Hâur 9 luz hli hâur shôngk shông, Kho bạc têz qơưk tỉnh Lai Châu tưz uô qênhz yuôx sir zongv đros thiêz 127. 000 ntâu kror, đró chor nhiêx muôx 4.000 tỷ đêiv ntâu, hâur co sir zôngv tsik so zuôr xar 3.000 tỷ đêiv thiêz zôngv yưv pênhr muôx 1.000 tỷ đêiv ntâu. Tiv zix, taz viv tưz tsik nhav thêv thiêz hêik cov uô tiêr ntâuz ntơưr đros thiêz 600 kror, nhoz 300 ntâu taz viv, chor nhiêx xar muôx 13 tỷ đêiv. Chor nhiêx tsik nhav thêv tsik so phênhv ntâu zos chiê zuôr cxuô zav chuôz zênhx côngz thiêz chuôz zênhx văn phongx. Zơưv Tạ Văn Đôi, phưv giám đốc kho bạc têz qơưk tỉnh Lai Châu puz pâuz: “Kho bạc têz qơưk Lai Châu zuôr hêik chor taz viv sir zôngv nhiêx txiêx têz qơưk uô truôx jông kỷ luật, sêiz cả sir zôngv. Hâur co, kho bạc tsov cưv txos cxênhx txuôs sir zôngv thiêz hax huv, dịch vụ, chor hax huv muôx tsiv gri lox sir zôngv nhiêx txiêx têz qơưk. Kho bạc zuôr hêik chor taz viv uô truôx jông chor tsênhv chêi thiêz tsưr ziv sir zôngv nhoz yênhx taz viv hâur qênhz yuôx sir zôngv tsik so”./.

                                                                                       (Khắc Kiên-Ly Thox cxêik nhênhv)

         Dự án trâur nuv tsêr cơưv yiêz VN tâu tỉnh Điện Biên fuô uô txix shông cơưv 2012-2013 trâu cxênhx iz, txix shông cơưv 2015-2016 trâu cxênhx 2. Ntơưv têx thax tsav tox siêz, đêz đrôngs li: Mường Nhé, Nậm Pồ, Tủa Chùa…. Tas nro tỉnh Điện Biên tưz muôx 154 hâur hur si 180 luz tsêr cơưv cxênhx iz thiêz 66 tsêr cơưv 2 uô lơưr tsưr ziv kriê thiêz cơưv yiêz no. Trâur nuv tâu fuô uô ntơưv hur si cxuô thax tsav lơưr bộ zoz zux thiêz thox cxov qênhz shuôs. TP Điện Biên Phủ zos thax tsav đas cir uô kaz ciês hâur shông cơưv 2016-2017. Tsưr ziv yiêz no zos shux xênhz jâuv uô cê têx paz siz kriê, hâur têx paz shux xênhz co muôx cưk kriê, tơư kriê nzir têx kror shux xênhz tsi pâuz thôngz, pâuz mênhx thiêz pâuz tâu têx shux xênhz tưs cơưv tsi yuô tâu chiê muôx tsưr ziv kriê nzir. Đhâu têx tsênhv tsênhz no, tưz uô trâu shux xênhz heir nênhs muôx nzir tsưr ziv, phaz nzưr tsưr tsix têx hâux lưv hâur lớp cơưv./.

                                                                                      (VOV4-Riê Lâux cxêik nhênhv)