N’gâng kan tuch tăm ndrel Hun hao ƀon lan Việt Nam ndrel N’gâng kan Hải quan Trung Quốc mhe kí nau ntrŭnh mpeh nau đă ân geh đăp mpăn ndơ sa đah sầu riêng ân n’ik bah Việt Nam tăch luh tât Trung Quốc. Đah nau ntrŭnh mhe geh ký ton, nau nchrăp tơm prăk tăch luh sầu riêng ân n’ik bah Việt Nam tâm năm 2025 geh tât 300 rkeh đôla Mỹ. Ta Dak Lak, ntŭk geh rnoh neh tăm ndrel rnoh geh sầu riêng dâk tal 2 lam dak, n’gor aơ dôl nchrăp, mra tŏng dơi ăp nau đă râng tăch luh rnôk nau ntrŭnh geh nau tam.

Dak Lak geh bơi tât 33 rbăn ha sầu riêng, rnoh ăp năm geh rlau 280 rbăn tấn. Lam n’gor geh 23 ntŭk tât dŭng sầu riêng ndrel 68 nkuăl tăm geh pă mrô tăm kơl an nau tăch luh sầu riêng rih tât Trung Quốc. Nau kan n’gâng kan tuch tăm ndrel hun haon ƀon lan Việt Nam ndrel N’gâng kan Hải quan Trung Quốc ký ton nau ntrŭnh mpeh nau tăch sầu riêng ân n’ik hŏ pơk luh âk nau ueh ân ntŭk tăm sầu riêng Việt Nam lah nsum, Dak Lak lah êng./.