VOV4.M’nông: {ư ti\ng nau ang ueh bah tahen Wa Hồ tâm rnôk đăp mpăn, tahen ơm Nguyễn Văn Nạp, ta Thôn 6, xã Trúc Sơn, nkuăl Chư Jut, n’gor Dak Nông ntoh nuih n’hâm ueh lah pă dơm neh, kơl an nkuăl nkra trong hăn.

Năm 1996, Wa Nguyễn Văn Nạp, [on tơm Xã Bắc Sơn, nkuăl Hưng Hà, n’gor Thái Bình ndrel rnăk vâl ntrơn gu\ ta Thôn 6, xã Trúc Sơn, nkuăl Cư Jút, Dak Nông gay pah kan jan sa. Bah năp nơh trong hăn ta thôn 6, xã Trúc Sơn huêt ngăn, lo\ dak bo\k tâm yan mih [ư nau hăn ro ndrel rdeng ndơ jêr ngăn. Yơn lah, nklăp du năm ma aơ, trong aơ ho\ [ư đah bê tông ndrel geh nau rgop bah rnăk tahen ơm Nguyễn Văn Nạp.

Gay nkra trong ri u\ch ntrơn neh mir, tâm nê rnăk wa Nguyễn Văn Nạp khuch âk ngăn. Saơ trong geh “kol” nu\ih [on lan hăn ro jêr jo\t, wa Nạp mô geh nau rvê, păng pă 1000m2 neh mir, đah 120 tơm cà phê, du ntu rong ka, dah rnoh nklăp 80 rkeh:

            ‘Rnăk hên ho\ tâm di ndrel oh kon gâp ko\ tâm ban ti\ng nau đă bah gâp đo\ng nê lah pă du gưl neh aơ, bol ma geh nau khuch tât rnăk vâl yơn lo\ kơl an [on lan hun hao”.

            Ntơm nau leo trong lor bah rnăk wa Nguyễn Văn Nạp ho\ njêng nau ueh mhe tâm nau kan tâm rlong nsum n’hâm ndâk njêng [on lan mhe tâm nkuăl. Ăp rnăk tâm [on geh trong hăn ri ko\ tâm ban nau pă neh, ko\ kơt lah rgop prăk gay nkra trong. Wa Trương Triệu Bảo, ta Thôn 6, xã Trúc Sơn, nkuăl Chư Jút, n’gor Dak Nông, ngơi:

            ‘Nô oh, kônh wa tâm [on saơ wa Nạp pă êng neh ri phung hên ko\ pă neh gay ma nkra trong nâp ueh kloh ân kônh wa hăn ro. Ntơm rnôk geh trong aơ jêh ri ho\ geh âk nau rgâl mhe, ngih vâl nâp kloh ngăn”.

            Trong thôn 6 geh nkra ti\ng nau [ư Ngih dak ndrel [on lan ndrel [ư, đah nau jong 700 m, hvi 3m. Rnoh prăk ndâk nkra bơi tât 600 rkeh, tâm nê [on lan rgop 113 rkeh, hôm e lah ngih dak kơl an. Wa Nguyễn Hồng Đức, Kruanh thôn 6, xã Trúc Sơn, nkuăl Chư Jút, ngơi:

            ‘Tâm nau pă êng neh bah rnăk kônh Nạp lah nau leo bôk ân thôn 6 phung hên, kan pă êng neh bah kônh Nạp ko\ geh rnoh neh âk yor ri ma jêh nê phung hên bonh dă rnăk vâl êng nơih lơn. Đah ăp nkô| nau [ư tâm nau ndâk njêng [on lan mhe ri phung hên ho\ bonh đă ndrel ăp rơh r[u\n phung hên ko\ nkoch âk nau aơ đo\ng yor ri ma kônh wa gi\t đo\ng”

            Tât rnôk aơ, xã Trúc Sơn ho\ jêh 11/19 nkô| nau ndâk njêng [on lan mhe. Năl nau ndâk njêng [on lan mhe lah nau kan jo\ jong, yor ri dăch tât gưl ủy, n’gâng kan mra pơk hvi lơn ăp nu\ih geh nuih n’hâm lo\ng, tâm nê geh nau leo lor bah wa Nạp gay [on lan kơt ti\ng. Wa Lương Thị Thanh Thuỷ, Kruanh UBMTTQ Việt Nam Xã Trúc Sơn, nkuăl Cư Jút, n’gor Dak Nông ngơi:

            ‘Năm 2018 aơ xã đăng kí nkô| nau mpeh jêh lôch nau ndâk njêng [on lan mhe đah 19 nkô| nau, nkuăl ko\ ndâk nau nchrăp n’hêl ndrel du\t năm geh to\ng nau dơi mhâm [ư, ndrel khlay ngăn lah nau nkoch trêng ndrel bonh đă [on lan. Gay pơk hvi nau kan aơ, du\t năm 2017, UBMTTQ tâm rgop đah UBND xã [ư rnê nkhôm ân ăp nu\ih geh nau dơi ueh tâm kan pă êng neh, pă êng drăp ndơ gay ma nkra trong hăn [on lan mhe”.

            Trong hăn [on lan bah xã Trúc Sơn, nkuăl Cư Jút ho\ geh nhoat rgâl nơm ueh ngăn. Ngih vâl gung trong nar lơn jêh ueh, nau rêh bah [on lan nar lơn n’hao prêh. Nau rgâl aơ ho\ geh nau rgop âk ngăn bah âk nu\ih, tâm nê ntoh ngăn lah tahen ơm Nguyễn Văn Nạp./.

Nu\ih rblang: H’Thi