Viv coz nas chuô nhiv kruôr đhâu uô ruôr hiêv, tỉnh laox cai tưz puôk tsuôx tas ntâu chuôz zênhx chuôz tav, vax tsêr, kôngz lôngk. Hur si tỉnh muôx 1.500 ziv chuôz zis têx tsêr trâus puôk tsuôx; 10.600 ntâu ha blêx thiêz cxuô zav kôngz lôngk trâus đêx nas ngaz, cuôr yôngz; 11 cxênhz tus tsiêx cxu trâus tuôs; xav nhiêx tas 600 ty đêiv.

Muôx yưv têx kror hêik ntơư, Chính phủ tưz muôz 72 tấn cxur chiê chơưv yêiz trâu px thiêz haua nov tỉnh laox cai cux zuôr muôz chor cxur hêik ntơư phêiz txos trâu chor ziv chuôz zis trâus đêx nas chuô uô ruôr hiêv li hêik sâu./.

                                                              (Tsu cxêik, nhênhv-Thanh Thuỷ)

Txix hâur hli 9 xiêz txos trâu nhiv no, caz moz suôz liêz tưz muôx yưv trâu thax tsav đrôngl Đà Nẵng, ziv hnuz ziv muôx chôngz lênhx nênhs trâus cik caz moz suôz liêz. Chênhr zos li hêik ntơư, xav txos nhiv no, Đà Nẵng tưz sêiz njuôk tâu 2.800 lênhx trâus cik caz moz suôz liêz.

Iz chas ntơư, Đà Nẵng cux tsênhv muôx yưv chor nênhs trâus cik moz poz trâu têx têk tơư, kror ndâux. Zos xav txix hauar shông shông txos trâu nhiv no, Đà Nẵng tưz muôx 1.300 lênhx trâus cik moz poz. Thiêz ngênhx y tế tưz đros sở zoz zux; hâu nov cxuô tsênhv qơư uô jông luôs hâux lưv sox njôngr têx caz moz hêik ntơư thiêz yax kriê px sđ tsik uô vuôz tsuôz kiêk nênhs tênhx qơư tsik chiê caz moz gênhk cik đêz đar trâu côngv thôngx. Cưk yuôx Lê Phước-thành phố Đà Nẵng hêik pâuz tiêk: “Caz moz poz kror ndâux, têk tơư tsênhv taz tov cik trâu cxuô qơư; iz hnuz tsêr kho moz tưz muôx 10 ntaua lênhx tuôx sêiz njuôk shuôk kho moz poz; hauar ntu đrav ntêx, tsuôk muôx 4-5 lênhx tuôx kho moz xưz; taz sik hauar ntu no, chuôs li hnuz tưs cux muôx chôngz lênhx nênhs trâus moz poz tuôx kho moz”./.

                                                            (Tsu cxêik, nhênhv-TTTN)