Tuz lênhv Pênhz phax đros đrêiv cử tri nhoz thax tsav ntus đriv

Yax kriê chủ trương, tsênhv chêi, kriê trâu cử tri pâuz, lo bê ntơưr txos paz kho đuô têx qơư tso ntơưr… têx hâux lưv no puôr lênhx muôx chor chiến sĩ tuz lênhv Pênhz phax đros paz uô. Txix kror sưv jê, txơưx jênhv tưz paz trâu pox nhuôs tso siêz đuô, njênhs đuô thiêz shir phaz đuô tok txos hnuz kriz uô zuk kror qênhx công dân. Pos Đoàn Thị Xuyến, Tsar ban côngz xưv Mặt trận jok Tân Bảo, xar Bát Xát, tỉnh Lào Cai puz pâuz: “Pêz tưz sik côngv đros Zênhx Pênhz phax 257 muk trâu yênhx ziv chuôz zis chiê yax kriê, hêik pêx xênhv thiêz hâur chor jiês cơưv jêx jok chiê hêik pêx xênhv tuôx tso ntơưr bâux. Pêx xênhv lok six shir phaz, tok njôngr txos hnuz 15/3 chiê tuôx bâux xêir”.

Ntu uô ntêx bâux xêir, thax tsav ntus đriv tsik so muôx yưv têx phiv liv lok ngaz tuk. Đros qênhx shênhx co, Zênhx Pênhz phax Bát Xát, tỉnh Lào Cai tưz kriz uô tsưr ziv sik côngv sik thav truôx jông đros chor lưx lươngv ntơưv qơư, chuôz cxaz qênhz yuôx, sêiz car jông chor cêr zâu muk lok đhâu ntus đriv, chiê paz ngaz tuk tâu jông trâu thâuv uô ntêx, hâur thiêz đhâu hnuz bâux xêir. Trung tá Đinh Quang Chính, Zênhx tsar Zênhx Pênhz phax Bát Xát puz pâuz: “Pêz muôx tsưr ziv uô cov paz ngaz tuk, tuôr truôx tâu qênhx shênhx thax tsav chiê phax tar chor nênhs fêv liv zôngv bâux xêir hêik thiêz uô têx kror tsik jông. Yênhx lênhx nênhs tưz tâu phêiz côngz chiê sêiz shuôk jông yênhx thax tsav cov tuôr truôx tâu ngaz tuk jông tiv zix”.

Sâuv thax tsav ntus đriv Lào Cai, txix têx tôv, qơư sêiz jor hâur têx har jôngr txos chor jêx jok nhoz đêz, chor tuz lênhv pênhz phax cux tsik so, sir jos chox têx xor mông bâux xêir muk hêik kriê trâu tsôngv box pâuz txix têx suôz luk uô jông hêik kriê, sưv jê, txix lênhx canr bôv nhoz ntus đriv li txơưx jênhv cov paz trâu pox nhuôs sơưr đơưk pâuz tâu jông đuô. Đại tá Nguyễn Văn Tuấn, Phưv Chinhr ủy Ban Chỉ huy Bôv đôiv Pênhz phax tỉnh Lào Cai hêik: “Lơưr tsưr ziv muk yax kriê txos ciês trâu yênhx chuôz zis, ciês trâu yênhx lênhx nênhs, pêz sir jos paz trâu cử tri pâuz tâu zuk qênhx, txơưx jênhv thiêz jênhv vưv hâur jiês bâux xeir no. Thôngz đhâu côngz xưv yax kriê pêz cux pâuz tâu qênhx shênhx thiêz yax kriê trâu pêx xênhv pâuz tâu thiêz phax tar jông chor nênhs fêv têx tsưr ziv nziêk đas. Lưx lươngv Pênhz phax Lào Cai zuôr sir jos uô cov tiêr jông têx jênhv vưv chiê jiês bâux xêir tâu uô tiêr jông, ngaz tuk, cov tas nro 100% chor cử tri nhoz ntus đriv tuôx tso ntơưr bâux cxix cxuô, huv cui tênhv”.

Chor tuz lênhx Pênhz phax muôx nhoz têx jêx jok nhoz đêz tưz paz trâu chor cử tri pâuz tâu têx xor mông chiê uô tâu jông zuk kror qênhx uô tsưr. Thâuv ntơưr bâux tâu tso txix siêz xar, vav njôngr thiêz txơưx jênhv cux zos hâux lưv sik côngv đros pêx xênhv nhoz ntus đriv tror tâu uô truôx jông, paz trâu thax tsav ntus đriv têz qơưk tâu tuôr truôx, huôv tsar thiêz ngaz tuk./.

TTTB-Lik Thox cxêik nhênhv

Bâux xeir-Pêx xênhv vax huôv thiêz hâux lưv zov chênhr

Vax huôv bâux xeir zos chei zov chênhr tâu Hiến pháp sâu jênhv. Taz sik têx chei, vax huôv co tâu reik đros trâu hâux lưv uô. Thôngz đhâu zuk đeiv ntơưr bâux xeir, pêx xênhv tâu buôk ti paz xeir tsov têx lênhx nênhs lês uô hâux lưv têz qơưk, xeir têx lênhx hlôngr njêx muôs trâu zuk xa têx tsưr ziv, siêz xar txos trâu chor hloz thênhv siêz, uô hâux lưv viv têz qơưk, viv tsôngv lax pêx xênhv. Chênhr zos li heik co, cxaz chuôz bâux xeir tsi tiêk zos vax huôv, tsênhv zos hâux lưv paz cxiv tsa thiêz tsưx phưv têz qơưk hâur ntu zuôr txos.

Hâur ntu nhiv no, cxiv tsa, uô tiêr cxuô luôs hâux lưv cxiv tsa, tsưx phưv têz qơưk Việt Nam tâu sir jos fuô uô truôx jông. Chor nênhs lês uô hâux lưv têz qơưk tâu phênhz, zok hâux lưv tsênhv tsênhz trơưk tsưr ziv txo grêk tsơưs nênhs uô nuv chiê uô tâu jông cxuô luôs hâux lưv zok muôz; têz qơưk jux juk hlôngr yiêz, huôv tsar truôx; cxix luôs chei têz qơưk tror tâu uô tiêr jông đuô.

Lok sâuv cxaz nzir tsênhv njiêz “qênhz shuôs vax huôv” tso trâu cui tinhv tsưr tsix, lês uô têx hâux lưv têz qơưk zos lok six zov chênhr, taz por têx hâux lưv têz qơưk tas nro viv pêx xênhv.

Ntâu chei zov chênhr li: Chei zuôr pêx xênhv ziv chênhv, chei buôk ti xor mông, Chei siz pênhr cov đros trâu têx chei kho đuô, cxaz nzir lok tsưr tsix hâu nov ntơưv qơư thiêz bâux xeir tưz tâu uô tsênhz mênhx, ziv hnuz ziv huv đros pêx xênhv tsưr ziv, siêz xar.

Đảng ntâuz ntơưr Đại hội 14 tror khav tinhv: “Cxiv tsa, uô tiêr cxuô luôs hâux lưv cxiv tsa, tsưx phưv têz qơưk Việt Nam, viv pêx xênhv zos Đảng Cộng sản Việt Nam chox cêr zos hâux lưv chênhr hâur hlôngr yiêz cxix luôs chính trị; thâuv tưs tưz tsuv moz siêz txos hâux lưv cxiv tsa, kho đuo Đảng thiêz cxix luôs chính trị hur jông, truôx tuk; cxiv tsa têz qơưk huôv tsar, truôx njês; muôx cxix luôs chei truôx jông, tâu uô đrux ntov; taz por thiêz por hưv cxuô lênhx cxuô tus muôx chei, vax huôv siz luôs”.

Hâur ntu co, bâux xeir tsi tiêk zos têz qơưk xor xưv chính trị zov chênhr, tsênhv zos six hơưv chiê tsôngv pêx xênhv pâuz tsênhz txos zuk hâux lưv, vax huôv, njênhs njôngr thiêz sir jos huôv tsar. Iz đeiv ntơưr bâux xeir zos muôz cêr njênhs njôngr, chiê siêz zuôr bâux xeir tâu têx lênhx đại biểu tsiv nhos, moz siêz lês uô jông hâux lưv viv têz qơưk, viv tsôngv lax pêx xênhv, paz cxiv tsa têz qơưk ziv hnuz ziv huôv tsar truôx, hlôngr yiêz.

Uô jông chei, vax huôv thiêz hâux lưv bâux xeir, chênhr zos iz kro jông chiê khav tinhv pêx xênhv uô tsưr, cxiv kho têz qơưk Việt Nam thiêz tror cxơưz têz qơưk ziv hnuz ziv huôv tsar truôx hâur ntu zuôr txos./.

Bích Thủy-Riê Lâux cxeik, nhênhv