Ta Dak Lak, nu nău srê ta mpa rong geh jêr jŏt, ngăn lah nău ntoh ăp ntŭk srê ji ndŭl djroh sŭr châu Phi, srê pŭn ntô ta âk ntŭk. Tât rnôk aơ, srê ji ndŭl djroh sŭr châu Phi lĕ geh ta 66 rnăk ta 17 xă bah 10 nkuăl, nkual têh, nkual ƀon têh bah n’gor Dak Lak, ƀư khĭt n’hanh tâp bôr rlău 510 mlâm đah dĭng lĕ rlău 24 tấn. Aƀaơ hôm 6 nkuăl srê mô hŏ rlău 21 nar.

Đah srê pŭn ntô ta rpu, ndrôk, tâm pơh, srê ntoh ta 2 rnăk ta nkuăl têh Ea Pốk, nkuăl Cư M’gar n’hanh xă Hòa Phú, nkual ƀon têh Buôn Ma Thuột, n’gor Dak Lak, dĭng lĕ tâp bôr rlău 300kg. Ntơm bah bôk năm tât aƀaơ, ta Dak Lak ntoh 4 ntŭk srê pŭn ntô ndrôk rpu ta nkuăl Ea Súp, nkuăl Cư M’gar n’hanh nkual ƀon têh Buôn Ma Thuột, ƀư ntưp 9 mlâm, tâp bôr 4 mlâm, dĭng lĕ tâp bôr rlău 450 kg. Năm aơ, n’gor an bơi 29 rmen prăk tơm prăk ngih dak gay ăp ntŭk ƀư ăp trong njrăng n’gang srê ndrôk rpu, kik djăr.