Qơư ndis uô si côngv thôngx Mơhra-Đáp: Zos qơư tuôr tsês hêir nênhs Ba Na nhoz Kbang, Gia Lai      

           Jos Mơhra-Đáp, xã Kông Lơng Khơng, huyện Kbang, muôx 226 chuôz zis, 874 lênhx nênhs, hâur ntơư 96% zos hêir nênhs Ba Na. Hâur ntu đrav ntêx, tsôngv px hêir nênhs Ba Na tsuôk pâuz khưr tsêz chos kôngz lôngk, taz sik hâur oz pêz shông đhâu lok no, tsôngv px hâur jos tưz pâuz huôv tsar cxiv uô cxuô qơư ndis uô si, sêiz shuôk têz qơư. Qơư ndis uô si côngv thôngx txuôk đros huôv tsar truôx zuk hêir nênhs têx txux chi, vênhx huôv jông cxôngx nzor, tưz paz trâu tsôngv px hâur jos muôx phênhv sâu tâu nhiêx txiêx chox lok cxiv kho chuôz zis. Txix luôs hâux lưv cxiv uô cxuô qơư ndis uô si đros trâu tsôngv tuz nxêik hluôk luôs hâux lưv ntok ntâuz, phiêz tơưz thiêz huôv tsar truôx zuk hêir nênhs têx suôz trax goong, t’rưng, k’ni, klông put. Lar hêik, tsôngv px nhoz jos co tưz tâu cơưv cxaz nzir tsưr ziv cxiv uô cxuô qơư ndis uô si côngv thôngx. Txix ntơư, huôv tsar truôx cxuô qơư ndis uô si côngv thôngx. Zơưv Đinh Phớt, zos iz lênhx px hâur jos shir phaz lul hêik pâuz: "Đhâu tso tơưv luôs hâux lưv cxiv uô cxuô qơư ndis uô si côngv thôngx, txix chor lâuk muôx suôz bê txos trâu tsôngv px sđ tưz jông siêz  shir phaz lul thiêz cxiv tsa iz paz tuz nxêik hluôk khoz đruôk tôngx, cxêz tôngx; qơư ntok ntâuz chiê tok tsôngv kruô tuôx sêiz shuôk"

             Qơư ndis uô si côngv thôngx jos Mơhra-Đáp tưz cxươz cxiz tâu tsôngk kruô tuôx ndis uô si, đros côngv cêr lov jêv khoz đruôk tôngx, cxêz tôngx; ntok ntâuz thiêz tâu nox tsôngv px nhoz no cxuô zav nox kaz cxôngx nzor. Zơưv Đặng Ngọc Huy, iz lênhx kruô nhoz đrôngl Hồ Chí Minh tuôx ndis uô si shir phaz lul hêik pâuz: “Iz cxiê thax tsav qơư tror cxiv kho đuô têx txux chi, vênhx huôv jông cxôngx nzor; taz sik ntơưv no tsênhv huôv tsar tâu tsês hêir nênhs tsơưs têx txux chi, vênhx huôv jông tsiv grê cxôngx nzor tsik chiê pôngz plox thiêz têx vênhx huôv, txux chi cux li cxuô qơư ndis uô si, cxuô zav nox huv đros tsôngv kruô siêz nhiêv”

          Pâuz tâu têx muôx ntơưv qơư zôngx ziv huôv tsar cxuô qơư ndis uô si, sêiz shuôk têz qơưs, hâu nov ủy ban huyện Kbang tưz muôz pênhr nhiêx cxiv kho jos Mơhra-Đáp, uô hêir nênhs Ba Na qơư jông jav côngv thôngx hâur ntu 2021-2025, chiê tsôngv kruô tuôx sêiz shuôk. Zơưv Nguyễn Tấn Thành, Chủ tịch Hiệp hội sêiz car qơư ndis shuôk têz qơưs tỉnh Gia Lai hêik pâuz nzir: “Trơưk li cur xav,chiê qơư ndis uô si côngv thôngx zôngx ziv cxiv uô thiêz ziv hnuz ziv huôv tsar đêz đar hâur thax tsav tỉnh, hâu nov ủy ban tỉnh, huyện tsuv sêiz shuôk đuô qơư ndis uô si côngv thôngx jos Mơhra-Đáp, zav tưs uô huv đros, zav tưs tsik tâu huv đros, tsuv cxiv kho đuô uô cov huv đros tsôngv kruô siêz nhiêv".

            Txix têx sir jos zok nriêr, khơưk tsês cxuô hêir nênhs tsơưs têx txux chi, vênhx huôv jông cxôngx nzor, txơưv li chas jos Mơhra-Đáp cux yênhx qơư jông jav ndis uô si côngv thôngx nhoz faz Tây Nguyên. Ntơư zos hêir nênhs Ba Na qơư ndis uô si thiêz zos qơư huôv tsar truôx têx txux chi, vênhx huôv jông cxôngx nzor, cxơưz cxiz tâu tsôngv kruô tuôx sêiz shuôk./.  

                         VOVTN-Tsu cxêik nhênhv