9 luz hlik ntâu đhâu, chi cục coar lik niêv ciêz thiêz chiz coaz muôx txơưx jênhv tỉnh Lai Châu tưz đros yưr lir zuôr xar 300 txuz uô cxâuv lok tsơưr lươngv taz por zav nox, hax huv tsi pâuz tsênhz hâur pâus; xưv phuôv uô cxâuv hành chính 500 tsov đeiv ntâu. Têx hax huv uô cxâuv phênhv ntâu zos greix keiz, đêx kaz jiz, mix chênhr, mix tôm, thax nduôr, plaz hnhur tsiêx cxu... Tiv zix, chiz coaz muôx txơưx jênhv tỉnh Lai Châu tưz ntês thiêz xưv phuôv, muôz por tsês 6.500 ntâu hưx đêx kaz jiz tâu uô chuôr cxôngx Vĩnh Phúc...Zơưv Như Ngọc Biên, Phưv giám đốc Sở công thương tỉnh Lai Châu hêik pâuz li no: “Cxôngx nhiv no txos kaz shông, Ban chox kriê 385 tỉnh zuôr cxiv tsa tsưr ziv chiê tơưv txênhz tir tar nhiês muôv muôs hax huv chuôr, hax huv tsi txâuk tsơưr lươngv thiêz chêx chôngk qênhz yuôx têx hax huv njuôs xav sir zôngv ntâu hâur six hơưv nox tsiêz. Chox kriê chi cục cỏa rlik niêv ciêz chêx chôngk qênhz yuôx têx hax huv li chơưr, bia, đêx kaz jiz, zav nox công nghệ, zav nox nhôngs, txir ntông...”./.

                                                              (TTT-Txâur Vax cxeik nhênhv)

 Nhiv kruôr đhâu, Đoanx côngz xưv Bộ y tế zos Cục trưởng cục y tế Dự phax Trần Đắc Phu tưz muôx jiês uô hâux lưv đros UBND tỉnh Đắc Lắc lok qênhx shênhx caz moz suôz liêz, Zika sâuv thax tsav tỉnh. Lơưr hêik pâuz, txix hâur shông txos nhiv no, iz huôv tỉnh tưz sâu jênhv xar muôx 11.000 lênhx nênhs trâus moz suôz liêz (hẩu co muôx 2 lênhx nênhs tuôs), chuoz ndê 7 jiês pir li six chênhz tsêz no. đros thiêz caz moz Zika, nhiv kruôr no ntơưv jok Tlan, xã Cư Pơng, huyện Krông Búk tưz pov muôx iz lênhx nhuôs nhiv kruôr xênhz zus muôx 4 hli hnuz nhôngs xav tiêk trâus moz Zika.Nhiv no nganhx y tế tsênhv kriz uô chor tsưr ziv chiê xav jênhv qir tiv chênhr. Đros thiêz trâus xav tiêk moz Zika, Cục y tế dự phax tsênhv nhênhz chơưv, tsik tâu muôx njuôk xav chênhr./.

                                                                           (TTTN-Ly Thox cxêik nhênhv)