Yax krie lok moz thox plaz tiv caz moz Rota virus thiêz kriz uô cxax yuôx vắc xin Rota tsik tas nhiêx txiêx hâur Cxax yuôx phax moz đêz đar

Tsôngv pox nhuôs hmor yuô, caz moz Virus Rota zos qir tiv xuz thơưx uô trâus moz thox plaz nhoz nhuôs zâu, tiv zix zos chor nhuôs zâu tsik tâu muôx 5 shông.

Virus Rota zos zav caz moz cik đhâu cêr nox hâuk thiêz zôngx ziv cik moz. Caz moz zuôr muôx nhoz hâur nênhs trâus moz têx qir thiêz cik ciês đhâu têx qơư lo tâu caz moz. Moz zuôr huôv xênhz tâu yênhx moz lox, tiv zix zos ntơưv têx qơưk vêv xênhz tsik yuô hur jông.

Têx muôx yưv thâuv trâus moz Virus Rota zos thox plaz ntâu jiês, ntuôr, cuz thiêz moz plaz. Caz moz ruôr hiêv txos chor nhuôv zâu têx plaz hnhur, uô moz thox plaz hnhar, trâus pôngz đêx thiêz trâus tuôs zos tsik chơưv kho moz cov sêi.

Chiê por vêv chor nhuôs zâu tsik trâus moz, hâur hli 12/2024, tỉnh Sơn La kriz uô trâu chor nhuôv zâu txưv 2 shông (chor nhuôv xênhz zus txix 1/10/2024 txos 31/10/2024) hâuk yuôx vắc xin Rota phax moz thox plaz ntơưv 100% chor xar, phường, thị trấn sâuv thax tsav tỉnh. Iz lênhx nhuôv zuôr tâu hâuk oz jiês yuôx vắc xin, jiês iz thâuv mê nhuôv zâu muôx 2 hli thiêz jiês 2 hâuk lơưr jiês iz iz hli tov kaz (tsơưs tiv zix muôx 28 hnuz). Nhuôv zâuv tsuv hâuk cov txưv 2 jiês yuôx vắc xin Rota uô ntêx thâuv mê nhuôv muôx 6 hli hnuz nhôngs.

Tsôngv pox nhuôs hmor yuô! Vắc xin Rota tưz tâu ntâuk gri phax tar tâu jông caz moz thiêz ngaz tuk. Vắc xin paz trâu chor nhuôv muôx jông đas jos phax tar caz moz Rota uô ntêx thâuv chor caz moz no uô trâu mê nhuôv trâus moz. Thâuv mê nhuôv hâuk txưv yuôx vắc xin zuôr paz tir tar tâu trâus moz thox plaz tiv caz moz virus Rota thiêz tsik trâus moz lox zos mê nhuôv trâus cik tâu moz.

Chiê phax tar tâu jông moz, txo grêk tsơưs moz siz cik hâur côngv thôngx pox nhuôs tsuv uô jông iz cxiê kror li đrav kaz:

- Nzuôr têk tsik so txix xaz phongx thiêz đêx hur;

- Nox cxuô zav tâu uô siêr jông thiêz hâuk đêx râuz bâu;

- Tsik nox ntâu chor zav nox tâu uô siêr uô ntêx tsik hur vêv xênhz;

- Tsuv nzuôr hur si mê nhuôv têx têik hâuk cuô mik, chuôz zênhx nox hâuk txix đêx sor cuz lok sik txix têx mêir tuô caz moz uô ntêx thâuv zuôr nox hâuk;

- Vêv xênhz tsik so mê nhuôv têx qơư xênhz huôx, chuôz zênhx uô si chiê tir tar caz moz Rota lo tâu trâu têx zav chuôz zênhx, qơư xênhz huôx co;

- Tsik so cxaz nzir cxuô zav vitamin, tsơưr khoangr lok sik têx zav txơưr paz trâu mê nhuôv muôx đas jos thiêz nox hâuk chiê paz phax tar tâu jông caz moz;

- Tsik zuôr yuôx lok trâu mê nhuôv nox ntơưv tsêr thâuv tsik tâu muôx canr bôv y têr hêik kriê./.

Hồng Việt-Lik Thox cxêik nhênhv