi yăn, mir ba gu\ ngai đêt s^t [on jêng nteh loa, ntu\k l^r săk nu^h gay sơch lăp đêt tăng tât tôr, tât măt kônh wa. Nơm geh bu ranh [on, kruanh thôn hăn tât t^ng jay, hăn tât t^ng mir  mô kă măng ngo hôm nkoch ma nău ngơi bu ranh [on đo\ng jêng dơh djăt, dơh wât, dơh nkah. Yor kơt nê|, ma kônh wa g^t wât âk lơn nău khlay bah bầu cử tâm ban kơt nău dơi, nău dơn kan bah he đo\ng, jêng nar aơ kônh wa hăn sơch du\t rhơn nđơr, ăp to\ng.

            “Kruanh thôn ta aơ ngơi nău he nơm ri bu ranh mô g^t chữ g^t wât đo\ng. Sơch ân geh nu^h to\ng ăp nău g^t blău kơl nu^h [on lan. {on lan rnoi mpôl đê| lah nsum jêr jo\t âk kơt năm aơ duh phang kơt aơ phâm [ư gay [on lan geh nơm trong nchrăp bah Nghih dak.

            Ngluh êng du ding ăp nău jêr jo\t yor rơh duh phang mhe nơh [ư, [on lan ta n’gor Gia Lai vơt nar tâm mâp têh đah nău tâm knơm mpeh du nău rêh let năp tay đăp mpăn n’hanh hun hao.

            G^t m^n nău kan têh khlay bâh nơm tâm nar bầu cử aơ, jêng lah bôl ma le\ geh dơn s[ mbơh tơih rgo\ jă nchih đah 3 nău ngơi, yuan, Bahnar n’hanh Jarai bâh ta năp ne\ le\ du khay, yơn tât ôi aơ, yuh Xuân ta xã Biển Hồ, nkuăl [on têh Pleiku hôm nha ndăn tât ntu\k nklăch phiếu ơm gay ma ua\nh tay săk, nău kan nău rêh bâh ăp nu^h geh săch lăp Đại biểu Quốc hội n’hanh Đại biểu HĐND rơh aơ. Yor t^ng nău mbơh bâh yuh Xuân, le\ tât hăn bầu cử r^ an geh mpơl nău kơl kan bâh nơm, an geh săch di nu^h geh to\ng nău g^t blău gay ma rdâk njêng ngih dak, mât [on tơm, yuh Xuân an g^t:

            bầu cử rơh aơ lah săch ăp nu^h geh nău g^t, nău blău, nău m^n ueh, ăp nu^h kan ueh, ăp nu^h geh nău g^t, mât ua\nh n’hanh dêh dăch đah [on lan.

            Lâm Đồng geh rlău 878 rbăn 600 [on lan, bầu cử ta 1.200 rmôt bầu cử ta 147 xã, phường, nkuăl têh ta lam n’gor. Bâh nău kan nchrăp ueh, mbơh tơih âk nău, têh hvi jêng naư ntoh n’gôr bâh nar bầu cử ta aơ du\t ntoh n’gôr đah nău tât râng bâh âk [on lan. Ăp [on lan Lâm Đồng tât ta rơh bầu cử đah le\ nău knơm n’hanh u\ch ro\ng. [on lan K’Bran rnoi K’Ho ta thôn Kon Tách Đăng, nkuăl têh Đinh Văn, nkuăl Lâm Hà ngơi:

            {on lan ăp mpôl rnoi ta aơ  mpo\ng s^t tât nar bầu cử đah nău m^n lah săch di nu^h, di nu^h blău, nu^h g^t, nu^h geh nău knơm đah [on lan..săch ăp nu^h ne\, gay ma tâm di lah đại biểu bâh [on lan.

            Rơh bầu cử aơ, n’gor Dak Lak geh rlău 1,2 rkeh [on lan, 1.849 rmôt bầu cử, săk ăp nu^h [on lan hăn bầu cử geh lir ta ntu\k kan bâh 184 xã, phường, nkuăl têh n’hanh ăp nkual nklăc phiếu t^ng di nău ntru\nh bâh luật bàu cử. ta ntu\k nklăch phiếu jêng ntoh n’gôr lơn yor tâm breh đah ăp nău nchih nău rgo\ jă geh pơk bâh loa ntoh ngơi lah ăp nău tâm nchră khuh n’gôr bâh [on lan. T^ng che Thiên, [on lan hôm nha tâm nchră n’hanh tâm ôp  ê lor nklăch phiếu ta thùng lah yor [on lan u\ch g^t na ne| nău kan bâh nơm gay ma ăp n’ha ơhiếu lah du nău knơm ma [on lan le\ njoăl an. Che Thiên an g^t:

            Tâm nău ntoh n’gôr bâh nar bầu cử ta ntu\k nar aơ geh nău dơi ueh, [on lan du\t rhơn, ueh. Bâh nău ua\nh năl gâp saơ tâm nău săch kruanh aơ, [on lan ta aơ mô săch lêng lang ma khân păng le\ ua\nh joi na nê| n’hanh g^t na nê| gay ma nơm mbra dơi săch ăp nu^h geh nău knơm, geh nău nsrôih. Đah nău u\ch rnôk geh săch kan, ăp đại biểu geh [on lan săch mbra n’hao nău kan, nău dơn kan bâh nơm, lah nu^h ndơn kan an nău u\ch m^n n’hanh nău ro\ng bâh nu^h [on lan, mât nău dơi n’hanh nău tâm di kan bâh [on lan, ntop rdâk njêng ngih dak, ta ntu\k ăp nar lơ ma đăp mpăn lơn.

            A[aơ, rnoh nu^h nkual Tây Nguyên geh rlău 5,5 rkeh nu^h, tâm ne\, rnoh [on lan klâp ma 3,51 rkeh nu^h. t^ng nău mbơh pă bâh Hội đồng bầu cử ngih dak, lam nkual geh săch 35 đại biểu QH khoá 14 đah 13 ntu\k bầu cử, 344 đại biểu HĐND gâl n’gor đah 88 ntu\k bầu cử, klâp ma 2.250 đại biểu HĐND ăp gâl đah 601 đơn vị bầu cử, klâp ma 20.300 đại biểu HĐND gâl xã đah 5.496 ntu\k bầu cử.

            Bâh nău nchrăp ueh bâh ăp ntu\k, ndrel đah ăp nău kan, dơn kan bâh ăp [on lan, knơm an lah, rơh bầu cử đại biểu quốc hội n’hanh Hội đồng nhân dân ăp gâl ta nkual Tây Nguyên mbra geh nău dơi ueh. Nău geh bâh rơh bầu cử mbra geh ntop nău kan khlay ta nău hun hao [on lan [ư tơm, rdâk njêng mpôl kan tâm rnglăp dơn ngoăy, [ư t^ng nău dơi kan ăp nău mpo\ng, nău kan ntrôl nău rgâl mhe le\ rngôch ngih dak, rdâk njêng n’hanh mât ngih dak Việt Nam xã hội chủ nghĩa..

Nu^h răk rblang: Điểu Thân n’hanh Thị Đoắt