Công ty tênhv tênhz Sơn La hêik pêx xênhv sir zôngv tênhv

taz por

Tsôngv ...yuô! Ntu jê lok no, sâuv thax tsav tỉnh Sơn La tsênhv muôx yưv têx hâux lưv li tsôngv px tsi yuô moz siêz txos lok sik tso siêz nhoz jê ntơưv têx côngz tsinhx tênhv tênhz, ndê sâuv têx ndêx tênhv ntêk mur, chuôz nôngk, hnur njêl jê têx xor tênhv, tso zux jê têx xor tênhv lok sik chiv chir txiêr shôngz ntông jê têx xor tênhv lok sik xưv lik têx phiv liv tênhv tênhz thâuv tsi taz por truôx tuk. Tsuôk iz phênhz tsi tsưv ziv cux zôngx ziv trâus tênhv cuz, tênhv gruk uô phiv liv txos tênhv tênhz. Công ty tênhv tênhz Sơn La heik tsôngv pêx xênhv gra siêz tsưr ziv jênhv pâuz, uô trơưk têx tsưr ziv taz por thâuv sir zôngv tênhv tênhz thiêz tsi cxoz chiv chir cor txos têx côngz tsinhx tênhv tênhz.

Tsôngv px tsi cxoz chiv chir ndê sâuv têx ndêx tênhv, trạm tênhv, côngz trinhx tênhv chiê ntês mur, chuôz nôngk, muôz têx chuôz zênhx lok sik uô iz zav hâux lưv tưs txơưr đuô. Tsi hnur njêl ntơưv thax tsav jê cêr tênhv, trạm tênhv; tsi zôngv chuôz zênhx hnur njêl muôx têx zôngx ziv txuôk, uô tsi truôx tuk đros cêr tênhv. Tsi tso zux, leiv têx chuôz zênhx trâu sâuv xor tênhv; tsi cxok shôngz, ntông, fiêx lok sik zôngv chuôz zênhx uô muôx têx tsi taz por đros cêr tênhv.

Thâuv ntor, luôx, txiêr ntông jê têx xor tênhv, tsi chiv chir uô zos ntông lok sik chuôz zênhx njuôs xav zuôr kâus, lor lok trâus xor tênhv. Tsuv hêik trâu Điện lực chiê tâu heik kriê thiêz sik côngv đros xưv lik cov ngaz tuk.

Đros thiêz cxiv luôs tênhv hâur chuôz zis, tsuv yax six qênhz yuôx xor tênhv, qơư tso tênhv, chuôz zênhx tênhv; tsi zôngv xor tênhv đaz tuôs, chuôz zênhx tsi jông lok sik tso tênhv tsi trơưk cui tênhv. Tsuv đhok têx chuôz zênhx por hưv huv đros thiêz tuô tênhv uô ntêx thâuv kho, hlôngr đuô chuôz zênhx.

Thâuv pov xor tênhv tu, pôngz trâu hâur ar lok sik côngz tsinhx tênhv muôx yưv têx tsi jông, tsi cxoz muk jê, tsi cor txos têx xor tênhv lok sik têx chuôz zênhx tsênhv buôk xor tênhv; tsuv heik trâu sơưr đơưk khiêr thiêz thôngz pov ciês trâu nganhx tênhv tênhz.

Zos qiv hơưv muôx ntux nas, đêx ngaz cuôr, ar poz, tsôngv px tsuv tsov cưv tiv zix đros têx côngz tsinhx, chuôz zênhx tênhv; chuv tôngv tuô tênhv tênhz ntơưv thax tsav qơư njuôs xav muôx đêx ngaz thiêz tsi chiv chir xưv lik phiv liv thâuv tsi taz por.

Công ty tênhv tênhz Sơn La heik cxuô lênhx nênhs tsuv gra siêz tsưr ziv jênhv pâuz, uô trơưk têx tsưr ziv taz por thiêz chuv tôngv thôngz pov thâuv pov muôx yưv têx tsi taz por lok tênhv tênhz. Thâuv zuôr trâus paz, kriê lok sâuv sir zôngv tênhv, tsôngv kruô hu trâu Tổng đài  lơưr số 1558/19006769.

 Taz por tênhv tênhz piz txix yênhx lênhx nênhs li siêz xar thiêz hâux lưv uô. Tsi tso siêz, tsi chiv chir buôk ti txos côngz tsinhx tênhv chiê por vêv zuk thiêz côngv thôngx li txox siê, chuôz zênhx chuôz tas./.

                                                                                                             Ngọc Diệp- Txâur Vax cxeik nhênhv