Qơư vênhx huôv cxơưz cxiz tsôngv kruô tuôx trâu qơư ntênhk hội chêix ntux yiêz hâur shôngk shông yiêz nhoz Lai Châu

          Hâur têx hnuz muôx ntux no njiv, tsôngv px nhoz cxuô luz jêx jos tox siêz Tả Lèng, huyện Tam Đường, tỉnh Lai Châu, cux shir phaz lul hâur cxuô ntênhk hội; lar hêik zos tsôngv tuz nxêik hluôk tưz hnar têx tsôngk tiêz, tsôngk yo jông jav txuôk đros têx suôz kênhx, suôz trax, suôz gâux thiêz đhiê pax vuôs lov jêv lul. Zơưv Por x Zax, nhoz jos Pho Lao Cải, xã Tả Lèng shir phaz lul hêik pâuz:   “Cur jông siêz tâu đros côngv cêr lov jêv hâur ntênhk hội. Thiêz co zos pêz hêir nênhs Hmôngz ntênhk hội cxôngx nzor uô đhâu ntâu tiêv txos nhiv no tsênhv tuôr tsês tsik chiê pôngz plox”

          Txơưv shông tưs cux li, thâuv kriz uô ntênhk hội trâu ntơưv xã Tả Lèng, tưz cxơưz cxiz tâu chôngz lênhx kruô tuôx sêiz shuôk thiêz đros côngv cêr lov jêv. Pos Bùi Thị Tình, iz lênhx kruô nhoz đrôngl Hà Nội tuôx ndis uô si, sêiz shuôk têz qơưs shir phaz lul hêik pâuz: “Tuôx trâu ntênhk hội no, cux lov jêv hênhr thiêz pâuz tâu pêz hêir nênhs Hmôngz têx txux chi, vênhx huôv jông cxôngx nzor nhoz thax tsav qơư no”

        Xã Tả Lèng, huyện Tam Đường, tỉnh Lai Châu, phênhv ntâu zos pêz hêir nênhs Hmôngz huôv tsar cêr uô nênhx nhoz. Kriz uô ntênhk hội hâur chêix ntux yiêz, chênhr zos cxơưz cxiz tsôngv px sđ tuôr truôx zuk hêir nênhs têx txux chi, vênhx huôv jông cxôngx nzor cov muôx đros đrêiv hâur luz nênhx thiêz co cux zos qơư tsôngv px nhoz cxuô thax tsav qơư tuôx sik njiz, siz chuôs cov muôx nxaz nzir cêr shir phaz khưr huôv tsar uô nox trâu shông yiêz, sâu tâu ntâu kôngz lôngk, muôx luz nênhx tsâu sor. Zơưv Lưv x Hav, Phưv Chủ tịch UB xã Tả Lèng, huyện Tam Đường hêik pâuz nzir: “Ntênhk hội gruôv tox no, muôx cêr lov jêv thiêz phôngv trâu tsôngv px sđ muôx jông đas jos, njiz ntâu cêr vav mênhx hâur luz nênhx”

         Zos pêz hêir nênhs Hmôngz nhoz Tả Lèng muôx ntênhk hội gruôv tox cxôngx nzor mak pêz hêir nênhs poz ziz nhoz xã Bản Bo, huyện Tam Đường ho muôx ntênhk hội khoz đruôk tôngx, cxêz tôngx đhiê pax vuôs. Kriz uô ntênhk hội hâur chêix ntux yiêz cux cxơưz cxiz tâu chôngz lênhx kruô nhoz cxuô qơư tuôx đros côngv cêr lov jêv. Zơưv Nguyễn Văn Trọng, iz lênhx kruô nhoz Hải Phòng tuôx ndis uô si, sêiz shuôk têz qơư shir phaz lul hêik pâuz: “No zos jiês tiv 3, cur tâu đros côngv cêr lov jêv kriz ntênhk hội khoz đruôk tôngx, cxêz tôngx đhiê pax vuôs hâur shông yiêz thiêz muôx chôngz lênhx kruô tuôx sêiz shuôk. Thiêz tsôngv px sđ cur xar njôngr hâur shông yiêz zuôr muôx ntux yar, ntux nas paz sđ têx kôngz hloz lox jông, sâu tâu ntâu kôngk, px muôx luz nênhx tsâu sor”

          Tuôx trâu ntênhk hội, tsôngv kruô cux tâu đros côngv cêr lov jêv, đhiê pax vuôs thiêz pâuz tâu tsôngv px hêir nênhs Poz ziz têx txux chi, vênhx huôv jông cxôngx nzor. Ntênhk hội tâu kriz uô hâur ntâu shông đhâu, cur chênhr zos cxơưz cxiz trâu tsôngv px thiêz hâu nov ntơưv qơư muôx cêr côngv siêz jông. Zơưv Nguyễn Sỹ Tiện, Phưv Chủ tịch UB xã Bản Bo, huyện Tam Đường hêik pâuz: “Hêir nênhs poz ziz ntênhk hội khoz đruôk tôngx, cxêz tôngx đhiê pax vuôs, muôx txix cxôngx nzor lok đros đrêiv hâur luz nênhx tsik chiê pôngz plox. Thiêz ntênhk hội khoz đruôk tôngx, cxêz tôngx, cux chênhr zos cxơưz cxiz sđ muôx cêr côngv siêz muk cov đhâu têx phiv liv hâur luz nênhx”

          Ntênhk hội hâur chêix ntux yiêz nhoz Lai Châu, cux chênhr zos cxơưz cxiz côngv thôngx cxuô hêir nênhs sđ muôx cêr côngv siêz jông txuôk đros huôv tsar truôx sđ têx txux chi, vênhx huôv jông cxôngx nzor tsik chiê pôngz plox./.

                                    Khắc Kiên-Tsu cxêik, nhênhv