VOV4.M’nông: Ta nkual Tây Nguyên, nău dơi bah rơh rgâl mhe le\ ntơm mpơl du rơh thi glêh ue\h, răp jăp, geh le\ ma nu^h hăn thi n’hanh me bơ\ rnê âk.

            Năm aơ, nkual 5 n’gor Tây Nguyên geh rlău 63 rbăn kon se nti râng rơh thi tốt nghiệp THPT gưl ngih dak. Tâm nê rgum du\t âk ta n’gor Dak Lak đah bơi 28 rbăn nu^h hăn thi, lôch nê lah ăp rku\m thi ta nkual [on têh Pleiku (n’gor Gia Lai) n’hanh nkual [on têh Đà Lạt (n’gor Lâm Đồng) ta rnoh âk 17 rbăn nu^h râng thi da dê, hôm ta ăp n’gor Kon Tum n’hanh Dak Nông, nu^h râng thi gay ma so\k uănh an tốt nghiệm dơm.

            Tâm rnôk ta ăp n’gor miền Trung n’hanh miền Bắc, nu^h râng thi ân ât rdâng đah bri duh hô 39 tât 40 độ C ri ta Tây Nguyên trôk nar nđik ue\h, dơh an nu^h râng thi nsong hăn n’hanh [ư bài. Lơn âk nu^h râng thi le\ lôch rơh thi đah nuih n’hâm rhơn ue\h yor le\ [ư ue\h bài thi, n’hanh aih săk yor mô hôm kâp râng du rơh thi tay đo\ng, nkre o\ r’ah nkre roh hoach kơt ăp yuh nô he bah năp nơh.. oh Đỗ Thị Nương, ta xã Ea Hồ, Krông Năng, Dak Lak, an g^t:

            Bôk năp hăn thi ri phit klach, yơn lăp [ư ri saơ đề thi tâm di đah soan he [ư. Du\t tâm di rnôk [ư rơh thi tốt nghiệp nkre uănh an lăp đại học. Gâp saơthi nsum kơt aơ ri dơh, nkre bah ir roh mông nar nsong hăn n’hanh nkre bah ir roh huach prăk nsong hăn.

            Du bông bah năp nơh n’hanh tâm rơh thi, ăp nău kan bah n’gâng kan ta n’gor, n’gâng kan nt^m nti n’hanh ăp nsum mpôl, gay ma kơl nu^h hăn thi n’hanh me bơ\ nu^h râng thi, dơi geh rnê âk. Wa Trần Xuân Hiếu nju\n kon hăn thi ta nhih nti Phổ thông Dân tộc Nội trú n’gor Kon Tum lah:

            “Ăp oh kon rgum ta aơ thi ta Nhih nti Nội trú n’gor aơ uănh nsum me bơ\ njuăl nt^nh n’hanh đăp mpăn đo\ng. Kêng măng nar 29 ăp oh kon dơi nhih nti nju\n s^t ta nhih nti Nội trú n’gor gay đăp mpăn ntu\k gu\, ntu\k sa”.

            Hôm wa Nguyễn Như Tài, du hê nu^h nju\n kon hăn thi ta nkual [on têh Đà Lạt, n’gor Lâm Đồng ri an g^t:

            “Saơ n’gâng kan tâm n’gor, le\ rngôch ăp mpôl kơl wơt soan hăn thi du\t rah rơch, ntơm bah jay trọ an tât ăp sinh viên rho\ kan du\t ue\h, nta trong dơh an oh kon mpôl hên.”

            T^ng nău lư ban Ban tổ chức rku\m thi, rơh thi trung học phổ thông gưl ngih dak lor bôk năp le\ [ư đăp mpăn. Rnoh âk nu^h râng thi geh ntơm bah 95% tât 99% rđ^l đah le\ rngôch rnoh đăng ký. Tiến sĩ Huỳnh Thanh Hùng- Kruanh ban uănh thi Rku\m thi mbrô 29 ta n’gor Gia Lai an g^t, ntơm bah nar bôk năp bah rơh thi, nău [ư răp jăp bah nu^h râng thi, cán bộ uănh thi n’hanh le\ ma ăp me bơ\ nju\n oh kon hăn thi, le\ [ư ban tổ chức ăp rku\m thi đăp mpăn. Tiến sĩ Nguyễn Tấn Vui, Hiệu trưởng nhih nti Đại học Tây Nguyên an g^t đo\ng, rơh thi le\ [ư du\t răp jăp n’hanh đăp mpăn:

            “Uănh năl nô nău du\t ue\h, mô geh nu^h râng thi n’hanh nu^h uănh thi tih nău way thi. Pah kan [ư nsum đah ăp ntu\k thi n’hanh ăp cán bộ bah nhih nti Tây Nguyên n’hanh ăp nhih nti phổ thông, trung cấp, cao đẳng ta n’gor geh nău kan nsum dăch dêh, đah nuih n’hâm dơn kan âk.

            Ntơm bah ân râng 2 rơh thi lơn lah thi tốt nghiệp THPT n’hanh thi sơch lăp đại học, a[aơ nơm geh rgâl mhe bah bộ Giáo dục- Đào tạo, ntơm bah năm aơ let năp, nu^h râng thi mbra dơn [ư 1 tơ\ thi THPT gưl ngih dak dơm. Ntơm bah nău rgâl dja le\ kơl lam nău rêh jêng kon nu^h mpêt nkrem âk prăk kaih, n’hâm soan n’hanh mông nar. Mpeh trong mât bôk kan, rơh thi THPT gưl ngih dak lor bôk năp ta nkual Tây Nguyên le\ dơi rnê lah du\t ue\h. nău thi [ư răp jăp, [ư đăp mpăn nuih n’hâm le\ ma ăp nu^h ơm geh nău klach rvê mpeh ăp nău mô kloh rvoah tâm rơh thi n’hanh nău mô săk blău nt^m nti, geh du\t hô tâm ăp năm rlău aơ nơh./.

            Nu^h rblang: Điểu Thân