Sir jos hlôngr yiêz nhoz têx jêx jos hâur đêx Chảy

Jok Lù Dì Sán, xã Si Ma Cai, tỉnh Lào Cai nhiv no muôx 65 chuôz zis pêx xênhv, taz sik muôx txos 40 lênhx hluôk nênhs uô hâux lưv ntơưv têx công ty hâur têz qơưk. Sơưr cêr hâur thax tsav qơư nhoz muk uô jos, uô hâux lưv đrav têx công ty tưz muôx cxaz nzir phênhv sâu tâu siêz thiêz truôx tuk đuô, paz ntâu chuôz zis hlôngr yiêz luz nênhx. Niêv lâul Cơưv Xênhv Vax chuôz zis zos iz hâur têx li ntơư. Txơưvmuk đêz vax tsêr uô công nhân ntơưv TP Hải Phòng, taz sik puôr lênhx muôx phênhv sâu truôx tuk, paz lơưr muôx nzir cêr chiê siêz, cxơưz luz nênhx tsâu sor: “Cur muk đrav co cux muôx hâux lưv uô truôx tuk, cê txâuk txoz cxơưx trâu chuôz zis. Cur cux tsênhv xar, zuôr sir jos uô hâux lưv, cxênhx txuôs 2, 3 shông thiêz, chiê cxiv uô vax tsêr truôx khor nhoz”.

Ntâuk grê lok têx hluôk nênhs hâur jok muk uô hâux lưv ntơưv têx thax tsav công nghiệp đrâuv 2 chas thax tsav, tix lâus Zax Seo Xóa-Tsar Ban côngz xưv mặt trận jok Lù Dì Sán, xã si Ma Cai, tỉnh Lào Cai heik pâuz: “Pêx xênhv muk uô côngz ty lok six chôngz, phênhv sâu tâu cux truôx tuk đuô, paz cxơưz sơưr đơưk luz nênhx tsâu sor đuô. Muk uô công ty, tsiêz nhiv kruôr đhâu cux zuôr tâu ntâu zav chuôz zênhx, zuôr tâu tsôngk tril yo yiêz trâu têx mê tuz mê nhuôv”.

Iz chas ntơư, ntâu chuôz zis pêx xênhv nhoz Lù Dì Sán cux xeir nhoz hâur thax tsav qơư, huôv tsar uô nox txix tu zus tsiêx cxu, uô kôngz. Khov tâu buôk ti txos pênhr txeik thêv nhiêx nju tsơưs, kriê tsưr ziv uô nox, têx luôs hâux lưv tu zus tsiêx cxu tưz uô tâu trơưk têk, paz pêx xênhv jux juk hla đhâu cêr pluôs. Tix lâus Yênhx Xênhv Hoàng, nhoz jok Lù Dì Sán iz shông muôx phênhv sâu tâu 100 tsov đeiv ntâu txix tu zus buô grêix heik: “Tu zus tsiêx cxu shông nhiv kruôr đhâu muôs tâu gri, chuôz zis shir phaz hênhr. Shông no chuôz zis zuôr tror krêz đar qơư, huôv tsar tu zus ntâu đuô têx buô grêix thiêz zus nzir niêv buô hur si”.

Txix jok Lù Dì Sán têx hlôngr yiêzz thâuv tưs tưz muôx chor canr bôv, chiến sĩ tuz lênhv Pênhz phax Si Ma Cai đros paz. Tsi tiêk tsưx phưv ntus đriv têz qơưk, taz viv tsênhv paz pêx xênhv huôv tsar uô nox uô hnar, yax kriê têz qơưk têx tsưr ziv, tsênhv chei, paz zuz nôngz tsoz chos, tsiêx tu zus thiêz zênhx max tôngv zênhx chor chuôz zis pluôs sir jos hla đhâu phiv liv. Trung tá Trú Xênhv Zax, Chính trị viên phưv Zênhx Pênhz phax Si Ma Cai heik: “Pêz cux tsi so muôz têx huv puz trâu pêx xênhv, kriê sơưr đơưk tsưr ziv huôv tsar uô, paz pheiz kênh phiv liv, cêr txov chiê tso siêz đuô, txix ntơư tuz lênhv thiêz pêx xênhv muôx cêr thôngx siêz jông đuô”.

Luz nênhx nhoz thax tsav hâur đêx Chảy cux tsênhv yuôr ntâu txov nhêv. Taz sik sâuv suôv qơư ntus đriv no, sơưr đơưk cux tsênhv sir jos chiê muôx luz nênhx truôx tuk, tsâu sor đuô. Txix hlôngr yiêz tsưr ziv xar txos trâu hlôngr pâur cêr huôv tsar uô nox truôx, pêx xênhv Lù Dì Sán tsênhv chiê siêz, njênhs njôngr trâu Đảng tsưr ziv chox cêr chiê cxiv tsa luz nênhx ziv hnuz ziv huôv tsar, vav mênhx./.

VOVTB-Riê Lâux cxeik, nhênhv

Đại biểu Côx hội thiêz đại biểu Hôiv đôngx cui tinhv trơưk chei têz qơưk

Trơưk li Chei tsưr tsix Côx hôiv thiêz Chei tsưr tsix hâu nov ntơưv qơư, xuz thơưx, lênhx đại biểu tsuv uô ntêx nyuôs hâur cxuô luôs hâux lưv, njênhs thiêz uô trơưk chei têz qơưk Việt Nam, uô hâux lưv viv têz qơưk, viv pêx xênhv; sir jos đros cxiv tsa têz qơưk huôv tsar, côngz fênhx, vav mênhx. No zos cui tinhv zov chênhr, heik lol lênhx đại biểu cêr uô nênhx, lês uô jông têx hâux lưv zok muôz viv pêx xênhv.

Iz cui tinhv zov chênhr txơưr đuô zos lênhx đại biểu tsuv muôx iz qơư nhoz tsênhz mênhx, ntơư zos nênhs Việt Nam. Cui tinhv no chiê taz por thôngx ziv lok sâuv lênhx đại biểu li ntâuz ntơưr, txơưx jênhv thiêz hâux lưv trâu têz qơưk, trâu pêx xênhv.

Iz chas ntơư, chei têz qơưk heik mênhx cui tinhv lok cêr uô nênhx. Đại biểu tsuv zos nênhs jông, tsiv txiêx, moz siêz lês uô cxuô luôs hâux lưv, uô ntêx nyuôs uô trơưk chei têz qơưk cui tinhv; sir jos phax tar uô tuôr xuôv nhiêx txiêx têz qơưk, têx tsi jông thiêz têx uô cxâuv chei têz qơưk txơưr đuô. Hâur ntu cxiv tsa Têz qơưk thiêz cxơưz tiês phax tir thêir uô tuôr xuôv nhiêx txiêx nhiv no, cui tinhv co ziv lok six zov chênhr.

Lok sâuv txux chi, lênhx đại biểu tsuv cơưv tas ntâuz ntơưr siêz, muôx tsưr ziv uô hâux lưv, muôx pênhr xưv thiêz đas jos chiê lês uô têx hâux lưv zok muôz.

Đại biểu Côx hôiv cxaz chuôz quyết định têx hâux lưv zov chênhr hâur têz qơưk li: Cxiv tsa chei têz qơưk, quyết định nhiêx txiêx têz qơưk, seiz kaz cxuô cơ quan lês uô hâux lưv têz qơưk têx hâux lưv uô.

Đại biểu hội đôngx quyết định têx hâux lưv zov chênhr hâur thax tsav li: Tsưr ziv huôv tsar kinh tế xã hội, tuôr xav thiêz phênhz nhiêx txiêx ntơưv qơư, seiz kaz uô trơưk chei têz qơưk ntơưv qơư. Chênhr viv li, txux chi tsưr ziv jênhv pâuz tsênhv tsênhz zos lok six chênhr.

Iz hâur têx cui tinhv chênhr zos hux jos truôx đros pêx xênhv. Đại biểu tsuv sưv jông pêx xênhv, mnôngs cử tri heik têx tsưr ziv, siêz xar; heik tsênhz mênhx têx thix ziv ntơư txos cơ quan muôx vax huôv; iz chas ntơư taz pêx xênhv seiz kaz. Tâu cử tri njênhs njôngr, xeir tsov tsi tiêk hâur đeiv ntơưr bâux xeir, tsênhv zos hur si lok sâuv sox kaz, ntâuk grê hâur ntu lênhx đại biểu co uô hâux lưv.

Iz chas ntơư, lênhx nênhs ứng cử thiêz lênhx tâu bâux xeir uô đại biểu tsuv muôx six hơưv cxaz chuôz cxix cxuô têx hâux lưv, jiês cơưv. Têx li heik no taz por đại biểu muôx têx cxaz chuôz dưv têx jiês cơưv, đros seiz lax, nus têz, seiz kaz thiêz chuôs njiz cử tri tsi so, trơưk cui tinhv.

Muôx têx tso pov, cui tinhv đại biểu Côx hôiv thiêz đại biểu hội đôngx lok sâuv tsênhv tsênhz zos thôngx ziv, chiê xeir tâu têx lênhx nênhs uô ntêx nyuôs, muôx txux chi jông, tsiv txiêx thiêz lês uô tâu hâux lưv zok muôz.

Lar heik: Đại biểu Côx hôiv lês uô têx hâux lưv hâur têz qơưk, hok đại biểu hội đôngx mak lês uô têx hâux lưv ntơưv qơư, buôk ti nhoz jê đros pêx xênhv hâur thax tsav.

Luôs hâux lưv xeir tsov lênhx nênhs muôx txux chi jông, tsiv nhos hlôngr njêx muôs trâu tsôngv pêx xênhv tsi tiêk uô trơưk chei têz qơưk cui tinhv, tsênhv zos tsôngv niêv txir lax pêx xênhv tsưr ziv, siêz xar njôngr. Têx li heik sâuv tưz tâu cui tinhv, chênhr zos qơư chiê pêx xênhv xeir tsov, ntâuk grê thiêz muôz cêr njênhs njôngr trâu lênhx nênhs tsiv nhos, lês uô tâu jông hâux lưv viv pêx xênhv./.

Vừ Chu-Riê Lâux cxeik, nhênhv