Lai Châu têx tsênhv chêi muôz paz trâu px khơưk tsês cxuô hêir nênhs têx vênhx huôv cxôngx nzor

Đhâu iz luz hli lok no, txos thâuv 7 six tsâuk ntux hâur niêx hnuz, ntơưv tsêr vênhx huôv jos Huổi Van, xã Nậm Hàng, huyện Nậm Nhùn, tỉnh Lai tưz tror hnor tsôngv px têx suôz thav luk shir phaz lul. Co zos hâur lớp kriê cơưv xơưk pêz hêir nênhs Hmôngz thiêz hêir nênhs Mảng têx pax ntâuz cxôngx nzor, muôx zuôr xar 30 lênhx tuôx đros cơưv shâuv. Ntơư zos chor pox niêv vir ndâuk Hmôngz muôx txix 16-40 shông; txơưv lênhx pox niêv vir ndâuk tưs cux shir phaz lul cơưv shâuv đros trâu tsưr ziv siêz xar, tuôr cov tâu truôx zuk hêir nênhs têx pax ntâuz jông jav cxôngx nzor cov muỗ đros đrêiv hâur luz nênhx. Tus muôv Hẹ x Phường nhoz jos Hổi Van, xã Nậm Hàng shir phaz lul hêik pâuz: “Cur zos hêir nênhs Mảng iz lênhx nxêik, cur nhiêv cur hêir nênhs têx pax ntâuz, tsôngk tiêz, tsôngk yo jông jav; cur xar njôngr hâur ntu zuôr txos no, cur pâuz xơưk zuk hêir nênhs Mảng têx pax ntâuz, tsôngk yo cxôngx nzor cov muôx đros đrêiv hâur luz nênhx”

Txix têz qơưs têx pênhr nhiêx muôz paz huôv tsar uô nox hâur thax tsav tsôngv px hêir nênhs tsơưs, têx lớp kriê cơưv tuôr tsês têx vênhx huôv jông, tâu kriz trâu thax tsav jêx jos tsôngv px hêir nênhs poz ziz. Txix cxuô lớp kriê cơưv co, xav txos trâu nhiv no tsôngv px hêir nênhs poz ziz nhoz huyện Nậm Nhùn  tưz zok nriêr thiêz khơưk tsês tâu hêir nênhs co ntâu vênhx huôv jông. Ntơư zos têx trax tính, cưr cxiêx, đhiê pax vuôs sênhr chêr, fuôv txiêx…tưz tâu nthuôr uô cêr lov jêv trâu têx hnuz kriz ntênhk hội hâur jêx jos.

Jos Chang zos thax tsav qơư tuôr tsês thiêz huôv tsar truôx hêir nênhs poz ziz nhoz xã Lê Lợi têx txux chi, vênhx huôv jông cxôngx nzor. Txơưv khưr uô kôngz lôngk hâur yênhx hnuz tsik tâu so, taz sik chor tuz nxêik hluôk nthuôr uô cêr jêv hâur jos, cux huôv njôngr six hơưv hnuz nhôngs zok nriêr, khơưk tsês zuk hêir nênhs têx txux chi, vênhx huôv jông cxôngx nzor. Pos Lù Thị Kiều Thúy, sêiz car chor tuz nxêik hluôk uô cêr lov jêv nhoz jos Chang, xã Lê Lợi, huyện Nậm Nhùn shir phaz lul hêik pâuz: “Jos Chang chor tuz nxêik hluôk uô cêr lov jêv cxiv tsa shông 2019 txos trâu nhiv no, iz luz hli chor tuz nxêik hluôk co tror nthuôr uô têx cêr lov jêv, đhiê pax vuôs iz txos oz jiês. Đros co cux tsênhv tâu huyện paz muôz nhiêx zuôr têx trax tính, câuk mov puôx zêv đhiê pax vuôs, sênhr chêr chiê tuôr cov tâu truôx zuk hêir nênhs têx vênhx huôv cxôngx nzor tsik chiê pôngz plox”

Uô trơưk 6 luôs hâux lưv hâur têz qơưs khơưk tsês cov tâu truôx cxuô hêir nênhs têx txux chi, vênhx huôv tsiv grê txuôk đros huôv tsar cxuô qơư ndis uô si, sêiz shuôk têz qơưs thiêz xav hâur oz shông đhâu lok no, ntâu tsênhv qơư hâur thax tsav huyện Nậm Nhùn  tưz muôz zuôr xar 4 tỷ nhiêx cxiv uô tâu têx tsêr vênhx huôv thiêz zok nriêr tâu nzir têx txux chi, vênhx huôv jông cxôngx nzor. Zơưv Hà Văn Ruệ, Tsar phôngx vênhx huôv huyện Nậm Nhùn, tỉnh Lai Châu cux hêik pâuz tiêk: Thax tsav qơư no muôx 11 hêir nênhs, 95% zos hêir nênhs tsơưs thiêz tsik so zok nriêr khơưk tsês sđ têx txux chi, vênhx huôv jông cov muôx đros đrêiv hâur luz nênhx. Co zos Poz Thơưx, Cống, Mảng, Hmôngz, poz Ziz….VV: “Luôs hâux lưv zok nriêr, khơưk tsês cxuô hêir nênhs hâur thax tsav huyện têx txux chi, vênhx huôv jông cxôngx nzor, tưz tâu hâu nov huyện paz max txos. Txix ntơư, tsôngv px cxuô hêir nênhs tsơưs têx txux chi, vênhx huôv jông cxôngx nzor tưz zok nriêr tâu nzir; lar hêik zos têx tuz nxêik shuv xênhz nhoz cxuô luz tsêr cơưv ntơưr tưz tâu zuk hêir nênhs têx txux chi, vênhx huôv tsiv grê cxôngx nzor”

Huôv tsar cêr uô nênhx nhoz thax tsav faz Bắc muôx tox trôngz siêz, tsôngv px cxuô hêir nênhs nhoz Lai Châu tưz tsiv uô thiêz huôv tsar tâu ntâu txux chi, vênhx huôv jông txuôk đros tsiv uô qơư ndis uô si, sêiz shuôk têz qơưs, tưz tâu hâu nov ntơưv qơư uô tâu tiêr ntâu luôs hâux lưv zok muôz./.

                                      Tsu cxêik nhênhv-Khắc Kiên- VOV Tây Bắc