VOV4.M’nông – Tâm ăp nar dja, lam dak khuh n’gôr ăp nău kan nkah ndray 70 năm Cách mạng khay Pham n’hanh Quốc khánh 2/9; nkre ma nkah ndray nar njêng ăp nhih pah kan chính trị lor bôk năp bah neh dak. Tâm rnoh nê geh Radio nău ngơi Việt Nam, nhih pah kan dơi Kruanh Hồ Chí Minh ký n’glêh an njêng lôch mô ho\ to\ng du pơh lôch nar quốc khánh, nar 7/9 năm 1945. Gay ntơm bah nê ăp bôk ntuh nău ngơi bah Radio nkre đah nău ngăn geh t^ng nar, t^ng mông bah rơh rdâng lơh ns^t tay nău dơi đăp mpăn, dơn ngoăy neh dak n’hanh rơh rdâk njêng neh dak jêh aơ nơh. Bôk ntuh nău ngơi nar aơ, jă kônh wa n’hanh băl mpôl djăt tay du gâl nău nkah, du gâl nău n’hao êng săk, bah ăp nu^h deh luh ta Tây Nguyên, geh ăp năm khay pah kan ta Radio nău ngơi Việt Nam, an le\ ma n’hâm soan ma n’gâng kan pơk nău ngơi.

Nar mâp măt cán bộ, viên chức ơm tă pah kan ta Đài TNVN di 70 năm ndâk njêng [ư dăch deh ueh răm. Ăp nău tâm ut tâm r’u, ăp nău ngơi, mbơh gơm răm m’ak, kơt u\ch plơ\ tay năm khay. 2/3 đại biểu tât râng mâp măt lah ăp nu\ih ntuh ngơi, biên tập viên, kỹ thuật viên, cán bộ ơm a[aơ rêh ta ăp n’gor Tây Nguyên tât râng pah kan ta Đài TNVN rnôk tâm lơh tâm su mprơh Mỹ kơl bri dak, ndrel tập kết hăn Bắc gay [ư bôk nău ntuh ngơi rnoi mpôl đêt Tây Nguyên tâm Hệ bôk nău ntuh ngơi hăn Nam. Ăp wa, ăp yơ le\ ranh, soan mô dăng, yơn nău ơm [ư báo s^t tât tâm ăp nău nkoch, nău rngot.

Tâm nar tâm lơh tâm su, ăp nu\ih kon Tây Nguyên dơn nău kan tập kết hăn Bắc, ndâk njêng n’hanh [ư ăp bôk nău ntuh ngơi Êđê, Jarai, Bahnar, M’Nông, Châu ro, H’Rê… Nău jêr jo\t, ăp ntil ndơ kỹ thuật Đài TNVN ơm yău; nău g^t blău nti nsơm ăp biên tập viên, nu\ih rblang du\t n’hâm đêt, yơn đah nău kan chính trị do\ng an nkoch trêng an tâm lơh tâm su, yor [on lan miền Nam ndul deh, khân pơng nkre kan, nkre nti; nti nchih, nti rblang, nti răk, m’hâm njuăl mbơh nu nău đah nău ngơi me deh bah nơm tâm nău ngơi ngih dak tât đah kônh wa. Wa Y Thắng, nu\ih rblangi nău ngơi rnoi Xê đăng ơm bah Đài TNVN nkah g^t tay: “Rnôk ne\, nău rêh hôm e jêr jo\t yơn yơ nsrôih t^ng ăp wa gay [ư. Yơ nti nău ngơi Xơ đăng, nti êng, [ư êng. Rnôk ne\, gu\ âm du ntu\k, răk ngơi du ntu\k, yơn nsrôih du\t n’hâm, [ư gay lôch jêh nău kan, ndơ\\ nău ngơi an kônh wa he. Mpo\ng u\ch nar ne\ lah m’hâm [ư an rklaih đăp mpăn miền Nam gay ngăch dơi s^t [on tơm”.

Wa Ná Hồng Yêm, lah kỹ thuật viên Đài TNVN tâm lvang tâm lơh tâm su mprơh Mỹ, a[aơ rlu ranh ta Đak Tô, Kon Tum nkoch: “Bah tâm Nam hăn lah hăn jâng 3 khay mơ tât Hà Nội. Nău gu\ âm, sông sa, pah kan ri njê ngăn, yơn lah yor nu\ih Mỹ. Lah mô nơih ngăn, dơi mâp Wa Hồ, dơi nti nsơm, dơi dah ro\ng, yơn phung Mỹ Diệm pănh miền Bắc, jêng hăn trơn ăp ntu\k, trơn Cao Bằng, Lạng Sơn, Hoà Bình, jêh hăn Quế Lâm, Trung Quốc. Tât năm 1968, plơ\ tay dak nơm, yơn nuih n’hâm pah kan ri du\t knơm, u\ch nău rêh, hôm e njroh mprơ. Di lah nău mprơ, nkêt rdêl nteh bom, ma rnôk ne\, hôm e răm, rhơn ngăn, nkre pah kan, nkre tu\ng trôm ntu, nkre pah kan, pah kan đah 2, đah 3, knu\ng u\ch rklaih đăp mpăn [on tơm bri dak”.

Ta nar mâp măt, ăp đại biểu ndrel uănh ăp gưl phim mpeh 70 năm way ơm Đài TNVN, g^t saơ na nê| lơn mpeh nău têh jêng, hao dăng mô rlu bah Đài TNVN, ntop tay ntooh n’hao mpeh way ơm Đài TNVN nar aơ.

Đah ngih pah kan ta Tây Nguyên, ăp năm bah năp, [ư t^ng nău kan nkra njêng 6 bôk nău ntuh ngơi rnoi mpôl đêt Tây Nguyên tâm trong ntuh ngơi rnoi mpôl đêt VOV4, le\ geh âk nău rgâl, nău hao kơt [ư ntuh ngơi so\ng dăng, [ư trang web 6 ntil nău ngơi rnoi mpôl đêt. Âk cán bộ, nu\ih ngơi ngih pah kan jêh rnôk rlu ranh jêng ăp nu\ih djăt uănh, pah kan ndrel bah bôk nău ntuh ngơi, rgop an rơh kơn druh ndăm nău blău ơm [ư ntuh ngơi rnoi mpôl đêt. Yuh Rơ Chom H’Ly, du hê nu\ih ntuh ngơi jo\ ngăn bah nău ngơi Jarai rlu ranh rlău du năm aơ hôm e dăch dêh đah bôk nău ngơi nơm nkoch: “Gâp saơ du\t rhơn, du\t ntôh n’hao, a[aơ bôk nău ntuh ăp ntil nău ngơi rnoi mpôl đêt tâm so\ng ngih dak le\ geh nău rgâl du\t âk. Bah rnôk mpôl hên [ư răk rblang dơm tât a[aơ le\ geh răk rblang ngơi so\ng dăng, đah nău ngơi rnoi mpôl đêt dơi an tâm web, gâp saơ du\t rhơn, he ndơ\ nău kơl bah ngih dak, trong hăn bah Đảng tât [on lan rnoi mpôl đêt tâm Đài lam dak kơt aơ dơi hun hao dăng lơn tay, nâp nâl lơn tay, gay geh âk nău mhe, nău nchih tât đah [on lan he, pơng ngăn ngên lơn, dăch dêh lơn”.

Ntoh ngơi ta nar mâp măt, Groi Tổng giám đốc Vũ Hải njuăl nău mbah rhơn n’hâm soan n’hanh nkah g^t ăp cán bộ ơm ăp rơh kơn cán bộ, kruanh, phung kan le\ tă pah kan n’hanh rlu ranh ta Đài TNVN a[aơ dôl rêh ta ăp n’gor Tây Nguyên. Groi Tổng Giám đốc m^n lah, nthoi tay nău way ơm 70 năm ndâk njêng Đài TNVN, rmôt cán bộ, phung kan, viên chức Đài TNVN mbra tâm rnglăp, nsrôih rgâl mhe lơn tay gay lôch ueh nău kan bah nơm, tâm di lah du ngih pah kan nkoch mbơh âk ntil n’hanh lah nu\ih băl dăch dêh đah kônh wa ta ăp nkual bri dak./.

Nu\ih rblăng: Y Sưng Phê Ja