Cục y tế dưv phax ( Bộ y tế) nhiv kruôr muôx ntâuz ntơưr heik Sở y tế tỉnh Bình Dương qênhz yuôx, yưr lir caz moz Zika phuôv xênhz thâuv tỉnh no pov iz lênhx pox niêv muôx mê nhuôs hâur chêr trâus caz moz Zika. Uô ntêx co, 9/10 Viện Pasteur thành phố Hồ Chí Minh khav tênhv iz lênhx nênhs moz nhoz xã Thuận An, tỉnh Bình Dương đhâu njuôs siv pov trâus caz moz Zika. No zos lênhx pox niêv muôx 27 shông tsênhv muôx mê nhuôs hâur chêr tâu 6 luz hlik, pov muôx moz yưv hnuz xiêz 2/10. Nênhs moz tâu kho moz thiêz cêv kuôkntơưv tsêr kho moz nhiệt đới TP Hồ Chí Minh, đas jos tưz jux jus ngaz tul. Chiê chuv tôngv phax tar moz tiv caz moz Zika, tsi chiê moz cik đêz đar hâur côngv thôngx, cục y tế dưv phax heik Sở y tế Bình Dương ciêr chênhr qênhz yuôx moz phuôv xênhz ntơưv thax tsav nênhs moz nhoz uô nênhx, uô hâux lưv cux xưk li têx thax tsav nhoz buôk co chiê pov nzor têx lênhx nênhs njuôs xav trâus moz./.

(TTT- Txâur Vax cxeik nhênhv)

 Hli 11 zuôr txos, côngz tsinhx đêx xênhz huôx nhoz tsênhv qơư xã Dào San, huyện Phong Thổ, tỉnh Lai Châu zuôr tâu chox lol sir zôngv, gôngr phênhv khưx phưx qênhx shênhx muôx tsi txâuk đêx xênhz huôx trâu zuôr xar 200 ziv chuôz zis tsôngv box mênhx cxưx Hmôngz nhoz no. No zos côngz tsinhx tâu cxiv tsa cxôngx têx lênhx nênhs jông siêz thiêz cán bộ, chiến sĩ Zênhx pênhz phax Dào San li pênhr paz txưv. Thâuv huôx tôngv, côngz tsinhx zuôr phưx vưv xênhz huôx trâu pox nhuôs nhoz 2 jos Hợp 1 thiêz Hợp 2, têx tsêr cơưv, tsêr kho moz thax tsav thiêz xã li qơư uô xưv... No cux zos côngz tsinhx lox tiv zix cxôngx thâuv ntêx txos nhiv no tâu cxiv tsa nhoz jos tox siêz Hmôngz Dào San./.

(VOV4-Txâur Vax cxeik nhênhv)