Cxuô jêx jos Lai Châu, zos qơư jông jav chiê tsôngv kruô tuôx ndis uô si trâu têx hnuz so 30/4

Pos Nguyễn Thị Thanh, iz lênhx kruô nhoz tỉnh Thái Bình tuôx ndis uô si, sêiz shuôk têz qơưs txos trâu jos ndis uô si côngv thôngx ASEAN Sin Suối Hồ, huyện Phong Thổ phêiz kênh: “Cur sêiz pov qơư ciêz muôs hax huv no jông hênhr. Viv co zos ciêz hâur jêx jos, cxuô zav hax huv muôs hâur ciêz co zos tsôngv px hâur thax tsav khưr tsiv uô tâu”

Ciêz Sin Suối Hồ, xã Sin Suối Hồ tâu kriz muôs trâu thâuv têis cik hnuz thưr 7 yênhx ciêz. Co zos qơư tsôngv px hâur thax tsav gra cxuô zav khưr, tsiv uô tâu chox tuôx muôs thiêz tsênhv zos qơư tuôr tsês pêz hêir nênhs Hmôngz têx txux chi, vênhx huôv jông cxôngx nzor. Pos Ly x Cưr, zos iz lênhx muôs pêz hêir nênhs Hmôngz têx tsôngk tiêz, tsôngk yo hâur ciêz Sin Suối Hồ shir phaz lul hêik pâuz: “Têx tsôngk tiêz, tsôngk yo muôs no zos cur xơưk uô tâu, txos trâu thưr 7 yênhx ciêz gra tuôx muôs trâu ntơưv no. Qơư ciêz muôs hax huv no, muôx liv lox trau cur chuôz zis thiêz tsênhv cxơưz cxiz trâu cur huôv tsar truox pêz Hmôngz luôs hâux lưv ntok ntâuz, xơưk tsôngk tiêz, tsôngk yo thiêz iz luz hli cur chuôz zis cux sâu tâu 4-5 triệu nhiêx”

Jos Sin Suối Hồ zos qơư ndis uô si côngv thôngx thiêz zos iz hâur 14 qơư jông jav cấp tỉnh hâur thax tsav Lai Châu. Txos trâu nhiv no, tsôngv px nhoz jos co tưz uô tâu 19 luz tsêr tok kruô đros trâu 30 luz tsêr mê, tok tâu 600 lênhx kruô tuôx nhoz so muk lok hâur iz hnuz. Txơưv yuôr 10 ntâu hnuz thiêx txos trâu hnuz so ntênhk 30/4, taz sik hâur têx hnuz no tưz muôx chôngz lênhx kruô tuôx ndis uô si trâu jos Sin Suối Hồ. Zơưv Tsaz x Vax nhoz jos Sin Suối Hồ shir phaz lul hêik pâuz: “Hâur jos nhiv no muôx 40 cxênhz luz têik chos tsoz chos pax địa lan. Zos tsôngv kruô tuôx ndis uôi si txos pêz luz jos no, cux zênhzz sêiz pov njôngr têx pax lan jông jav thiêz zuôr têx pax jông jav co chox muk trâu zuk chuôz zis chos. Pax địa lan, chuôz li chuôz zis tưs cux chos chiê muôs trâu tsôngv kruô, cux muôx phênhv sâu tâu nhiêx txiêx chox lok cxiv kho chuôz zis muôx  luz nênhx tsâu sor

Iz chas pêz hêir nênhs Hmôngz nhoz jos Sin Suối Hồqơư ndis uô si nto bê; tsênhvmuôx têx jos li Sì Thầu Chảizos hêir nênhs Cho qơư ndis uô si; Vàng Pheo zos hêir nênhs poz ziz, Jos Hon zos hêir nênhs Lự thiêz hâur ntâu shông đhâu lok no, cux zos qơư nto bê muôx chôngz lênhx kruô hâur têz qơưs thiêz oz chas têz qơưs tuôx sêiz shuôk. Cxuô luz jêx jos ndis uô si côngv thôngx, phênhhv ntâu zos nto bê lok tsêr nhoz jông jav huv đros tox trôngz câuvc har, muôx chuô lax nziês hâur yênhx shông. Zơưv Trần Quang Kháng, Phưv Giám đốc vênhx huôv tỉnh Lai Châu shir phaz lul hêik pâuz: “Sở tưz muôx ntâuz ntơưr đros ủy ban cxuô huyện sêiz car cxuô qơư ndis uô si, cxuo qơư tsiv uô cxuô zav nox hâuk, qơư so nhoz muk lok ndis uô si hâur thax tsav thiêz hêik kriê têx muôx jông, tsiv grê ntơưv qơư trâu tsôngv kruô pâuz txos. Kror tiv oz, tsuv qênhz yuôx thiêz cxiv kho đuô cxuô qơư ndis uô si, cxuô qơư tok kruô cov huv đros tsôingv kruô siêz nhiêv. Tiv pêz, cxuô quy tênhv grê zuôr muôs cxuô zav hax huv, cxuô zav nox tsik chiê tsar ndê grê siêz. Cơ quan sêiz car têz qơưs, tsuv tror qênhz yuôx, sêiz shuôk jông cxuô qơư ndis uô si hâur thax tsav tỉnh Lai Châu, cov cxơưz cxiz tâu chông lênhx kruô tuôx sêiz shuôk

Txơưr đuô cxuô qơư ndis uô si, cxuô jêx jos jông jav hâur thax tsav tỉnh Lai Châu, zos qơư muôx ntâu txux chi, vênhx huôv jông cxôngx nzor, cxơưz cxiz tâu chôngz lênhx kruô tuôx sêiz shuôk./.        

Tsu cxêik nhênhv-Khắc Kiên