Luz nênhx hlôngr yiêz nhoz tox siêz Điện Biên

Tas cik sơưr nzor tsênhv muôx lưs sav sâuv têx đrox đras liêx Mường Thanh, zơưv Hoàng Văn Khầu chuôz zis luz tsêr yiêz vor vuôk njuôz đros trâu cxiv puôz têx foz nja truôx khor ziv uô cxuô zav chuôs li yiêz jông đuô. Tsi tsơưs lênhx pâuz tiêk, kuôk no iz shông, thax tsav co tsuôk zos vax tsêr đaz tuôs, kâus kêz jik, cheix ntux no mak yâu chuô, lok nas lok nas ntuz, yar tuôx lok yar cuz, chuôz zis nox nhoz tưz tsi tso siêz hlo. Cheix ntux yiêz shông no tưz tsi thôngx li cxiê shông, muôx tênhz tơưk pov cêr cax lus hâur tsêr yiêz, uô trâu sơưr đơưk muôx nzir cêr shir phaz, sor siêz. Zơưv Hoàng Văn Khầu heik: “Thâuv ntêx cur luz tsêr mê grêiv hênhr, tsuôk zos tsêr fênhz suôz xưz tưz tsi zos tsêr nhoz, thâuv tưs muôx nas chuô lox mak nyei cơưk. Nhiv no tâu Đảng, têz qơưk paz uô tsêr yiêz, cur uô tsâus lok six ntâu. Nhiv no muôx vax tsêr truôx khor nhoz, tso siêz lơưv”.

Tsi tiêk zơưv Khầu chuôz zis, shông 2025, tỉnh Điện Biên tưz hu zâuv sơưr đơưk siz chos paz tâu 370 tyv đeiv chiê cxiv uô yiêz, kho đuô 8 cxênhz ntâu luz tsêr nhoz trâu têx chuôz zis pluôs, chuôz zis muôx côngz têz qơưk thiêz têx chuôz zis txov nhêv. 8 cxênhz luz tsêr yiêz, cux zos bâuv li co qơư nhoz truôx tâu cxiv uô  ntơưv thax tsav ntus đriv, viv ntơư zuôr zos qơư khov paz têx chuôz zis pêx xênhv txo grêk cêr pluôs truôx.

Ntơưv jok Pàng Dề B, xã Sáng Nhè, tix lâus Por Xênhv Shôngx chuôz zis cux  tok nox tsiêz xuz thơưx hâur luz tsêr yiêz sor si. Tix lâus Por shir phaz heik: “Đảng, têz qơưk lok six moz siêz paz max chiê chuôz zis uô tâu tsêr truôx khor nhoz uô ntêx tsiêz. Thâuv zuôr uô tsêr mak hâu nov xã, cxuô ban ngênhx hâur jok thiêz tsôngv box cux moz siêz paz lok six ntâu li: Đros cưr shôngz ntông uô tsêr. Hâur jok, tsôngv niêv txir cưr tix nênhx tsa sơưr đơưk muôx cêr sik thôngx siêz jông, siz hluz siz paz. Muôx tsêr truôx khor nhoz lơưv, chuôz zis zuôr tso siêz huôv tsar uô nox uô hnar”.

Đhâu coz nas chuô lox shông 2025, ntâu xã tox siêz li: Xaz Zôngz, Mường Luân, Na Son, Tiêx Njênhx.....hâur tỉnh Điện Biên trâus uô ruôr hiêv hnhar. Yênhx puô luz tsêr trâus xưz poz, puôk tsuôx tas, ntâu chuôz zis uô nênhx nhoz txov nhêv njuôr. Uô lơưr Thủ tướng Chính phủ thiêz Bộ Côx phax chox kriê, Quân khu 2 tưz đros tỉnh Điện Biên fuô uô tsaz yênhx đros paz cxiv kho têx tsi jông, trâus puôk tsuôx tiv nas chuô uô.

Đại tá Nguyễn Nam Lưu, Tsar phongx Côngz xưv, Cục Chính trị Quân khu 2 heik pâuz: Tsi tiêk paz cxiv uô đuô têx vax tsêr, chor tuz lênhv Quân khu 2 tsênhv hux jos đros uô iz cxiê hâux lưv li: Cheix ntux yiêz sik thôngx siêz-tuz lênhv thiêz pêx xênhv muôx tsiêz sor si, muôz huv tsiêz puz trâu têx chuôz zis pluôs, chuôz zis txov nhêv; muôz học bổng trâu shux xênhz sir jos hla đhâu phiv liv hâur cêr cơưv txux; sik đros krưr nduôr nzâuv puôz, nthuôr uô têx txux chi cêr lov jêv....chiê tsôngv box thax tsav trâus nas chuô uô ruôr hiêv shir phaz tok shông yiêz: “Na Son zos thax tsav tox siêz đêz đrôngs thiêz lok six txov nhêv, lar heik zos trâus coz nas chuô lox shông 2025 uô ruôr hiêv hnhar. Chênhr viv li co, Cục Chính trị quân khu 2 tưz nhênhz chơưv trâu Đảng ủy Bộ Tư lệnh quân khu hux jos đros cấp ủy hâu nov tỉnh Điện Biên chiê fuô uô tsaz yênhx paz pêx xênhv, txoz cxơưx trâu sơưr đơưk muôx tsiêz nox sor si, shir phaz, zos đreiv li Đảng tsưr ziv kriê: Cxuô chuôz zis, cxuô lênhx cxuô tus puôr lênhx muôx tsiêz nox”.

Shông yiêz tâu qir txix têx luz tsêr truôx khor, suôv qơư mak thax tsav tox siêz tsênhv sir jos hlôngr yiêz hâur ntu têz qơưk huôv tsar./.

Vũ Lợi-Riê Lâux cxeik, nhênhv

Sir jos chơưv paz txox siê trâu nênhs moz

Suôz mêir liv đror tsik so ntơưv Qơư liv trâuv, Tsênhv qơư Y têr thax tsav Bảo Yên nhiv no zos kror shir phaz jông.

Taz sik chiê uô tâu li no, ntơưv no tưz muôx yưv chor hnuz tsuv sir jos, njiz ntâu phiv liv thâuv luz nênhx tưz tsik zos muôx moz gênhs, mak tsênhv trâus ntux nas chuô uô ruôr hiêv thiêz.

Hli 9/2024, Chuô Yagi lok txos thiêz Làng Nủ trâus uô ruôr hiêv. Tsêr kho moz trâus cêv kuôk, yôngx 1 trâus đêx, cuô ar cxuz thiêz ngaz tas, tsik muôx đêx thiêz tênhv tênhz.

Chor cưk yuôx njiz ntâu kror phiv liv li: Cê chơưv paz chor nênhs trâus ntux nas chuô, ar poz uô trâus saz, cê cxơưx trâu yênhx châuv lênhx nênhs moz tsênhv liv trâuv. Bác sĩ Nguyễn Xuân Vĩ, sêiz car Khoa tror ndo txos: “Cxơưx tiv zix cux zos chor nênhs moz li đas jos. Hâur jiês ntux nas chuô, đêx ngaz cuôr lịch sử thâuv hli 9 shông 2024, tsêr kho moz, tiv zix zos khoa kho moz trâuv njiz phiv liv ntâu đuô hur si, chor nênhs moz mak puôr lênhx txov nhêv, hok têx mêir mak tsuv yêv muk trâu têx qơưk txơưr đuô, pêz cux tưz sir jos đơưk kho thiêz tsuôk đhâu iz ciêz xưz tưz tror uô tâu têx hâux lưv”.

Hla đhâu têx phiv liv, cxiv luôs y têr Bảo Yên tưz txơưr lok six ntâu. Txix tsêr kho moz huyện, nhiv no taz viv hlôngr yênhx Tsênhv qơư Y têr thax tsav.

Kror hlôngr yiêz ntâu tiv zix zos kriz uô tâu têx tsưr ziv yiêz chiê paz chơưv kho ciês trâu chor nênhs moz ciês ntơưv qơư trâus ntux nas chuô uô ruôr hiêv. Bác sĩ CK 1 Ngô Văn Hoàng, Phưv Giám đốc Tsênhv qơư khav tênhv: “Ntu nhiv kruôr đhâu, Tsênhv qơư cux tâu yưv pênhr zuôr têx chuôz zênhx, nênhs moz tâu chơưv kho txix têx dịch vụ kỹ thuật yiêz jông mak tsik thav yêv muk kho trâu chor tsêr kho moz thênhv siêz. Iz zav li njuôk shuôk moz trưx phax, liv trâuv… Đros co, đhâu chiê lok uô cê, Tsênhv qơư Y têr thax tsav Bảo Yên cux zos taz viv paz ciês hâux lưv trâu chor trạm y têr sâuv thax tsav”.

Chor chuôz zênhx txơưv tiêk yiêz jông lok cux tsuv muôx chor bác sĩ txâuk txux chi, sir jos uô hâux lưv thiêx zuôr paz tâu trâu chor nênhs moz. Đros nênhs moz liv trâuv Hoàng Văn Tới (xar Nghĩa Đô), têx sir jos co zos kror yuôx paz tâu jông tiv zix: “Thâuv ntêx cur kho moz pêv Lào Cai, nhiv no yêv lok ntơưv no, chor cưk yuôx lok six sir jos paz, txoz cxơưx trâu chor nênhs moz, nhiv no cux nhar khênhr mê njil lơưv, uô tsâus chor cưk yuôx ntâu hênhr”.

“Nênhs moz liv trâuv phênhv ntâu zos chor chuôz zis txov nhêv, tsêr nhoz đêz, chiê liv nyar iz ciêz 3 jiês cux njiz lok six ntâu phiv liv. Sơưr đơưk hâur khoa zênhx xav jênhv sêiz chor nênhs moz zos chor nênhs cxênhz jê, tsuv siz đros đrêiv cov tas luz nênhx. Đros zuk txơưx jênhv, pêz zuôr sir jos cov paz txo grêk tsơưs kror moz, têx phiv liv trâu chor nênhs moz thiêz chuôz zis”.

Txix chor nênhs nhoz Làng Nủ tâu paz đhâu trâus ntux nas chuô uô ruôr hiêv, txos chor nênhs moz tsuv liv trâuv tâu paz, chơưv kho đhâu muôx ntux nas chuô, ntơưv Bảo Yên, luz nênhx cux tsênhv shir phaz thâuv muôx chor cưk yuôx sir jos chơưv paz thiêz chơưv kho trâu chor nênhs moz, chor nênhs trâus saz./.

An Kiên-Lik Thox cxêik nhênhv