Pha Long-Qơư truôx thiêz cêr sor siêz nhoz ntus đriv

Pha Long hâur têx hnuz no xưk li muox ntâu tsar zav jông thiêz yiêz đuô. Yênhx cxênhz lênhx pêx xênhv txix 35 jok nhoz đêz tưz siz zâuv tuôx đros côngv tsaz yênhx lov jêv “cheix ntux yiêz Pênhz phax uô pêx xênhv muôx cêr sor siêz”. Tuz lênhv thiêz pêx xênhv cêr thôngx siêz co chuôs li uô cheix ntux no nhoz tox siêz sor si đuô. Tix lâus Vưx Xênhv Zax, nhoz xã Pha Long heik: “Pêz lok six jông siêz, shir phaz thâuv muôx đoanx siêz jông tuôx muôz huv puz trâu pêx xênhv, chiê cxuô lênhx cxuô tus puôr lênhx muôx tsiêz nox, pêz uô tsâus lok six ntâu thiêz zuôr sir jos khưr huôv tsar uô nox”.

Tix lâus Vưx cêr shir phaz cux zos 14 cxênhz ntâu lênhx pêx xênhv Pha Long cêr jông siêz đros. Tỉnh Lào Cai xav tinhv: Xar cov pêx xênhv nhoz truôx têz qơưk, tsuv huôv tsar uô nox truôx thiêz muôx luz nênhx tsâu sor. Co zos qir tiv têx têz yuôx zêx Shan tuyết, vax txir juôx VH6 tsênhv hloz lox jông njuôz vor têx têz por tox đo, hlôngr trâu tsoz poz cưk uô tâu lok tsi jông, tsi lâuv têz ntơư, paz txo grêk tsơưs têx chuôz zis pluôs. Yuôr ntơưv têx jok nhoz đêz, tsêr cơưv hâur jêx jok cux tsênhv tâu sir jos cxiv tsa chiê uô tiêr uô ntêx cheix ntux nas chuô.

Ntơưv tsêr cơưv cxênhx nhuôs zâu Xà Khái Tủng-iz hâur 6 côngz trênhx zos Tuz lênhv Pênhz phax uô tsưr yưv pênhr uô, tsênhv jux juk uô tiêr chiê têx shux xênhz muôx truôx khor nhoz cơưv ntơưr. Seiz pov luz tsêr cơưv yiêz tsênhv jux juk cxiv uô zuôr tiêr, cưk kriê ntơưr Nguyễn Thanh Mai heik pâuz: “Pêz shir phaz hênhr! Txix ciês thâuv tâu hnor tiêk, zuôr cxiv uô luz tsêr cơưv yiêz no mak pêz chor cưk kriê ntơưr lok six shir phaz hênhr. Shux xênhz niêv txir heik, zos tiêk muôz luz tsêr cơưv no đros trâu luz pêv mak đêz hênhr, zuôr tok xa tsi tâu mê nhuôv muk lol cơưv txux chi, taz sik nhiv no tsêr cơưv yiêz cxiv uô trâu ntơưv no lok six zôngx ziv muk lol thiêz hur si, tsi tas li cux muôx nzir têx chuôz zênhx phưx vưv kriê thiêz cơưv ntơưr cxix cxuô trâu cưk kriê ntơưr, têx mê nhuôv”.

Thâuv luz nênhx tsâu sor, thâuv cxuô lênhx cxuô tus mê tuz mê nhuôv tâu cơưv ntâuz cơưv ntơưr cxix cxuô, mak tsôngv pêx xênhv sơưr đơưk zuôr moz siêz đros tsưx phưv têz qơưk, siz hluz siz paz, sik tưr huôv tsar uô nox chiê cxơưz luz nênhx vav mênhx. Tsôngv pêx xênhv Pha Long tsi tiêk seiz ntus đriv zos đriv têz, tsênhv zos sơưr đơưk luz tsêr, qơư nhoz tsuv sik đros tsưx phưv truôx jông. Niêv lâul Long Thanh Tươi, heir nênhs Nùng nhoz jok Pha Long 1 heik lol zuk hâux lưv li no: “Tsưx phưv ntus đriv, ndêx cxok kuôk cêv đriv têz hâur zuk thax tsav qơư cê zos hâux lưv zov chênhr, cê zos cêr thôngx siêz jông đros tsôngv niêv txir lax pêx xênhv txix thâuv nzor lok, iz tiêv đhâu iz tiêv”.

Đại tá Nguyễn Văn Tuấn, Phưv Chính ủy, Ban seiz car Tuz lênhv Pênhz phax tỉnh Lào Cai khav tinhv, zuôr sir jos uô jông têx hâux lưv zok muôz hâur ntu zuôr txos: “Trơưk li Tổng Bí thư Tô Lâm tsưr ziv, siêz xar, tsuv sir jos uô jông cxuô luôs hâux lưv, Đảng ủy, Ban seiz car tuz lênhv Pênhz phax thâuv tưs tưz xav tinhv têx hâux lưv, nuv uô tsênhv tsênhz jông trâu pêx xênhv nhoz ntus đriv. Iz chas co, tuz lênhv pênhz phax zuôr tror phênhz côngz đảng viên muk xênhz huôx ntơưv têx chi bộ jok nhoz jê ntus đriv, phênhz côngz đảng viên paz chuôz zis, paz pêx xênhv huôv tsar uô nox, truôx tuk luz nênhx, uô bluô nux sâuv chênhr zuk thax tsav qơư nhoz”.

Thâuv Đảng tsưr ziv fuô uô huv đros trâu pêx xênhv; thâuv têx lênhx pêx xênhv zos qơư truôx tsưx phưv ntus đriv mak đriv têz, têz qơưk zuôr truôx tuk thiêz huôv tsar jông./.

An Kiên-Riê Lâux cxeik, nhênhv