VOV4.M’nông - Ta nkual n’har bri n’gor Dak Lak. Bri n’ha rpăi yan wai duh hô le\ ru\ng n’ha. Nar duh, măng sial rpuh. Ntu\k ne\, geh âk cán bộ tahen n’har bri dôl jăp ty djôt phao mât njrăng bri dak, gay nu\ih [on lan sa tết răm, đăp mpăn.

Măng njroh mprơ nar du\t năm ta ngih r[u\n Pôih tahen n’har bri Ia Rvê, nkuăl Ea Súp, n’gor Dak Lak, mô rgum âk cán bộ tahen, yơn hôm e răm m’ak. 

Ăp nô mhe s^t bah ăp rmôt kâp uănh n’har bri, tâm muh măt, tâm bâr mprơ hôm e luh tu\k lêm, Tahen Đỗ Trí Anh, pôih tahen n’har bri Ia Rvê, nkoch:

“Sa Tết ta ntu\k ngai ri mpôl hên nkah g^t jay da dê, yơn lah nu\ih tahen tâm tahen [on lan, lơn lah nu\ih tahen n’har bri kâp njrăng n’har bri, ri mpôl hên jăng lơi nău u\ch rêng êng, gay lôch jêh nău kan mât njrăng n’har bri, rho\ an ngih dak, an [on lan dơi sa tết hơm răm ueh lăng”.

Rnôk ăp nu\ih ta pôih tahen răn njroh mprơ rhơn năm mhe, tahen ăp rmôt uănh nđôi kâp rdâng dôl rhăt jăp ty djôt phao n’glang bri jru. 

Trung uý Lê Văn Trung, Kruanh rmôt vũ trang, pôih tahen n’hả bri Ia Rvê, an g^t, rmôt tâm lơh rgum âk gay lôch jêh nău kan:

“Cán bộ tahen tâm rmôt lah nkre uănh nđôi ding nar, nkre kâp njrăng, nkre uănh nđôi măng… Di rơh Tết nguyên đán 2016 tâm nu nău trôk nar duh hô, le dơi m^n uănh rhăt jăp n’hanh ntrôl đă nău m^n bah Ban nt^m rđau pôih, ri oh nô nsrôih kâp uănh nchrăp rdâng tâm lơh đăp mpăn [ư tơm rnă njrăng n’har bri ngih dak”.

Rmôt kâp uănh mpôn ta n’glah 3 trong har, nkual n’glah 3 dak me Ea H’Leo n’hanh dak me Ea Lốp, n’har đah 4 n’gor: Dak Lak, Gia Lai bah Việt Nam đah Mundukiri n’hanh Ratanakirri bah Campuchia. Rhoai guh, măch, ntu\k ntô mô ueh, trôk nar duh r’ôl… 

mô geh [ư n’gơ nuih n’hâm cán bộ tahen n’har bri. Đại uý Hoàng Ngọc Ân, Groi groi kruanh pôih tahen n’har bri Ea H’Leo, nkoch: Nchrăp ueh, mât uănh ueh nău rêh an tahen, ntu\k kan le\ [ư săk rnglay ăp trong nchrăp mât njrăng n’har bri:

 “Ntu\k kan le\ mbơh [ư le\ rngôch ăp trong, lơn lah tâm rơh Tết, mât uănh nău rêh nuih n’hâm, gay oh nô cán bộ tahen mpeh nău m^n lah nâp dăng nkra nău jêr jo\t. mpeh nău rêh ndrăp ndơ ri dơi uănh m^n bah gưl prêh, jêh ăp ntu\k njêng oh nô, kônh wa [on lan n’har bri tâm rgum, ntu\k kan le\ nchră ueh, an oh nô sa tết răm n’hanh đăp mpăn tâm mông nar “Pôih tahen lah jay, n’har bri lah [on tơm, kônh wa n’har bri lah oh nô ndul deh”. Đah trong way [ư ne\ ri Ban nt^m rđau pôih tahen le\ đăp mpăn an cán bộ tahen sa tết to\ng ăp, hơm răm n’hanh rgum mât oh nô, tahen [on lan ta n’har bri.

Thượng tá Đồng Văn Triệu, Kruanh pôih tahen n’hả bri Ia Rvê, an g^t:

“M^n nău kan mât njrăng [ư tơm rnă njrăng n’har bri lah khlay, ma cán bộ tahen mbra ră, tết wơt năm mhe lor. N’hao nău rêh nuih n’hâm ndrăm ndơ tâm rơh Tết, ri mpôl hên le\ kơl ndơ\ tâm nar sa an tahen tâm 4 nar tết ăp đồng chí du hê du nar lah 150 rbăn prăk bah măng ăp nău kơl tâm di đăp mpăn t^ng nău ntru\nh; n’hanh rlak du gưl tơm prăk kơl nu\ih gay an ăp cán bộ tahen geh ndơ njuăl s^t an nu\ih rnăk wâl mô lah do\ng tâm rơh tết. Cán bộ tahen ân nâp nâl nău rêh cách mạng, lễ tết ngăch ngăr, lơn lah tâm trong kan mât uănh njrăng n’gang rnă njrăng tâm ntu\k gay lôch ueh nău kan dơi jao”.

Tahen n’har bri sa Tết ơm, gay wơt mông nar năm mhe tâm nău răm lôch ueh nău kan mât njrăng n’har bri. Thiếu tá Vũ Xuân Đại, Kruanh pôih tahen n’har bri Dak Ruê, an g^t:

“đah tahen n’har bri ri mât uănh njrăng n’gang n’har bri măng nar, ma wơt lôch năm mhe ta n’har bri ri way geh cán bộ nt^m rđau ndrel đah du đêt đồng chí gưl kruanh rmôt. Jêh rnôk wơt năm mhe ta ntu\k kan ri mpôl hên mbơh [ư nkre pah kan uănh nđôi nkre wơt năm mhe ndrel ăp rmôt kâp uănh ta n’har bri”.

T^ng đại tá Phạm Quang Hùng, Kruanh nt^m rđau tahen n’gor Dak Lak, ăp ntu\k kan n’har bri le\ mât uănh ueh nău rêh nuih n’hâm ndrăm ndơ an cán bộ tahen, lôch ueh nău kan mât njrăng [ư tơm n’har bri ngih dak, đăp mpăn nău rêh kon nu\ih n’har bri gay nu\ih [on lan răm wơt Tết Bính Thân lôch ueh.

“Ăp ntu\k kan geh trong nchrăp du\t ueh, tâm ne\ lah [ư sa tết lor, ndrel wơt năm mhe rnôk ăp rmôt bah ăp n’gâng kan way kan tât mbah rhơn tết ri nkre [ư an cán bộ tahen sa tết, gay ăp nar tết ri tahen rgum mbơh [ư ăp nău kan kâp uănh ta n’har bri kơt ta ntu\k. Ăp ntu\k kan [ư ăp nău văn hoá njroh mprơ thể dục thể thao gay ntru\t ntrôl nuih n’hâm, nta an mông nar răm rhơn ueh lăng an cán bộ tahen đăp mpăn kâp njrăng, nchrăp rdâng tâm lơh, mât njrăng đăp mpăn n’har bri bah năp n’hanh bah kơi Tét, đăp mpăn an [on lan wơt rhơn năm mhe.

Nu\ih rblang: Y Sưng Phê Ja