Viv li chas tus qox hla đhâu cêr hlâu nhoz Yên Bái uô tsi tiêr?

Zơưv Nguyễn Huy Láng, 65 shông hnuz nhôngs, nhoz jos Trái Hút, xã An Bình, huyện Văn Yên, tỉnh Yên Bái-iz hâur chor ziv chuôz zis tsi tâu tâu choz ar chiê uô dự án tus qox hla đhâu cêr hlâu thax tsav An Bình puz pâuz: chuôz zis muôx 2 cxênhz yiv ndis ar nhoz 3 thax tsav trâus sâu ar, hâur co tưz choz 900 yiv ntâu chiê cxiv uô qơư nhoz yiêz thiêz 600 yiv ndis uô cêr hâur dự án qox muk đhâu cêr hlâu. Taz sik đros mênhv chêx 600 yiv ndis no chuôz zis jênhv tsik tâu pâux nzir thiêz tsênhv thix ziv tâu paz nhiêx thoz huk ar, viv chuôz zis tưz yưv 300 tsov đeiv chiê luôv trôngz njuôs xav zuôr uô tsêr trâu mê nhuôk nhoz: “Tsi muôx tul tsi zos tiêk pêz tsi uô trơưk, viv têz qơưk krêz cêr zuôr uô jông đuô trâu zuk thiêz tov kaz no zuk tuz nhuôk tâu sơưv liv. Taz sik luz tsêr co dự án tiêk zuôr paz 40% mak tsơưs hênhr, chuôz zis pov tsi huv đros. Uô tâu 10 đeiv nhiv no tsuôk jênhv tâu 4 đeiv, ho trâus pôngz lơưv ar têz thiêz viv li cur tsi thôngx ziv. Chuôz zis xar njôngr zos tsi tâu 100% mak zuôr paz 70% cur chuôz zis txơưv thôngx ziv xưz”.

          Zơưv Nguyễn Huy Láng pheiz kênh cxaz, chuôz zis thiêz ntâu ziv chuôz zis txơưr tsênhv cxơưx lok luz nênhx thâuv txar muk qơư nhoz yiêz, viv đros têx chuôz zis muôx phênhv sâu phênhv ntâu zos txix tsiv uô kôngz nuv, trâus pôngz lơưv ar têz cux zos pôngz lơưv tsưr ziv uô nox, nhiêx txiêx pâux nzir tưz tsi txâuk zuôr ar têz nhoz qơư nhoz yiêz, tsi cxoz heik txos cxiv uô tsêr yiêz: “Uô li no mak cur pov cux tsi huv đros, viv muôx têx ziv trâus sâu tsês tsêr nhoz thiêz ar têz mak nhiv kruôr tâu pâux nzir tsi txos 200 tsov đeiv, tov kaz no zuôr 1 đeiv ar nhoz qơư nhoz yiêz cux 500 tsov đeiv, uô li mak zuôr txiêx hor tưs lok zuôr ntơưv qơư nhoz yiêz”

          Zơưv Trần Thống Nhất, Chủ tịch UB xã An Bình, huyện Văn Yên, tỉnh Yên Bái puz pâuz, dự án qox muk đhâu cêr hlâu thax tsav An Bình, xã muôx 96 ziv chuôz zis trâus sâu ar, phênhv ntâu tưz thôngx ziv. Taz sik, tsênhv yuôr têx ziv phêv liv viv mênhv chêx ar têz trâus sâu ntâu taz sik jênhv tâu phênhv pâux nzir mak tsi siêz, uô zênhr shar txos luz nênhx tov kaz no, tsi muôx mênhv chêx tu zus, tsêz chos xưk li qơư nhoz kuz: “Xã tưz sik côngv jông đros hội đồng pâux nzir paz txưv huyện uô qơư nhoz yiêz hâur côngz xưv yax mông, vênhv tôngv thiêz phênhv ntâu têx ziv chuôz zis tưz thôngx ziv. Đros têx ziv chuôz zis tsi tâu thôngx ziv, tsôngv box li thix ziv pêz tưz car chêx lơưr vax huôv; têx ziv chênhv, vênhv thix hla đhâu pêz li vax huôv mak sik côngv đros têx chiz coaz muôx lênhx coaz car chêx chiê dự án nzor tâu krêz uô”.

          Yuôr vênhv thix tsôngv box tsi tâu to tâuz lok hâux lưv zuôr xar ntơưv qơư nhoz yiêz nhoz dự án đros grê siêz, zơưv Lưu Trung Kiên, phưv chủ tịch ủy ban huyện Văn Yên, tỉnh Yên Bái puz pâuz, tsôngv box tưz tâu thêv nhiêx txiêx pâux nzir ntơưv qơư nhoz kuz, thiêz qơư nhoz yiêz nhoz sâuv niêv cêr lox, muôx ntâu liv zix đuô viv li thâuv cxiv tsa grê cux tsuv siêz đuô chiê huv đros cui tênhv. Qơư nhoz yiêz no muôx 30 thax tar, iz thax đar 100 yiv ndis, nhiv no tsi tâu tâu tso tơưv grê muôs, thâuv muôx cuiz tênhv lok grê ar huyện zuôr thôngz pov cxix cxuô txos tsôngv box: “Đros dự án qox muk đhâu cêr hlâu An Bình nhiv no tsênhv yuôr 4 ziv chuôz zis, 3 ziv viv cxiv uô tsêr nhoz sâuv ar kôngz nuv tov kaz shông 2014 đros 3 chuôz zis no huyện tưz pov cov tỉnh thiêz tỉnh cux muôx chủ trương paz iz phênhv chiê txu grês têx tsi huv đros trâu tsôngv box”.

          Dự án qox muk đhâu cêr hlâu thax tsav An Bình tâu krêz uô nhoz jos Trái Hút, xã An Bình, dự án cxiv uô sâuv 2 xã An Bình thiêz Đông Cuông huyện Văn Yên. Dự án muôx pênhr yưv uô zos 100 tỷ đeiv, krêz uô lok shông 2022, njuôs xav uô tiêr hâur shôngk shông 2024, đros têx côngz tsinhx li qox muk đhâu cêr hlâu, thax tsav qơư nhoz yiêz, cêr jav 2 qơư muk đhâu cêr hlâu tas nro ntêr 2,3 cei cêr zos Ban seiz car dự án yưv pênhr cxiv tsa têx côngz tsinhx zaoz thôngz tỉnh Yên Bái uô tsưr yưv pênhr. Têx taz viv Công ty TNHH Chiến Công, Công ty CP Licogi 15 cxiv uô.

          Viv têx phêv liv hâur car chêx ar têz, zuôr tas shông 2024 mak cêr tsênhv tsi tâu tâu muk lok tâu, tsưr thâux cux tưz chox têx zav meir, phaz pênhv cxuô zav muk lơưv tas./.

Thừa Xuân-Txâur Vax cxeik nhênhv

Pox niêv tox siêz Sơn La li kror qơư sâu tsês cxuô zav paz uô hur trâu tênhv qơư

Tưz zos kror sưv đros zuôr xar 2 shông no, txos hnuz ciêz kaz yênhx hli, chôngz lênhx nênhs, đros chor pox niêv nhoz tôv 4, phường Quyết Thắng, thành phố Sơn La ho chox têx vuôz tsuôz nhựa tưz tsês tâu li: têik, hưx, cxuô zav zuôr tror uô đuô tâu li kuôr hlâu, zak zưr tuôx trâu ntơưv chi hôiv pox niêv tôv li “Luz tsêr tsês chiê têx vuôz tsuôz nhựa cxiv tsa cuiv siêz jông”. Tix lâus Hoàng Minh Việt, nhoz tôv 4 hêik pâuz: “Têx vuôz tsuôz no muôz por tsês mak zuôr uô tsik hur trâu tênhv qơư. Chor pox niêv hâur tôv muk sâu têx vuôz tsuôz no zos iz kror lok six tsênhv tsênhz, muôx tsiv gri. Viv li cur chuôz zis muôx têx vuôz tsuôz nhựa tưs mak cux muôz sâu thiêz khơưk tsês cov jông, lơưr co muôz paz trâu lơưr”.

Lơưr pos Phạm Thị Thinh, Chi hôiv trưởng chi hôiv pox niêv tôv 4, phường Quyết Thắng, thành phố Sơn La: chor pox niêv tôv li “Luz tsêr tsês chiê têx vuôz tsuôz nhựa cxiv tsa cuiv siêz jông” tâu kriz uô txix kaz shông 2022, tâu uô txix têx kuôr hlâu hax uô iz luz tsêr zâu trâu chor pox niêv, pêx xênhv sơưr đơưk tsês chiê têx vuôz tsuôz nhựa. Txos hnuz ciêz kaz yênhx hli, chor pox niêv sơưr đơưk ho tuô trâu ntơưv kror qơư tso luz tsêr no chiê phêiz têx vuôz tsuôz nhựa chox muk muôs. Txos nhiv no, chor pox niêv tôv li tsưr ziv uô no tưz sâu tâu muôx nhos 10 tấn vuôz tsuôz nhựa, sâu tâu xar muôx 10 triệu đêiv nhiêx trâu cuiv: “Pêz sir jos uô thiêz hêik chôngz lênhx pox niêv đuô tuôx đros côngv têk uô cov uô tâu jông đuô tsưr ziv sâu têx vuôz tsuôz nhựa. Cov paz muôx tâu tênhv qơư hur jông thiêz paz tâu trâu chor nênhs muôx luz nênhx txov nhêv”.

Txix 10 tsưr ziv uô siv “Luz tsêr tsês chiê têx vuôz tsuôz nhựa cxv tsa cuiv siêz jông” đros xar muôx 400 lênhx pox niêv, txos nhiv no Hôiv Pox niêv cxuô cấp tỉnh Sơn La tưz kriz uô tâu nzir 68 qơư kriz uô tsưr ziv no ntơưv 12 huyện, thành phố, muôx 2.700 ntâu lênhx nênhs đros uô. Xav iz hli, chor tsưr ziv uô no tưz sâu tsês, muôz phêiz tâu lok six ntâu zav vuôz tsuôz nhựa thiêz têx vuôz tsuôz txơưr zuôr tror sir zôngv, uô đuô tâu, iz tsưr ziv uô sâu tâu txix 300 txos 500 cxênhz đêiv txix têx hâux lưv no. Pos Vi Thị Bình, Phưv Chủ tịch Hôiv Liên hiệp Pox niêv tỉnh Sơn La puz pâuz: “Hôiv Liên hiệp pox niêv tỉnh tror yax kriê txos trâu chor hôiv viên thiêz pêx xênhv sâuv thax tsav pâuz kriz uô jông hâux lưv phax tar têx tsik hur, vuôz tsuôz nhựa. Pêz zuôr kriz uô nzir têx tsưr ziv tưz uô tâu jông”.

Sở Tài nguyên thiêz Tênhv qơư tỉnh Sơn La li thôngz sâu, iz shông tas nro chor vuôz tsuôz nhựa sâuv thax tsav xar muôx 10.630 ntâu tấn; hâur co chor vuôz tsuôz nhựa sâu tsês tâu njuôk xav xar muôx 8.400 tấn iz shông, tsênhv yuôr zos sâu tsik tâu tâu. Đros tsưr ziv uô “Luz tsêr tsês chiê têx vuôz tsuôz cxiv tsa cuiv siêz jông”, sâuv thax tsav tỉnh cux muôx chor hluôk nênhs li ntâu tsưr ziv uô li: “Pâur têx têik, hưx nhựa zuôr têx zuz ntông njuôz”, “Ciêz đrôngs tsik muôx ntâu têx vuôz tsuôz nhựa”, “Uô têx zav uô si txix têx têik, hưx nhựa”… Ntâu cơ quan, taz viv, doanh nghiệp sâuv thax tsav tỉnh tưz hlôngr txix zôngv đêx hâuk ntiv hâur hưx nhựa trâu zôngv đêx hâuk ntiv hâur têx têik, hưx thủy tinh thiêz tsik sir zôngv têik hâuk đêx nhựa, hnaz tax. Zơưv Thiều Quang Phi Hùng, Phưv Trưởng phòng sêiz car Tênhv qơư, Sở Tài Nguyên thiêz Tênhv qơư tỉnh Sơn La puz pâuz: “Hâux lưv kriz uô têx tsưr ziv hêik sâur tưz paz sir jos uô, yax kriê lok phax tar têx vuôz tsuôz nhựa thiêz paz trâu sơưr đơưk pâuz tsik sir zôngv têx hax huv nhựa sir zôngv iz jiês”.

Têx vuôz tsuôz nhựa tsik tâu sâu tsês, xưv lik huv cui tênhv zuôr uô tsik hur txos tênhv qơư, uô phiv liv ntâu txos lênhx nênhs li đas jos, viv têx vuôz tsuôz nhựa no zuôr nhoz hâur tênhv qơư txix yênhx châuv shông, yênhx puô shông, muôx têx zav txos yênhx cxênhz shông mav li lưx. Iz lênhx nênhs txix zuk têx hâux lưv uô zâuv, muôx tsiv gri lox zuôr paz đros phax tar tâu jông têx vuôz tsuôz nhựa, chiê paz muôx tâu iz tênhv qơư, iz luz nênhx hur jông đuô./.

Bích Thủy-Lik Thox cxêik nhênhv-Lưu, in đĩa