Ntơm deh n’hanh têh hao tâm du rnăk vâl geh nău ơm cách mạng, Trung uý Nguyễn Phúc Đức, cán bộ Đội cảnh sát giao thông, Công an nkuăl [on têh Đà Lạt, n’gor Lâm Đồng, way du\t nsrôih n’hanh le\ nuih n’hâm đah nău kan geh pă an, jêng ngoăy tâm âk nu^h mom geh âk nău dơi tâm nău kan tâm rlong ro\ng dak n’hanh nău kan nsum. Ndrel đah ne\, nău ueh mpeh ôp ngơi dêh mêr đah năch bâh nu^h Đà Lạt kăl e way geh nô n’hao tâm ăp nău pah kan, an tay âk nău u\ch ro\ng n’hanh nău ueh an nu^h tahen công an tâm nuih n’hâm năch n’hanh nu^h [on lan.

            Đà Lạt lah du nkuăl [on têh tâm lam dak mô geh jro\ng đèn chăng nđir ta trong jêng bôl lah trôk mih mô lah duh, rnôk tât ta nkuăl[on têh aơ, ăp nu^h dơh geh mâp ăp nu^h tahen cảnh sát giao thông way pah kan nt^m leo năch hăn trong, nt^m mbơh nău hăn trong gay ma đăp mpăn nău hăn nsong ueh n’hanh  đăp mpăn, ngăn lah ta rnôk khay âk năch tât pâl nđaih. Tâm rnoh ăp nu^h pah kan nău aơ, geh du hê tahen cảnh sát giao thông mom way nsrôih kan, kan jăp đah nău kan, nsrôih mbơh nti, nt^m trong an năch rnôk geh u\ch. Ne\ lah Trung uý Nguyễn Phúc Đức, rmôt kan mât ua\nh ntung trong, Công an nkuăl [on têh Đà Lạt n’gor Lâm Đồng.

Nô an g^t, yor kơt ne\ lah nău kan nô u\ch yor lah geh ntop du đê| săk soan nơm gay ma rdâk njêng Đà Lạt, ntu\k nô deh n’hanh têh kuăng an tâm di lah nkuăl [on têh ueh, đăp mpăn, dêh bên n’hanh ro\ng năch:

“Saơ nău tâm rgop, pă kan bâh mpôl kan  n’gâng kan công an đah ntu\k rêh jêng, bâh jê| gâp le\ u\ch hôm jêng lah lôch nti phổ thông r^ hăn thi lăp công an. Nkuăl [on têh Đà Lạt ăp nar geh vơt âk năch pâl nđaih, gâp lah nu^h pah kan r^ ăp tơ\ an dêh mêr, kơl an năch tât pâl nđaih, an khân păng saơ đăp mpăn, ueh, ua\nh nsum lah he an ntop âk nău ueh an nkuăl [on têh pâl nđaih aơ. Rnôk kơl an năch r^ gâp saơ du\t rhơn ngăn jêng nău kan mô ir geh ua\nh lah jêr, o\ r’ah. Ta aơ trôk nar ueh nđik, mih sial r^ nău ne\ mô ir jêr, he djăt ma nsrôih [ư lôch nău kan geh pă lah dơi hôm”.

Deh n’hanh têh kuăng ta Đà Lạt, g^t ta ăp nkual njônh [on têh, trong nque mô dơn tât râng nău kan ua\nh nđôi, mbơh nt^m ăp ndeh klư hăn nsong ta mông âk nu^h hăn, Trung uý Nguyễn Phúc Đức hôm nha mbơh rblang, nt^m trong an năch tât ăp nkual, ăp ntu\k tât, ăp ntu\k ngêt sông, ntu\k rlu thuk ueh ăp tơ\ geh năch tât đă nt^m. nô an g^t, yor nkuăl [on têh Đà Lạt ăp nar geh âk năch dak bah dih tât pâl, yor ne\, săk nơm mô rlu kơt nti, n’hao nău g^t kan tâm ban kơt nău ngơi dak bah dih gay ma an tâm di đah nău kan ta rơh mhe:

“Săk gâp nơm mbra nsrôih [ư lôch nău kan, yor aơ lah nău kan ma gâp u\ch. Tât tay, gâp mbra nsrôih nti gay ma n’hao nău way kan gay ma tâm di đah nău u\ch pah kan. Tâm ne\, nsrôih nti nău ngơi dak bah dih yor Đà Lạt ăp nar lơ ma geh âk năch bâh dak bah dih tât pâl nđaih, he an nti, g^t nău ngơi dak bah dih mơ dơi nt^m an khân păng”.

T^ng nău mbơh bâh thiếu tá Nguyễn Văn Hùng, kruanh rmôt kan Cảnh sát giao thông công an nkuăl [on têh Đà Lạt, ta nkuăl [on têh pâl nđaih jêng rlău ma nău kan chính trị r^ ăp nu^h Cảnh sát giao thông dơi ua\nh lah du hê nu^h kan nt^m mbơh ntu\k ueh pâl nđaih ta ntu\k aơ. Nău kan mbơh ngơi dêh mêr, ueh đah nu^h [on lan n’hanh năch lah nău geh ua\nh khlăy lơn. Nău leo pah kan ueh, dêh dăch n’hanh nsrôih kơt Trung uý Nguyễn Phúc Đức lah du\t tâm di rnê gay ma ăp tahen Cảnh sát giao thông kơt [ư t^ng. thiếu tá Nguyễn Văn Hùng an g^t, mbro tâm ăp năm ba năp, mô dơn [ư lôch ueh nău kan ta ăp ntrong kan mât đăp mpăn trong hăn, Trung uý Nguyễn Phúc Đức hôm nha geh âk nău dơi khlay tâm nău kan pah mât njrăng nu^h tih, le\ geh ntu\k leo kan ba lơ n’hanh kruanh n’gâng kan công an pă bằng khen.

“Tâm ntu\k kan hên geh âk tahen kan mom, tâm ne\ ntoh lư lah đồng chí Nguyễn Phúc Đức, âk năm mbro geh rnê lah chíên sĩ thi đua gâl ntu\k kan ba dâng. Nău kan mât đăp mpăn ua\nh nđôi n’gâng ntăm nt^m mbơh trong hăn r^ geh năch n’hanh [on lan ta ntu\k nchră kan geh nău dêh dăch đah năch rnôk ma tâm nchră pah kan tâm ban kơt nt^m mbơh trong hăn. Đồng chí Đức hôm nha geh nău m^n kan mhe tâm rnôk pah kan, way tâm kơl đah ăp đồng chí, kan ndrel tâm ăp ntu\k kan nsum, nău m^n ueh, dêh mêr, way kơl ăp nu^h tahen mhe tât. Ua\nh nsum, nău pah kan way [ư lôch ueh ăp năm, rlău ma nău nti ta ngih nti r^ đồng chí Đức hôm nha hăn nti tay gay ma n’hao nău dơi pah kan đo\ng”.

Mô dơn nsrôih pah kan, nsrôih đah nău kan, Trung uý Nguyễn Phúc Đức hôm nha lah Uỷ viên Ban chấp hành Chi đoàn thanh niên ta ntu\k kan. Ăp khay nô way ndrel đah ăp tahen tâm rmôt s^t tu tơm, joi tât ăp nkual njônh ngai, nkual [on lan rnoi đê|, gay ma kơl nu^h [on lan nkra mhe trongg hăn, kor trong n’hong dak, mât klôh ueh ntu\k gu\ rêh ta thôn, [on…bâh ne\, Chi đoàn bâh nô Đức way geh nău dơi ntoh lư tâm nău pah kan nsum, ta ntu\k kan.

Nu^h rblang: Thị Đoắt