Lào Cai: Uô jông luôs hâux lưv phênhz qơư nhoz trâu tsôngv pêx xênhv thax tsav trâus đêx nas uô ruôr hiêv

Hmôngr tsi jông, vax tsêr trâus puôk tsuôx, ruôr hiêv tas đhâu tox xưz poz hnuz xiêz 10/9 nhiv kruôr đhâu, taz sik tâu hâu nov ntơưv qơư thiêz chor nênhs siêz jông paz max, tix lâus Lục Văn Thiêm, nhoz jok Lự 1, xã Yên Sơn, huyện Bảo Yên, tỉnh Lào Cai tưz cxiv uô tâu vax tsêr yiêz nhoz thax ar têz tix lâus niêv thiêz txir gơưk muôz puz. Njuôk xav 2 luz hlik thiêz muôx têx tâu yêik lol nhoz, bax tok tsiêz hâur luz tsêr yiêz co.

“Thax ar no muôx tsi tâu cxix têx ntâuz ntơưr chiê uô tsêr nhoz, taz sik xã tso chei trâu cur chuôz zis uô vax tsêr uô ntêx, mav li uô ntâuz ntơưr tov kaz, cux vav chiê siêz, zuôr nzor truôx tuk luz nênhx”.

Iz chas tix lâus Thiêm chuôz zis, 20 ntâu ziv chuôz zis txơưr nhoz Yên Sơn trâus xưz poz cux tưz zok nriêr tâu ar nhoz huv đros, chiê bax cxiv uô tsêr yiêz. Lơưr zơưv Nguyễn Văn Thắng, Chủ tịch Ủy ban xã Yên Sơn, no puôr lênhx zos têx chuôz zis vax tsêr trâus puôk tsuôx, tsi jông tas, tsuv tâu paz chiê uô vax tsêr nhoz uô ntêx. Txuôk lơưr co, zuôr xar 180 chuôz zis txơưr hâur thax tsav zôngx ziv trâus tox xưz poz, đêx nas cuôr yôngz, xã cux zuôr muôx tsưr ziv phênhz muk nhoz qơư truôx tuk, tsi cik txos ar har jôngr, ar tsưr tsix, hok têx ntâuz ntơưr, tsưr ziv njuôk hov puôr lênhx thor uô tov kaz.

“Muôx kênh chuôz zis nhiv no tsi muôx ar, tsi muôx qơư tưs jông uô vax tsêr nhoz, mak pêz vênhv tôngv têx chuôz zis nhoz iz ndis zos muôx ar truôx, jông uô vax tsêr nhoz, muôz trâu lơưr nhoz uô ntêx, zâuk 2 tos sik seiz lax, thôngx ziv, jông siêz. Lok sâuv hâu nov ntơưv qơư zuôr qênhz yuôx uô ntêx, seiz thax qơư co, kror ar no tov kaz pok uô ntơưr, hlôngr uô ar nhoz lok tsi tâu”.

Trơưk li zơưv Nguyễn Văn Nhất, Phưv Chủ tịch Ủy ban huyện Bảo Yên, đhâu coz nas chuô sôr 03, tas nro huyện muôx zuôr xar 300 luz tsêr trâus uô ruôr hiêv thiêz muôx nhos iz cxênhz chuôz zis nhoz hâur thax tsav zôngx ziv trâus xưz poz. Đhâu ntâuk grê, tsưr ziv phênhz qơư trâu tsôngv box nhoz shơư lưv luz jok zôngx ziv đuô pir li  phênhz têx qơư nhoz uô cê yênhx iz thax tsav, iz jok lox. Iz chas ntơư, chor chuôz zis phênhz nhoz shơư lưv luz jok cux muôx têx nhoz jê lơưr têx liêx têz thiêz nzaz nzơưv tâu têx côngz trênhx muôx ntơưv qơư.

Lok sâuv uô ntâuz ntơưr zuôr ar, sir zôngv ar, hâu nov ntơưv qơư zuôr muôz jông six hơưv chiê tsôngv box nzor muôx vax tsêr, muôx qơư nhoz truôx, taz sik tsuôk zos têx chuôz zis trâus đêx nas chuô uô ruôr hiêv, tsuv yêik txar zênhx max. Zơưv Nhất heik pâuz:

“Bảo Yên tsưr ziv uô txix jok txos hâur xã, uô côngz fênhx, tsênhz mênhx, jênh tsuv, zênhx max thiêz trơưk chei têz qơưk cui tinhv. Chuôz zis tưs tsi trâus ruôr hiêv, liv zôngv tsênhv chei no mak pêz zuôr muôz tik cêr cxâuv cov txos qơư”.

Đhâu Ủy ban Bảo Yên qênhz shuôs, txos nhiv no tưz muôx 200 chuôz zis zok nriêr tâu ar nhoz huv đros chiê cxiv uô vax tsêr yiêz. Chor chuôz zis tsuv yêik txar sei đrơưv tâu paz ntâu yax zos 120 tsov đeiv iz chuôz zis chiê uô tsêr trơưk li tỉnh tsênhv chei. 

Tsi tiêk huyện Bảo Yên, cxuô thax  tsav qơư txơưr hâur tỉnh Lào Cai cux uô jông cxuô faz tsưr ziv huv đros tsênhv tsênhz thiêz trơưk tsôngv box cêr nênhx phôngz cxưx, paz têx chuôz zis pêx xênhv muôx vax tsêr nhoz, nzor truôx tuk luz nênhx.

Taz sik, têx trâus đêx nas uô ruôr hiêv tas lok six ntâu, xar muôx 900 chuôz zis vax tsêr trâus puôk tsuôx tas hur si, 1.600 ntâu luz tsêr trâus ruôr hiêv hnhar, 4 cxênhz ntâu luz tsêr tsuv yêik txar zênhx max, tỉnh Lào Cai cux xar cov cxuô tsưr tsix, lênhx nênhs siêz jông sik đros pheiz kênh, paz tsôngv pêx xênhv thax tsav trâus đêx nas uô ruôr hiêv chiê lơưr truôx tuk luz nênhx./.

An Kiên-Riê Lâux cxeik, nhênhv

Tỉnh Sơn La li tsưr ziv kriz uô tênhv hur

Hâur sik côngv ntiêx têz:

- Chuôz cxaz sik côngv ntiêx têz, kriz uô jông sik côngv ntiêx têz lơưr vax huôv lok tsênhv njiêz hlôngr yiêz tênhv hur, txo grêk tsơưs têx pa cácbon thiêz pa mê-tan hâur zoz thôngz vận tải.

- Huiz tôngv thiêz sir zôngv ntâu tiv zix chor pênhr ODA, FDI, NGO thiêz chor pênhr jos txơưr txix saz đrâuv têz qơưk trâu tsưr ziv hlôngr yiez tênhv hur, txo grêk tsơưs têx paz các-bon thiêz paz mê-tan hâur hâux lưv zoz thôngz vận tải.

Lok khoa học công nghệ

- Sir zôngv công nghệ chuôz zênhx sir zôngv tênhv, năng lươngv hur, cxuô kror hur jông, txo grêk tsơưs têx pa tsik hur.

- Sir zôngv công nghệ sôr, hlôngr yiêz sôr, tsưr ziv, zoz thôngz txơưx njê hâur sêiz car, chox kriê cxuô kror hâux lưv hâur nganhx zoz thôngz vận tải.

Lok huôv tsar pênhr jos

Kriê, tror kriê đuô, kriê nzir txux chi trâu chor nênhs muôx hâur nganhx zoz thôngz vận tải chiê kriz uô tâu txêik jênhv choz zok, sêiz car, kriz uô, sir zôngv têx chuôz zênhx cxuô zav zoz thôngz công nghệ yiêz tsik muôx têx pa tsik hur.

Lok Thôngz xor mông thiêz yax mông

Cxiv tsa tsưr ziv yax mông thiêz tsưr tsix yax mông txos trâu pêx xênhv thiêz doanh nghiệp lok tsênhv chêi, kror liv hâur hlôngr yiêz têx chuôz zênhx, têx yêz zoz thôngz vận tải sir zôngv tênhv, năng lươngv hur.

Hâur phênhv zuôr txos pêz zuôr tror xa trâu pox nhuôs thiêz sơưr đơưk mnôngs tỉnh Sơn La têx tsưr ziv kriz uô hlôngr yiêz tênhv hur. Zâuv tsôngv box thiêz fôngx zưs sơưr đơưk tok mnôngs.

Hồng Việt-Lik Thox cxêik nhênhv