Hluôk nênhs Hmôngz huôv tsar uô nox yênhx côngz txix tu zus gruôz

Cơưv tas lớp 12, Shôngx x Hơưx chuôz zis lok six shir phaz thâuv tâu xeir muk cơưv Đại học Công đoàn. Taz sik cơưv tâu 1 shôngk ntâu, viv chuôz zis txov nhêv, Shôngx tưz tso ntơưr tsês thiêz tror lok đros chuôz zis khưr uô nox. Shôngx truôx siêz sir jos khưr uô kôngz lôngk, paz chuôz zis hla đhâu luz nênhx yeiz pluôk. Tus cưr Shôngx pheiz kênh: “Tsi chiê têx tuz nhuôk tov kaz no tso ntơưr tsês, viv luz nênhx yeiz pluôk, cưr Shôngx truôx siêz nriêr pâuz trâur nuv huôv tsar cêr uô nox cov huv đros, cxơưx trâu mê nhuôk tâu muk cơưv ntơưr txos qơư”.

          Truôx siêz khưr li co, taz sik thâuv qir huôv tsar uô nox, Shôngx cux njiz ntâu phêv liv, viv tsi tâu luôs hâux lưv khưr uô nox cov huv đros thax tsav qơư Mù Cang Chải. Shông 2020, tâu Đoanx hluôk nênhs xã Chế Cu Nha sơưr txeik tâu 90 tsov nhiêx Zênhx hangx xã hội chiê huôv tsar cêr uô nox, Sôngx qir huôv tsar tu zus gruôz. Xuz thơưx, Shôngx muôz pênhr nhiêx cxiv uô chôngx tu zus, zos 30 gơưv gruôz Pháp txuôv đros chor gruôz ntơưv qơư. Cưr Shôngx cux hêik pâuz nzir tiêk: “Uô ntêx thâuv qir tu zus, cê tu zus, cê cơưv sâuv Internet lok tsưr ziv tu zus gruôz”

          Trơưk li cưr Shôngx, hâux lưv xeir nôngz gruôz zos coaz tsôngv tiv zix, zos tu zus chor gruôz tsik txuôv muôx đas jos jông, taz sik tsik tsuôk tsi; zos chor nôngz gruôz Pháp mak lox thiêz tsuôv tsi đuô, xav txix thâuv puôs kê txos thâuv đâus mê nhuôv thiêz muôs trâu lênhx nênhs sir zôngv tsuôk zos 30 hnuz. Gruôz tu zus txix 6-8 luz hlik qir ntês kê, iz gơưv gruôz ntês 7-8 jâus/ iz shông, iz jiês ntês 2 luz kê. Grê muôs sâuv niêv ciêz zos 160 cxênhz đeiv iz gơưv gruôz zuôr greix thiêz 260 cxênhz đeiv iz gơưv gruôz uô nôngz. Taz sik, nôngz gruôz no ho tsi muôx đas jos jông chor gruôz ntơưv qơư. Viv li, cưr Shôngx xeir tu zus gruôz Pháp txuôv thiêz gruôz tiv phaz cov huv đros thax tsav qơư co.

          Chiê tu zus gruôz tâu truôx, cưr Shôngx tu zus cơư hâur chôngx, chiê cêv kuôk đros tênhx qơư đrâuv, tir thêir tsik chiê cik caz moz ơưk. Cưr Shôngx cxiv uô chôngx tu zus truôx jông, muôx cxix cxuô chuôz zênhx phưx vưv tu zus.

          Cxuô zav trâu gruôz nox cux tsuôk zos blêx, poz cưk, nôngz tâuv. Iz chas co, Cưr Shôngx tsênhv muôzz mê njik krâur công nghiệp shơư đros poz cưk, cxur, puz trâu gruôz nox cxaz vitamin thiêz canxi…cov gruôz hloz lox jông. Cưr Shôngx cux pheiz kênh, tu zus gruôz cux zôngx ziv, iz hnuz tsuôk tsês 2-3 six hơưv tu zus, muôz krâur trâu gruôz nox thiêz vêv xênhz chôngx tu zus.

          Txos nhiv no cưr Shôngx luyôs hâux lưv tu zus gruôz tưz  vav txos 200 gơưv,  xav kror đruôz đraz iz hnuz muôs 40-50 tul gruôz zuôr greix trâu têx qơư muôs uô jâuz mor sâuv thax tsav huyện chiê phưx vưv tsôngv kruô ndis shuôk têz qơưs. Xav iz shông cưr Shôngx chuôz zis muôs chor gruôz co, sâu tâu 130 tsov đeiv chox lok sir zôngv hâur chuôz zis, muôx luz nênhx, tsâu sor.

          Phênhv “nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos chiz coaz Đeix TNVN nhoz faz Bắc uô,muôx Tsênhv qơư cxiz kôngz têz qơưk paz txưv./.

Lầu Chia-Txâur Vax cxeik nhênhv