Têx vav njôngr xa trâu đaiv biểu pêx xênhv bâux xêir

Chor ứng cử viên đaiv biểu Côx hôv li Tsaz yênhx huôx tôngv ntơưv chor jiês njiz cử tri ntơưv Lào Cai puôr lênhx tsêx trung trâu têx vênhv thix tsênhv tsênhz paz trâu thax tsav qơư thiêz têz qơưk. Tsênhv njiêz hêik txos têx vênhv thix huv zos tsênhv tsênhz li: bax pênhr jos chiê huôv tsar hạ tầng; paz uô nox, gra siêz phênhv sâu trâu pêx xênhv; huôv tsar kôngz nuv hax huv, du lịch côngv thôngx thiêz kinh têr trôngx đriv. Cử tri Đỗ Minh Lương, nhoz phường Lào Cai puz pâuz:

“Chor ứng cử viên tưz muôx chor tsaz yênhx huôx tôngv lok six jông, kho học, tsênhv tsênhz thiêz hêik txos zuk txơưx jênhv trâu pêx xênhv, trâu Côx hôiv. Cur xar zos tâu sơưr đơưk bâux uô đaiv biểu Côx hôiv zuôr sir jos uô tâu jông hâux lưv hâur Côx hôiv khoar yiêz”.

Cử tri Trần Đức Thành, nhoz phường Cam đường hêik pâuz:

“Tỉnh Lào Cai muôx kror liv lok huôv tsar chor yuôx đrox njuôz thiêz tỉnh Lào Cai tưz muôx Nghị quyết lok huôv tsar chor yuôx đrox njuôz. Cur vav tiêk zuôr txos no chor nênhs tâu bâux xêir đaiv biểu Côx hôiv zuôr muôx tsaz yênhx huôx tôngv kriz uô Nghị quyết no chiê paz hlôngr yiêz đuô pêx xênhv cxuô mênhx cxưx hâur tỉnh luz nênhx”.

Iz chas thôngx ziv đros chor tsaz yênhx huôx tôngv, cử tri tưz hêik tơưv zuk siêz xar thiêz vav njôngr trâu chor nênhs zuôr hlôngr njêx muôs trâu zuk hêik txox pêx xênhv têx ziv chênhv, siêz xar ntơưv qơư cơưv Côx hôiv. Cử tri Nguyễn Thị Nội, nhoz xar Lương Thịnh, tỉnh Lào Cai hêik pâuz:

“Pêz cux vav tiêk chor điav biểu hâur six cxiv no zuôr muôx ntâu tsênhv chêi paz trâu huôv tsar kinh têr, vênhx huôv, thể dục thể thao thiêz txo grêk yêiz pluôs, huôv tsar jêx yiêz ntơưv thax tsav qơư”.

Nhoz chor xar tox siêz ntus đriv Lào Cai, siêz vav njôngr co hax zav zos kror tsênhv tsênhz đuô. Pêx xênhv vav tiêk chor đaiv biểu zuôr tsov cưv txos têx tsênhv chêi mênhx cxưx, yưv pênhr trâu hạ tầng thiêz kriz uô tâu truôx jông kror liv muôx ntơưv thax tsav qơư. Zơưv Tô Văn Thanh, Bí thư Đảng ủy xar Y Tý, tỉnh Lào Cai hêik:

“Pêz lok six shir phaz thâuv chor ứng cử viên tsov cưv txos zoz thôngz siz txuôk thax tsav. Zos têx kror tsov cưv txos no tau kriz uô, zuôr paz tâu jông trâu huôv tsar kôngz nuv, du lịch thiêz kinh têr yuôx đrox njuôz ntơưv thax tsav qơư”.

Cử tri li siêz njênhs muôx đhâu chor ntơưr bâux tưz tsik zos hêik tơưv tâu qênhx công dân mak tsênhv zos kror xêir tsov txos txơưx jênhv paz trâu têz qơưk ntu zuôr txos. Thâuv siêz njênhs tâu chiê huv qơư, huv lênhx nênhs, thâuv cxuô kror tâu uô txix têx huôx tôngv tsênhv tsênhz, co cux chênhr zos kror paz uô tâu truôx jông sik côngv siêz tas nro mênhx cxưx-zos kror paz trâu Lào Cai thiêz têz qơưk huôv sêi, truôx đrênhk hâur six cxiv yiêz./.

TTTB-Lik Thox cxêik nhênhv

Cui tinhv bâux xeir

Trơưk li cui tinhv, jiês bâux xeir đại biểu Côx hôiv Việt Nam thiêz đại biểu Hôiv đôngx cxuô cấp tâu uô trơưk cui tinhv li đrav kaz:

Xuz thơưx zos luôs hâux lưv bax thiêz cơưv piêr kriê lênhx nênhs ứng cử. Cui tinhv cơưv li co zos Mặt trận Tổ quốc Việt Nam seiz car, hux jos đros cxuô cơ quan, tsưr tsix hữu quan uô đhâu ntâu jiês. Ntơưv têx jiês cơưv ntơư, bê lênhx nênhs ứng cử tâu seiz lax, zuôr ziv chênhv thiêz qênhz shuôs jông, taz por lênhx nênhs tsiv nhos, muôx pox niêv txir nênhx, lâul, hluôk, canr bôv, pêx xênhv hur si lơưr cui tinhv. No zos hâux lưv zov chênhr chiê xeir tsov têx lênhx muôx txux chi jông, uô ntêx nyuôs hâur cxuô luôs hâux lưv, tsiv txiêx, cơưv tas ntâuz ntơưr siêz, muôx pênhr xưv lês uô tâu têx hâux lưv zok muôz….

Đhâu thâuv pâuz tsênhz, sâu bê lênhx nênhs ứng cử tas, cxuô thax tsav qơư tsưr tsix zuôr cử tri ntơư qơư nhoz ziv chênhv thiêz cêr njênhs njôngr trâu lênhx nênhs ứng cử. Têx jiês cơưv cử tri nthuôr uô tsênhz mênhx, côngz fênhx, muôz jông six hơưv chiê pêx xênhv buôk ti heik lol tsưr ziv, siêz xar. Cử tri ziv chênhv zos qơư khov zov chênhr chiê tror uô tiêr têx ntâuz ntơưr, xeir lênhx nênhs ứng cử tsiv nhos uô đại biểu.

Txuôk nzir co zos sâu bê thiêz lo bê cử tri. Hâux lưv uô no tâu uô tsênhz mênhx trâu ntơưv Ủy ban xã, phường qơư uô hâux lưv, thị trấn thiêz têx qơư tso ntơưr bâux xeir chiê pêx xênhv seiz shuôs têx mông. Zos qênhz pov kror tưs uô tsi zos, tsi huv, cử tri muôx vax huôv heik cov cxiv kho đuô trơưk cui tinhv. Lo chiv bê tsênhz mênhx li heik sâuv paz taz por cxuô lênhx cxuô tus pêx xênhv muôx txâuk chei, vax huôv puôr lênhx tâu bâux xeir. Đros trâu têx li heik co, bê têx lênhx ứng cử zuôr tâu sơưr đơưk bâux xeir cux tâu heik đêz đar trâu cxuô tus cxuô lênhx pâuz txos. Chor ứng cử viên tâu qir vênhv tôngv bâux xeir thôngz đhâu têx jiês cơưv chuôs njiz cử tri, heik lol zuk tsaz yênhx, têx hâux lưv uô. Lok sâuv vênhv tôngv bâux xeir, tsuv taz por côngz fênhx, trơưk chei têz qơưk, tsi tâu liv zôngv chiê yax kriê li uz li no tsi trơưk chei lok sik uô trâu ssơưr đơưk tsi muôx cêr thôngx siêz.

Txos hnuz bâux xeir, chor thax tsav qơư tso ntơưr bâux xeir tâu tsưr tsix uô jông. Tổ bâux xeir qênhz yuôx shuôs thôngz trâu ntơưr, lo chiv jông hur si trâu pêx xênhv seiz njiê pov njôngr. Thâuv tuôx tso ntơưr bâux xeir, cử tri tâu qênhz shuôs têx mông, lênhk txeik ntơưr bâux xeir thiêz qir xeir tsov lênhx nênhs tsiv nhos. Cui tinhv bâux xeir uô đrux ntov zos iz hâur têx zov chênhr taz por sơưr đơưk muôx chei, vax huôv tâu xeir lênhx nênhs txâuk njênhs, muôx txux chi, lês uô tâu hâux lưv jông viv pêx xênhv.

Đhâu suôx câuv six hơưv tso ntơưr, tổ bâux xeir zuôr qênhz shuôs têx ntơưr bâux xeir ntơưv qơư tso ntơưr. Hâur ntu qênhz têx ntơưr muôx chor nênhs hlôngr njêx muôs cử tri seiz njiê pov njôngr thiêz tâu sâu ntơưr cxix cxuô hur si. Đhâu qênhz shuôs tas, zuôr tâu heik trâu cấp muôx vax huôv chiê sâu jênhv thiêz heik pâuz trơưk cui tinhv.

Zos ho muôx siz pênhr, têx tsi jông siêz li chas yưv siv cik txos bâux xeir, cxuô cơ quan muôx vax huôv zuôr đros qênhz shuôs, đơưk tu zênhx max, trơưk chei têz qơưk cui tinhv. Têx li heik co paz uô tâu đrux ntov thiêz trơưk Chei bâux xeir.

Muôx têx tso pov, tas nro têx cui tinhv bâux xeir tâu fuô uô trơưk iz ntu juk, txix cơưv hiệp thương, sâu bê nênhs ứng cử, vênhv tôngv bâux xeir txos trâu tso ntơưr thiêz heik pâuz xeir tâu lênhx nênhs tsiv nhos…., taz sik tas nro puôr lênhx zos iz hâux lưv chiê taz por jiêx bâux xeir uô tâu truôx jông, sơưr đơưk muôx vax huôv siz luôs, trơưk chei têz qơưk thiêz zos tas nro tsôngv box hnuz hội.

Taz chiê uô tâu jông têx luôs hâux lưv heik sâuv, tsôngv pêx xênhv tsuv pâuz tsênhz lok zuk vax huôv, hâux lưv. Cử tri tsi tiêk muk tso ntơưr bâux xeir cxix cxuô trơưk cui tinhv, mak tsuv seiz shuôs jông bê lênhx nênhs ứng cử, xeir têx lênhx tsiv nhos, muôx txâuk txux chi, pênhr xưv hlôngr njêx muôs trâu pêx xênhv xa sơưr đơưk têx tsưr ziv, siêz xar txos trâu chor hloz thênhv siêz, paz cxiv tsa têz qơưk ziv hnuz ziv hlôngr yiêz thiêz huôv tsar truôx./.

Vừ Chu-Riê Lâux cxeik, nhênhv-Lưu văn bản, in đĩa, có link