VOV4.M’nông – Đah jông ding le\ bơi 210 km, Quốc lộ 40B geh ntu\k bôk tâm mâp đah Quốc lộ 1A ta nkual [on têh Tam Kỳ, n’gor Quảng Nam, ntu\k n’gle\ du\t đah trong Hồ Chí Minh ta nkuăl têh Đak Tô, nkuăl Đak Tô n’gor Kon Tum. Aơ lah ngoay tâm âk trong têh khlay nthoi ăp n’gor Tây Nguyên đah duyên hải Miền Trung n’hanh ăp n’gor mpeh bah dâng dak Lào tă bah mpông n’har bri Bờ Y-Phu Cưa. Trong têh khlay lah ndr^, yơn yor dơi nkra tay bah ăp trong [on lan jêng Quốc lộ jêng gưl rlău 60km hăn rlău n’gor Kon Tum a[aơ le\ ju\r djơh hô khuch du\t têh tât nău hăn nsong n’hanh tăch rgâl. Ân ơm ntuh kơl n’hao nkra tay Quốc lộ 40B gay ntru\t wa\ng sa rêh jêng hun hao lah mpo\ng u\ch bah n’gâng kan n’hanh nu\ih [on lan n’gor Kon Tum.

 Nar 16/9/2013, N’gâng kan ntung trong geh nău ntru\nh mrô 2825 nkra ntop tay trong hăn rlău 5 nkuăl nkual yôk bah n’gor Quảng Nam n’hanh 2 nkuăl Tu Mơ Rông, Đak Tô bah n’gor Kon Tum jêng Quốc lộ 40B. Đah n’gâng kan n’hanh nu\ih [on lan n’gor Kon Tum, nău rlău 60km tỉnh lộ 672 nkra tay jêng Quốc lộ dơi r[o\ng trong hun hao mbra ntru\t ntrôl wa\ng sa rêh jêng hun hao, ngăn lah an nkuăl Tu Mơ Rông, ngoay tâm 62 nkuăl ach o bah lam dak. Ndr^ yơn rlău 2 năm le\ rlău, mpeh ntơm jêh Quốc lộ 40B lvang hăn n’gor Kon Tum hôm e nâm ơm, le\ ơm ju\r djơh hô. Nău rluh rlô bah quốc lộ aơ dơi saơ dil ta nkuăl têh Đak Tô, nkuăl Đak Tô ntu\k êp đah trong Hồ Chí Minh. Nô Trần Vĩnh Hội, khối phố 2, nkuăl têh Đak Tô geh jay gu\ êp trong an g^t: “Lvang trong aơ pơng djơh ngăn hô, đă [ư tay yơn 7,8 năm aơ mô ho\ saơ. Ăp tơ\ trôk mih dak pơng băm. Dak li tâm jay lir lar. Âk ntu djăr yan duh âk nu\ih hăn way prah. Âk ndeh têh hăn rgăn ta aơ tâp tâm bro\ng”.

                             Quốc lộ 40B lvang hăn rlău khối phố 2 nkuăl têh Đak Tô nkô| Dak Tô

Bah ntu\k êp đah Quốc lộ 40B đah trong Hồ Chí Minh ta nkuăl têh Đak Tô, nkuăl Đak Tô lơ hăn jru tâm nkuăl Tu Mơ Rông, n’gor Kon Tum trong lơ jêr hăn. Gay hăn rlău 60km quốc lộ aơ, ô tô, ndeh máy hăn ngăch roh 3-4 mông. Âk gưl, kơt yôk Văn Rơi, hăn rlău xă Đak Hà, Tu Mơ Rông… trong nduh ndăp, ntu djăr ntu rvêh lam le\ trong. Lvang trong ri mb^r, lvang ri lu\ chreh [ư ndeh ô tô ndeh máy hăn du\t mbrơi n’hanh way geh prah ndeh du\t âk. Wa A Linh, Bí thư Đảng uỷ xă Đak Hà, nkuăl Tu Mơ Rông lah n’hanh dăn đă: “Nkra tay bah tỉnh lộ jêng quốc lộ lah kônh wa nkuăl Tu Mơ Rông du\t rhơn. Yơn n’hêl na nê| a[aơ quốc lộ trong mô hôm tâm di đah quốc lộ, trong du\t klach, ntu rvê, ntu rpu trong jêt, trong koe, trong yôk jêng dăn đă Chính phủ, Quốc hội ơm geh bôk nău kan nchrăp [ư ntuh kơl ơm nkra tay trong quốc lộ 40B aơ gay [on lan dơh oi tâm nău tăch rgâl, nchoăn rdêng ndơ n’hanh hăn nsong”.

Wa A Hơn, Kruanh UBND nkuăl Tu Mơ Rông an g^t, nkuăl geh tât rlău 95% rnoh nu\ih lah [on lan rnoi mpôl đêt hôm rlău 32%, Quốc lộ 40B lah trong me têh hăn tâm nkual, geh nău du\t khlay tâm trong kan ju\t n’hu\ch ach o, ntrôl wa\ng sa rêh jêng [on lan hun hao. Yơn lah đah nău ngăn ju\r djơh a[aơ, trong quốc lộ aơ dôl lah jêng nău klach rvê ngăn. Khuch ngăn lah yor jêr jo\t đah trong hăn, tuh mbô nu\ih [on lan nkra njêng nu\ih rwa\t nsâm, knu\ng geh n’gul nkôp đah ntu\k tăch rwa\t nsum. “Quốc lộ 40B ngăn lah tâm yan mih du\t jêr jo\t, du\t khuch tât nkra njêng bah nu\ih [on lan. Trong jêr jo\t khuch đah nchoăn rdêng nu\ih rwa\t nsâm. Nkuăl geh nău rgop dăn đă hôm yơn ma mô ho\ dơi ntuh kơl, nău aơ mpeh tâm n’gâng kan ntung trong gưl n’gor. Mpo\ng bah lơ nta an ntuh kơl [ư ơm gay nkuăl geh nău nơih hăn nsong”.

                                        Quốc lộ 40B lvang xă Đak Hà nkuăl Tu Mơ Rông

T^ng n’gâng kan ntung trong gưl n’gor Kon Tum, nkô| nău [ư âk km Quốc lộ 40B lvang hăn n’gor Kon Tum ju\r djơh hô lah yor 14 năm bah năp, rnôk hôm e tỉnh lộ 672 trong mô dơi mât nkra. N’hanh bah kơi rlău 2 năm jêng quốc lộ nău nkra, ntop tay mhe đo\ng knu\ng rlu tay ta rnoh đêt đă. Wa Phan Mười, Groi Kruanh n’gâng kan ntung trong gưl n’gor Kon Tum an g^t: “Năm 2015, N’gâng kan ntung trong, Tổng cục, Tơm prăk nkrem trong ndeh Việt Nam uănh m^n ntuh kơl geh 27 rmen prăk gay ntuh kơl nkra ăp lvang djơh hô tâm 40 km, săch 9 km geh 38 gưl. Trong nchrăp 2016 n’gâng kan le\ jêh dăn đă n’hanh dơi N’gâng kan ntung trong an ntuh kơl nkra tay 80 ntu\k djơh p^ch rlâm, plôk, chah trong đah ding le\ jông nklăp 8,53 km”.

Lah ngoay tâm âk trong rgăn khlay nthoi nkual Tây Nguyên đah duyên hải miền Trung n’hanh ăp n’gor mpeh bah dâng dak Lào tă bah mpông n’har bri dak bah dih Bờ Y-Phu Cưa, Quốc lộ 40B lvang hăn rlău n’gor Kon Tum ân ơm dơi ntuh kơl tâm ban gay mât ueh nău [ư tơm nthoi nglăp khlay bah trong hăn rgop ntrôl wa\ng sa rêh jêng hun hao./.

            Nu\ih rblang: Y Sưng Phê Ja