Sir jos hlôngr yiêz nhoz têx jêx jos hâur đêx Chảy

Jok Lù Dì Sán, xã Si Ma Cai, tỉnh Lào Cai nhiv no muôx 65 chuôz zis pêx xênhv, taz sik muôx txos 40 lênhx hluôk nênhs uô hâux lưv ntơưv têx công ty hâur têz qơưk. Sơưr cêr hâur thax tsav qơư nhoz muk uô jos, uô hâux lưv đrav têx công ty tưz muôx cxaz nzir phênhv sâu tâu siêz thiêz truôx tuk đuô, paz ntâu chuôz zis hlôngr yiêz luz nênhx. Niêv lâul Cơưv Xênhv Vax chuôz zis zos iz hâur têx li ntơư. Txơưvmuk đêz vax tsêr uô công nhân ntơưv TP Hải Phòng, taz sik puôr lênhx muôx phênhv sâu truôx tuk, paz lơưr muôx nzir cêr chiê siêz, cxơưz luz nênhx tsâu sor: “Cur muk đrav co cux muôx hâux lưv uô truôx tuk, cê txâuk txoz cxơưx trâu chuôz zis. Cur cux tsênhv xar, zuôr sir jos uô hâux lưv, cxênhx txuôs 2, 3 shông thiêz, chiê cxiv uô vax tsêr truôx khor nhoz”.

Ntâuk grê lok têx hluôk nênhs hâur jok muk uô hâux lưv ntơưv têx thax tsav công nghiệp đrâuv 2 chas thax tsav, tix lâus Zax Seo Xóa-Tsar Ban côngz xưv mặt trận jok Lù Dì Sán, xã si Ma Cai, tỉnh Lào Cai heik pâuz: “Pêx xênhv muk uô côngz ty lok six chôngz, phênhv sâu tâu cux truôx tuk đuô, paz cxơưz sơưr đơưk luz nênhx tsâu sor đuô. Muk uô công ty, tsiêz nhiv kruôr đhâu cux zuôr tâu ntâu zav chuôz zênhx, zuôr tâu tsôngk tril yo yiêz trâu têx mê tuz mê nhuôv”.

Iz chas ntơư, ntâu chuôz zis pêx xênhv nhoz Lù Dì Sán cux xeir nhoz hâur thax tsav qơư, huôv tsar uô nox txix tu zus tsiêx cxu, uô kôngz. Khov tâu buôk ti txos pênhr txeik thêv nhiêx nju tsơưs, kriê tsưr ziv uô nox, têx luôs hâux lưv tu zus tsiêx cxu tưz uô tâu trơưk têk, paz pêx xênhv jux juk hla đhâu cêr pluôs. Tix lâus Yênhx Xênhv Hoàng, nhoz jok Lù Dì Sán iz shông muôx phênhv sâu tâu 100 tsov đeiv ntâu txix tu zus buô grêix heik: “Tu zus tsiêx cxu shông nhiv kruôr đhâu muôs tâu gri, chuôz zis shir phaz hênhr. Shông no chuôz zis zuôr tror krêz đar qơư, huôv tsar tu zus ntâu đuô têx buô grêix thiêz zus nzir niêv buô hur si”.

Txix jok Lù Dì Sán têx hlôngr yiêzz thâuv tưs tưz muôx chor canr bôv, chiến sĩ tuz lênhv Pênhz phax Si Ma Cai đros paz. Tsi tiêk tsưx phưv ntus đriv têz qơưk, taz viv tsênhv paz pêx xênhv huôv tsar uô nox uô hnar, yax kriê têz qơưk têx tsưr ziv, tsênhv chei, paz zuz nôngz tsoz chos, tsiêx tu zus thiêz zênhx max tôngv zênhx chor chuôz zis pluôs sir jos hla đhâu phiv liv. Trung tá Trú Xênhv Zax, Chính trị viên phưv Zênhx Pênhz phax Si Ma Cai heik: “Pêz cux tsi so muôz têx huv puz trâu pêx xênhv, kriê sơưr đơưk tsưr ziv huôv tsar uô, paz pheiz kênh phiv liv, cêr txov chiê tso siêz đuô, txix ntơư tuz lênhv thiêz pêx xênhv muôx cêr thôngx siêz jông đuô”.

Luz nênhx nhoz thax tsav hâur đêx Chảy cux tsênhv yuôr ntâu txov nhêv. Taz sik sâuv suôv qơư ntus đriv no, sơưr đơưk cux tsênhv sir jos chiê muôx luz nênhx truôx tuk, tsâu sor đuô. Txix hlôngr yiêz tsưr ziv xar txos trâu hlôngr pâur cêr huôv tsar uô nox truôx, pêx xênhv Lù Dì Sán tsênhv chiê siêz, njênhs njôngr trâu Đảng tsưr ziv chox cêr chiê cxiv tsa luz nênhx ziv hnuz ziv huôv tsar, vav mênhx./.

VOVTB-Riê Lâux cxeik, nhênhv

4 kror paz uô huv đros hâur bâux xêir

Lơưr Grê 7 Hiến pháp 2013 thiêz Grê 1 Chêi Bâux xêir đaiv biểu Côx hôiv thiêz đaiv biểu Hôiv đồng, hâux lưv bâux xêir đaiv biểu Côx hôiv thiêz đaiv biểu Hôiv đồng tâu uô lơưr 4 kror: phôv thông, vax huôv siz bâus, kriz uô ciês thiêz tso ntơưr bâux. No zos têx kror uô dân chủ, huv zos, cov qênhx têz qơưk zos pêx xênhv kror qênhx.

Uô trơưk phôv thông zos khav tênhv cxuô lênhx nênhs Việt Nam, tsik xav txos mênhx cxưx, pox niêv txir nênhx, cxuô zav nênhs hâur xar hôiv, tín ngưỡng, tôn giáo, txux chi vênhx huôv, hâux lưv uô, txưv 18 shông tror sâur puôr lênhx muôx qênhx bâux xêir thiêz txưv 21 shông tror sâur puôr lênhx muôx qênhx ứng cử đaiv biểu Côx hôiv, đaiv biểu Hôiv đồng trơưk chêi têz qơưk cui tênhv (yưx chor nênhs tsik muôx qênhx lơưr Toàn anr cuêz tênhv, trâus cxâuv chêi têz qơưk lok sik tsik muôx txâuk cxuô kror lok dân sự). Kror no hêik tsênhz txos dân chủ đêz đar, paz cxuô kror chiê cxuô lênhx nênhs uô tâu zuk kror qênhx bâux xêir thiêz ứng cử.

Vax huôv siz bâus zos paz muôx ndax ndênhk, tsik xav siêz, kik trâu lênhx tưs, chiê cxuô lênhx nênhs puôr lênhx jông iz zav tâu cxaz chuôz bâux xêir thiêz ứng cử. Kror no muôx nhoz iz lênhx nênhs tsuôk tâu sâu bê trâu iz bê ntơưr cử tri ntơưv qơư zuk nhoz; iz lênhx nênhs tsuôk tâu sâu bê trâu bê ntơưr chor nênhs ứng cử ntơưv iz kror qơư bâux xêir đaiv biểu Côx hôiv lok sik iz taz viv bâux xêir đaiv biểu Hôiv đồng nhoz iz taz viv hành chính. Iz lênhx cử tri tsuôk tâu tso iz đêiv ntơưr bâux đaiv biểu Côx hôiv thiêz iz đêiv ntơưr bâux đaiv biểu Hôiv đồng nhoz yênhx cấp; chor ntơưr bâux muôx tsiv gri iz zav. Siz bâus tsênhv zos bax huv đros chor nênhs tâu hêik pâuz chiê bâux xêir thiêz đaiv biểu tâu bâux, paz muôx txâuk hlôngr njêx muôs trâu chor thax tsav, cxuô cxênhx pêx xênhv, cxuô mênhx cxưx tsơưs nênhs thiêz pox niêv muôx cov huv đros hâur Côx hôiv, Hôiv đồng.

Kriz uô ciês zos kror cov chor cử tri tuôx tso ciês ntơưr bâux xêir tsov cov tâu chor nênhs huv zos lơưr zuk siêz xar. Chêi têz qơưk txưr siz paz tso têx ntơưr bâux, lok sik xa ntơưr bâux. Đros chor cử tri muôx moz gênhs, lâul, trâus sêv khiz luz chêr lok sik tsênhv trâus cơư, Tôv bâux xêir gra đros luz thungz tso ntơưr muk cov txos ciês qơư chiê lơưr tso ntơưr bâux cov cxuô lênhx nênhs têx qênhx bâux xêir tâu kriz uô cxix cxuô.

Tso ntơưr bâux zos paz trâu chor cử tri xêir tsov tâu chor nênhs zuk nhiêv, tsik zos tso trơưk chor nênhs txơưr hêik lok sik txix têx phiv liv txơưr. Cử tri sâu ntơưr bâux ntơưv têx qơưk siz txơưr tsik khênhr chor nênhs txơưr pauz. Cử tri cux tso ciês zuk chor ntơưr bâux trâu hâur têx thungz trâu ntơưr bâux, đhâu co paz cov uô tâu tsênhz mênhx, ndax ndênhk hâux lưv bâux xêir.

Nriêr pâuz tsênhz mênhx yênhx kror hâur bâux xêir nhoz pêz têz qơưk mak puz pov tiêk, kror tự do, dân chủ tâu uô hâur tas nro cxuô kror thiêz uô cov jông 4 kror hâur bâux xêir: Phôv thông, vax huôv siz bâus, kriz uô ciês thiêz tso ciês ntơưr bâux xêir, cux zos uô lơưr dân chủ, vav mênhx./.

Bích Thủy-Lik Thox cxêik nhênhv