VOV4.Mnông:  28 năm dăch aơ Tây Nguyên, ndrel đah nău [ư t^ng ntrong kan nt^m nti, mbra tâm rdâng đah nău tât. Sư đoàn Bộ binh 320, bâh Binh đoàn Tây Nguyên le\ ntrôl dăng nău kan rgo\ jă [on lan, na nê| lah tâm nău kơl n’gâng kan n’hanh [on lan ta ntu\k [ư lôch ăp nău mpo\ng tâm bôk nău kan nkô| mpo\ng ngih dak mpeh rdâk njêng nkual [on lan mhe.

            Ăp nar aơ, bôl ma dôl ta khay pe\ lêh, ih pâr cà phê, yơn ăp rnăk [on lan thôn Đồng Bằng, xã Biển Hồ, nkuăl [on têh Pleiku, n’gor Gia Lai hôm nha ntêm mông nar ndrel đah ăp tahen bộ đội Trung đoàn 48, bâh sư đoàn 320 [ư rli neh, nchrăp [ư trong bê tông hăn let mir cà phê. Ntơm nơh, rnôk ê ho\ geh trong bê tông, ta khay lêh cà phê, [on lan way rdeng nchoăn hăn ta trong neh mhir bok ta khay mih, nsuk ta nar duh. A[aơ geh bộ đội Sư đoàn 320 kơl an nu^h kan, 100 rkeh prăk n’hanh âk tấn ndơ chọi, lu\, xi măng…ăp nu^h nđơr rhơn [ư trong mhe. Wa Hồ Đức Trinh, nu^h [on lan thôn Đồng Bằng, xã Biển Hồ, nkuăl [on têh Pleiku ngơi.

            “Bộ đội sư đoàn 320 kơl ndơ kan n’hanh nu^h kan, ăp đồng chí ndơ\ tahen jur ta [on kơl an [on lan hên. Tal 2 lah ndơ do\ng, loih, xi măng…kơl kơt lah tât 1/3. bâh ntơm tât a[aơ, ăp đồng chí kơl [on lan du\t âk, bâh jut jăng ngih truh sat, tât kơl [on lan [ư trong nkual [on lan hăn. [on lan hên du\t lah ueh, mô dơn rơh aơ ma sư đoàn kơl an du\r âk ntu\k êng đo\ng, mô êng ntu\k hên”.

            Sư đoàn Bộ binh 320, bâh Binh đoàn Tây Nguyên geh naư ntơ bôk năp lah đại đoàn Đồng Bằng, lah ngoăy tâm 6 Sư đoàn bôk năp bâh tahen [on lan Việt Nam. Tâm 2 rơh tâm lơh tâm su, Sư đoàn pah kan nău kan mât đăp mpăn ngih dak ta  Đồng bằng sông Hồng, tât râng tâm lơh bâh Hồ Chí Minh lịch sử n’hanh pah kan nău kan têh khlay bâh lam ntur neh lah rdâng lơh đah tahen Khmer gur ta Campuchia…ntơm rdâk njêng mpôl kan tahen ta Tây Nguyên bâh năm 1987, Sư đoàn 320 tiăr nti tay, n’hao nău dơi tâm lơh, nău dơi tiăr nti. Ta meng ne\, Sư đoàn ua\nh khlăy ntrôl nău pah kan rgo\ jă ta ntu\k pah kan, ntoh lư lah nău [ư t^ng nău kan tahen nsum soan rdâk njêng nkual [on lan mhe. Đại tá Nguyễn Kiên Lợi, groi Chính Uỷ Sư đoàn an g^t:

            “Lôch geh nău ntru\nh mbơh bâh Quân uỷ Trung ương nău kan tâm rlong “Tahen nsum soan rdâk njêng nkual [on lan mhe”, r^ Sư đoàn le\ ua\nh năl aơ lah ngoăy tâm âk ntrong kan tơm khlay bâh ntu\k kan n’hanh le\ geh ua\nh năl na nê| ăp nău kan ngăn ma ntu\k kan le\ tât râng. Ta aơ, mpôl hên rgum mpeh trong hăn let thôn, xã, mpeh nău dak bât, mpeh nău ngih nti, mpeh văn hoá n’hanh y tế, rdâk njêng ăp ntu\k kan chính trị, rêh jêng nâp dăng”.

            A[aơ, Sư đoàn 320 le\ geh tâm rnglăp kan nsum đah 25 nău kan tơm ta ntu\k, ntơm kơl 5 xã lah Biển Hồ nkuăl [on têh Pleiku, xã Nghĩa Hưng n’hanh xã Ia Nhin nkuăl Chư Păh, xã Ia O nkuăl Chư Prông n’hanh xã Ia Lang nkuăl Đức Cơ [ư lôch ăp nău mpo\ng  tâm bôk nău kan nkô| mpo\ng ngih dak mpeh rdâk njêng nkual [on lan mhe. Bâh ne\, Sư đoàn ndrel đah ăp n’gâng kan ta ntu\k ua\nh nđoi, rdâk njêng ntrong kan [ư ăp nău mpo\ng đah ăp nău kan na nê| kơt lah ntop bơi tât 5 rbăn nar kan nkra mhe mir tăm, mât kloh ueh ntu\k gu\ rêh… [ư ueh mhe bơi tât 7 km trong hăn nkual [on lan, rdâk [ư âk ngih tâm ro\ng. wa Nguyễn Thị Minh Hải, groi kruanh UBND xã Biển Hồ, nkuăl [on têh Pleiku lah na nê|, nău ntop soan kơl bâh Sư đoàn 320 geh nău kan khlăy ta rơh rdâk njêng nkual [on lan mhe ta ntu\k.

            “ Tâm ăp năm ba năp, ntu\k kan dâk kan ta ntu\k lah Sư đoàn 320 le\ kơl rdâk [ư âk ngih tâm ro\ng, ngih tâm kơl an ăp rnăk tahen. Sư đoàn 320 ndrel đah n’gâng kan ta ntu\k mbơh tơih rgo\ jă [on lan mât kloh ueh aih trong hăn let thôn [on, kor ueh trong n’hong dak. Ăp nău thể dục thể thao ta xã le\ geh nău tâm rgop, ndrel kan đah sư đoàn n’hanh ăp trung đoàn tâm rnglăp kan nsum”.

            Bâh geh nău kơl bâh Sư đoàn 320, kanu\ng lôch 3 năm ntơm kan ta nău kan rdâk njêng nkual [on lan mhe. A[aơ, xã Biển Hồ, nkuăl [on têh Pleiku n’hanh xã Nghĩa Hưng, nkuăl Chư Pah le\ [ư lôch 19/19 nău mpo\ng, jêng xã nkual [on lan mhe ta Gia Lai. Ăp xã hôm e dôl geh Sư đoàn 320 kơl tay [ư lôch ăp nău mpo\ng kan hôm e. Đại tá Nguyễn Kiên Lợi, groi Chính uỷ Sư đoàn ngơi:

            “ Năm 2016, Sư đoàn nt^m leo tay Trung đoàn 52 ăp gâl kan n’gâng kan ta ntu\k ndrel đah xã Ia Nhin nkuăl Chư Păh [ư lôch nău nchrăp kan. A[aơ, ta xã aơ hôm nha geh 8 nău mpo\ng ê ho\ [ư lôch. Mpôl hên knơm ua\nh ta ăp nău kan na nê|, tâm rgop đah n’gâng kan ta ntu\k tâm rgop [ư t^ng ăp nău mpo\ng, geh nău mpo\ng r^ [ư lôch nău mpo\ng ne\. rlău ma ne\, hôm nha nt^m đă ăp ntuưk kan kơt lah Trung đoàn 48, Trung đoàn 64 nsrôih tât râng ta ăp nkô| nău rdâk njêng nkual [on lan mhe ta ntu\k pah kan”.

            Đah nău way kan 65 năm rdâk njêng, tâm rdâng n’hanh têh jêng, đah 2 tơ\ geh nău rnê têh dăng, Sư đoàn 320, Binh đoàn Tây Nguyên dôl nsrôih ndrel đah [on lan ăp mpôl rnoi ta Gia Lai rdâk njêng du nkual [on lan mhe têh ueh, kuăng ndro\ng kơt du nău an saơ mô dơi roh rui mpeh nău tâm rnglăp đah ntu\k kan n’hanh [on lan ta ntu\k.

Nu^h rblang: Thị Đoắt