Qơư ndis uô si Măng Đen cxơưz cxiz tâu chôngz lênhx kruô tuôx sêiz shuôk

Txix hâur shôngk shông txos trâu nhiv no, thax tsav qơư ndis uô si Măng Đen, huyện Kon Plông, tưz muôx 374.000 lênhx kruô tuôx sêiz shuôk, txênhz iz đraz lênhx kruô tuôx ndis uô si txos trâu tỉnh Kon Tum.

Zơưv Đặng Quang Hà, Chủ tịch UB huyện Kon Plông, cux hêik pâuz tiêk: Hâur 3 shông đhâu lok no, têx qơư ndis uô hâur thax tsav huyện ziv hnuz ziv tsar ndê siêz. Taz sik trơưk li zơưv Đặng Quang Hà, co cux tsik tâu xav zuôr tsar ndê phênhv sâu tâu nhiêx txiêx yax oz bâus, zos tỉnh tsik zênhx max fuô uô truôx jông huôv tsar qơư ndis uô si, sêiz shuôk têz qơưs: “Tsik muôx faz tsưr ziv tưs fuô uô truôx, pêz cux tsưx phưv tsik tâu têx jông jav cov huv đros. Cxiv tsa thax tsav qơư jông jav, tsuv uô truôx luôs hâux lưv sêiz car cov nto suôz bê qơư ndis uô si Măng Đen ziv hnuz ziv jông jav huv đros.

Chiê cxơưz cxiz huôv tsar truôx kinh tế trơưk li hâu nov tỉnh Kon Tum tso tơưv uô hâur shông 2025, qơư ndis uô si Măng Đen tsênhv taz tov muôx chôngz lênhxx kruô tuôx sêiz shuôk. Đros co, hâu nov huyện cux uô truôx luôs hâux lưv sêiz car, cxơuz cxiz cxiv uô vax tsêr, qơư ndis uô si, sêiz shuôk têz qơưs. Hur si 139 qơư zuôr muôs hax huv hâur thax tsav tsuv uô cov huv đros tsôngv kruô siêz nhiêv. Zơưv Nguyễn Văn Tuấn, Giám đốc sêiz car qơư ndis uô si Măng Đen hêik pâuz: “Kror tsiv grê yax zos, tsuv uô li chas cov ziv hnuz ziv muôx chôngz lênhx kruô tror tuôx sêiz shuôk txos qơư ndis uô si Măng Đen, tsuv xav chor kruô co, zos zuk têx fôngx zưs jông. Đros co, cxuô qơư ndis uô si, tsuv hlôngr yiêz huv đros tsôngv kruô siêz nhiêv.

Chiê cxơưz cxiz tâu chôngz lênhx kruô tuôx sêiz shuôk txos qơư ndis uô si Măng Đen ndax trâu têx hnuz kriz ntênhk hội, cxuô qơư tsiv uô cxuô zav nox cux li têx hax huv muôs trâu tsôngv kruô tsuv hlôngr yiêz uô cov huv đros tsôngv kruô siêz nhiêv. Pos Bạch Thị Mân, Phưv Giám đốc Sở Vênhx huôv tỉnh Kon Tum xav tiêk, têx muôx jông ntơưv qơư, txơưv li chas qơư ndis uô si Măng Đen cux zuôr paz phênhv tsar ndê nhiêx txiêx tax tâu 10% trâu tỉnh hâur shông 2025: “Qơư ndis uô si Măng Đen muôx cxuô zav. Pêz tsênhv taz tov chêx chôngk yax kriê tsôngv px hâur thax tsav huôv tsar truôx zuk hêir nênhs têx txux chi, vênhx huôv jông cxôngx nzor, cux li cxuô qơư jông jav hâur thax tsav. Txix têx muôx jông ntơưv qơư, cxuô cơ quan sêiz thax têz qơưs tsuv đros cxuô doanh nghiệp siz chos côngv đas jos tsưr ziv uô cov tâu truôx jông cxuô luôs hâux lưv tso tơưv”

Cxuô qơư ndis uô si hâur thax tsav, tưz tâu hâu nov tỉnh Kon Tum xav tênhv, zos ngênhx huôv tsar truôx tsar ndê kinh tế txos 13% hâur shông 2025. Txix têx muôx liv co, huôv tsar uô nox trâu qơư ndis uô si Măng Đen, huyện Kon Plông thiêz cxuô huyện, thành phố txơưr hâur thax tsav tỉnh Kon Tum siz chos côngv đas jos tsưr ziv cxiv uô cxuô qơư jông jav cov tok tâu 3 triệu lênhx kruô tuôx sêiz shuôk têz qơưs, cov tsar ndê pênhv sâu tâu zos 10% trâu shông 2025./.

              Tsu cxêik nhệnhv-Nguyễn Khoa Điền, CQTT Tây Nguyên