VOV4.M’nông – Tâm nchră mpeh joi trong rdâk tay bri jo\ jong nkual Tây Nguyên gay rdâng lơh đah rgâl duh nđik trôk nar lvang năm 2016- 2020 [ư tâm pơh bah năp nơh, nkô| nău nchră trong mât bri dơi ndơ\ luh le\ n’hâm. Uănh tay ăp khay bôk năm aơ, ăp n’gor Tây Nguyên le\ ntrôl dăng ăp trong mât njrăng bri, tâm nê nkra rmal kỷ luật mô đêt cán bộ mât njrăng bri geh tât, yơn nô nău mu^h kăl bri nha mô ho\ dơi nking nchăng đo\ng. Phóng viên Đài TNVN way gu\ kan ta nkual Tây Nguyên rgum ăp nău lư geh tât đah mpôl mât njrăng bri n’hanh ăp rơh roh bri, tăch rvăt nchuăt rdeng si mô geh nău way mhe.

 Bôk khay 6 aơ, jêh rnôk nu\ih nchih năubah Đài TNVN ta Tây Nguyên lah nău ndrâm lu\ [ư trong an nu\ih phah bri ta tiểu khu 474, xă Măng Cành, nkuăl Kon Plông, n’gor Kon Tum, ăp n’gâng kan dơi kan [on lan mơ khuh lăp [ư, n’hanh tâm ndu\ih nău kan. Kruanh Hạt kiểm lâm nkuăl Kon Plông an lah, 900 ha bri le\ dơi jao an UBND xă Măng Cành mât uănh; n’hanh bri “soih dơm” lah yor nu\ih [on lan phah so\k si [ư jay. Hôm n’gâng kan xă m^n lah tay, [on lan phah ri đêt, ma du\t âk lah nu\ih lăp tâm bri so\k ntu\ng. Wa Lê Đức Tín, Groi Kruanh UBND nkuăl Kon Plông m^n lah, bri ta tiểu khu 474 le\ roh tâm rnôk jo\ jông, nu\ih [ư geh n’ăp nu\ih dơi jao bri n’hanh nu\ih so\k ntu\ng si:

Geh du đêt nu\ih rnoh neh le\ dơi jao an nsum mpôl mât uănh [on lan hôm e du\t jêr jo\t jêng khân pơng so\k du đêt tơm gay [ư jay, [ư ndrung wang. Bah meng ne\ geh du đêt nu\ih bu rlăm bu [ư tih mpeh luật. nkuăl le\ geh sam [u\t ndal nt^m rđau an kiểm lâm, công an uănh na nê| tay.

Mât njrăng bri [ư thơ tha mô lah wơt kơl an nu\ih ntu\ng, ne\ lah nău mô êng ta Tây Nguyên. Yơn knu\ng rnôk nu nău dơi mbơh báo chí nkoch kloh, mô lah rmôt bah N’gâng kan Công an lăp [ư, ri mơ geh ăp nu\ih na nê| dơn trok nău kan.

Geh tât nău so\k si khuh hô ta nkuăl Krông Pa, n’gor Gia Lai ma báo chí lah rnôk bôk năm aơ, ăp n’gâng kan dơi kan n’gor Gia Lai le\ rmal kỷ luật 15 cán bộ, nu\ih kan Hạt kiểm lâm Krông Pa n’hanh Ban mât uănh bri rchăng n’gang phu\t sial Ia Gsai.

Ta Dak Lak, mhe aơ, rnôk ăp rup mpeh cán bộ mât njrăng bri so\k prăk an sa khâm jêh ne\ [ư thơ tha an nău so\k si rdêng si ntu\ng dơi mbơh lam hvi, ri Công ty TNHH MTV Lâm nghiệp Buôn Ja Wầm, mơ an rlu pah kan 2 cán bộ ntu\k mât njrăng bri mrô 1, gu\ ta xă Ea Kiết, nkuăl Cư M’gar.

Hôm ta Dak Nông, geh tât rlău 250 m3 si mô tâm di ta xă Quảng Sơn, nkuăl Dak Glong yor rmôt way kan bah N’gâng kan Công an saơ rnôk khay 4 năm aơ, 4 cán bộ kiểm lâm le\ an rlu kan gay uănh nđôi [ư kloh nău kan. Wa Nguyễn Ngọc Tài, Kruanh Chi cục kiểm lâm n’gor Dak Nông, an g^t, cán bộ bah dâng le\ mô t^ng nău nt^m rđau gưl bah lơ bôl bah năp ne\ le\ saơ ăp nău [ư tih:

Lor rnôk geh nu nău, Chi cục kiểm lâm le\ [ư đo\ng mpôl uănh nđôi ntu\k kan Quốc Triệu n’hanh le\ saơ 31 m3 si… chi cục le\ [ư sam [u\t n’hanh uănh nđôi rmal, jêh ne\ Chi cục le\ đă Hạt kiểm lâm Dak Glong n’ho uănh nđôi ăp ntu\k tơm bri, lơn lah ăp ntu\k nkra njêng si ta lam nkuăl, tâm ne\ geh ăp ntu\k [ư si ta Quảng Sơn. Yơn lah, Hạt kiểm lâm Dak Glong mô [ư t^ng nt^m rđau bah Chi cục, mô uănh nđôi, groi uănh jêng tât geh nu nău”.

Uănh tay ăp nău nhu\p kân si ntu\ng rnoh âk ta ăp n’gor Dak Nông, Dak Lak, Gia Lai rnôk bah năp, ngih pah kan dơi kan m^n lah geh tât ăp cán bộ mât njrăng bri. Nău lư gluh an nău ôp, an t^l mpông bri Tây Nguyên lah trău kah, ma n’ăp nu\ih phah bri n’hanh nu\ih mât njrăng bri ndăn da dê gay geh sa ? rnăk dơn mât njrăng bri, ăp doanh nghiệp manh neh manh bri, ăp công ty lâm nghiệp ngih dak, n’gâng kan [on lan, rmôt kiểm lâm, rmôt tahen n’har bri, công an wa\ng sa, ntu\k ntô gu\ âm… âk rmôt an ndrel đah trong kan mât njrăng bri, yơn mô geh nu\ih trok dơn nău kan na nê| rnôk bri roh si kăl.

Du tơm si hăn bah bri tât nkual [on têh rlău du\t âk mpông mbăng, ndr^ ma rnôk N’gâng kan Công an lăp lah saơ ăp ntu\k prăp rhiăng, rbăn m3 si ntu\ng ta nklang nkuăl Dak Mil (n’gor Dak Nông), nkual [on têh Buôn Ma Thuột (n’gor Dak Lak) mô lah nkual [on têh Plei Ku (n’gor Gia Lai).

U|ch dơi mât bri Tây Nguyên, ntơm bah rmôt mât njrăng bri !

Nu\ih rblang: Y Sưng Phê Ja