Cheix ntux yiêz sâuv txox cêr muk chênhr Hòa Bình-Mộc Châu

           Cêr muk chênhr Hòa Bình-Mộc Châu tâu krêz côngz cxiv uô hâur ntu 2024-2025, xav hur si ntêr 85 cêik, muk đhâu 2 tỉnh Hòa Bình (kuz), nhiv no zos Phú Thọ thiêz Sơn La; hâur co, ntu đhâu thax tsav tỉnh Sơn La ntêr 32 cêik ntâu. Co zos dưv anr zoz thôngz lok six zov chênhr muk lol txix Tây Bắc trâu Hà nội thiêz thax tsav tiêx đras Bắc Bộ.

          Thâuv uô tiêr, txox cêr co zuôr txuôk cêr muk chênhr Hòa Lạc-Hòa Bình, jux juk yênhx cêr chênhr muk lol txix Hòa Bình-Sơn La-Điện Biên, txo grêk tsơưs yêz muk lol ntâu hênhr sâuv txox cêr lox, krêz đar qơư huôv tsar yiêz trâu kruô muk lol ndis shuôs têz qơưk uô si, muôv muôs thiêz logistics thax tsav Tây Bắc. Zơưv Nguyễn Minh Tiến, Phưv Chủ tịch Ủy ban tỉnh Sơn La heik pâuz: “Txox cêr muk chênhr Hòa Bình-Mộc Châu ntu đhâu tỉnh Sơn La zos dự án zov chênhr têz qơưk, tâu Chính phủ thiêz Ban thường vụ Tỉnh ủy Sơn La moz siêz chox kriê fuô uô. Tỉnh Sơn La Ban chox kriê cxiv uô cêr muk chênhr Hòa Bình-Mộc Châu tưz tsi so cơưv giao ban hâur yênhx ciêz, yênhx hli chiê chox kriê cxuô taz viv cxiv tsa fuô uô trơưk hâux lưv tso tơưv, uô tiêr uô ntêx lok shông 2028”.

          Hâur têx hnuz đhâu, sâuv côngz trênhx, cxuô qơư cxiv uô cêr puôr lênhx uô hâux lưv tsi so hlo. Tix lâus Trịnh Ngọc Vĩnh, Phưv Giám đốc Ban seiz car dưv anr, Công ty cxiv tsa côngz trênhx Bắc Trung Nam-taz viv  cxiv tsa côngz trênhx heik pâuz, huôk njôngr têx hnuz yar jông, cxuô taz viv uô cêr puôr lênhx tưz pheiz uô ntâu paz sik hlôngr njo uô chiê uô tiêr tâu sei têx hâux lưv zok muôz. “Ngênhx zoz thôngz heik cxuô, pêz heik taz, hâux lưv cxiv uô cxuô côngz trênhx zoz thôngz puôr lênhx tsuv đêz vax tsêr. Txơưv sơưr đơưk puôr lênhx lok six ndo tsêr, lar heik zos thâuv tsiêz li no, taz sik viv hâux lưv, pêz cux sir jos chiê uô tiêr tâu têx hâux lưv zok muôz, mav muk tsêr đros chuôz zis nox tsiêz”.

          Huyện Vân Hồ (kuz”, tỉnh Sơn La, nhiv no zos chor xã Vân Hồ, Tô Múa, tỉnh Sơn La muôx 400 ntâu chuôz zis trâus ruôr hiêv txos viv zuôr qơư uô cêr muk lol; hâur ntơư 100 chuôz zis trâus sâu ar nhoz tsuv yêik txar muk nhoz trâu 4 thax tsav qơư zos dưv anr cxiv tsa. Zơưv Phạm Thanh Hải, Phưv Chủ tịch Ủy ban xã Vân Hồ heik pâuz, hâur ntu fuô uô luôs hâux lưv zuôr qơư phưx vưv uô dưv anr, cấp ủy, hâu nov xã tưz bax thiêz sir jos sik côngv têk, fuô uô ntâu faz tsưr ziv chiê uô tâu trơưk cui tinhv. “Txos tas hli 1/2026, hâur thax tsav 2 xã Vân Hồ, Tô Múa tưz choz zok tâu 28 ntâu hâur 33 cêik ntâu ar uô cêr, phênhv ntâu tâu trơưk li hâux lưv tso tơưv, muôz jông six hơưv chiê chor nênhs yưv pênhr uô hu zâuv lênhx nênhs, chuôz zênhx, meir uz no cxiv uô cêr muk lol. Pêz vav chiê siêz đhâu thâuv uô tiêr txox cêr muk chênhr no zuôr muôz qơư chuôz jos chiê kinh tế, xã hội hâur thax tsav huôv tsar”.

          Tsi tiêk hâu nov ntơưv qơư thiêz doanh nghiệp, tsôngv pêx xênhv nhoz jê 2 saz ntus cêr muk chênhr cux chiê siêz ntâu trâu côngz trênhx no. Niêv lâul Vì Thị Lý, nhoz jok Páng, xã Tô Múa shir phaz heik: “Thâuv ntêx cêr mê grêiv, muk lol phiv liv. Nhiv no muôx cêr muk chênhr, tsôngv pêx xênhv jông siêz, shir phaz cơưk. Xar cov têz qơưk uô tiêr  sei txox cêr muk chênhr no chiê pêx xênhv zôngx ziv muk lol huôv tsar uô nox, zuôr muôs hax huv đuô”.

            Nhiv no, cxuô thax tsav qơư tsênhv nhênhz chơưv krêz uô lox đar thiêz jông đuô txox cêr heik sâuv chiê tsôngv pêx xênhv hâur thax tsav zôngx ziv muk lol huôv tsar uô nox, zuôr muôs hax huv./.

Thu Thùy-Riê Lâux cxeik, nhênhv

Têx lênhx nênhs siêz jông hâur txuz yêz gox đêx trâus nzênhr sâuv pas đêx Thác Bà (Lào Cai)

        Tsâus ntux hnuz 21/2, sâuv chuôz zis li luz tsêr lav uô sâuv niêv pas đêx Thác Bà, tix lâuk Hà Ngọc Sơn nhoz jos Trung Sơn, xã Bảo Ái, tỉnh Lào Cai hnor yêz gox đêx siz đrâu lox, tix lâuk tưz zênhx max nriêr tênhz thiêz tsar yêz gox đêx meir muk seiz shuôk. Tuôx zuôr txos qơư, tix lâuk hnor suôz lênhx nênhs hu paz max, thâuv tuôx txos ntơưv qơư tix lâuk thiêx li pov sâuv pas đêx muôx ntâu lênhx nênhs thiêz chuôz zênhx trâus pôngz tas trâu sâuv niêv pas đêx.

          Thâuv chơưv paz tâu 6 lênhx nênhs viv yêz gox đêx zâu viv li thâux tsi tâu ntâu lênhx, tix lâuk Sơn tsuv chox têx lênhx nênhs co lok sâuv ntus đêx, thôngx cxix hu trâu chính quyênx tiv phaz, heik lênhx nênhs pov trâu Công an xã uô ntêx thâuv tror muk nriêr thiêz chơưv paz têx lênhx nênhs trâus nanv tsênhv yuôr. Taz sik, nriêr tsi tâu, tix lâuk tsuôk pâuz cêv kuôk thax tsav qơư chiê paz lưx lươngv chơưv paz xav tênhv tâu qơư trâus txiêz nanv.

          Hâur hmo 21 thiêz 22/2, tix lâuk Sơn tror sir jos đros têx lưx lươngv nriêr lênhx nênhs trâus plox mông. Chênhr muôx têx lênhx nênhs li tix lâuk SƠn paz lưx lươngv muôx txơưx jênhv mak thiêx nzor nriêr tâu 6 lênhx nênhs trâus nanv hâur txuz txiêz nanv yêz gox đêx: “Tsênhv tsênhz mak thâuv co pov 7-8 lênhx nênhs trâus pôngz hâur đêx, muôx têx lênhx mak txơưx luôv đêx, muôx têx lênhx tsi txơưx, thâuv co tsi pâuz uô tul tsi thiêz, tsuôk xar tiêk txix zuk li chênhz zênhv muk đêx, sir jos chơưv paz tâu 6 lênhx nênhs. Taz sik yêz gox đêx zâu paz tsi tas. Cur tsi pâuz uô li chas thiêz chơưv paz tsi tâu cxaz 1-2 lênhx thiêz”.

          Cux hâur ntu co, tix lâuk Lương Mạnh Đức, xênhz shông 1995 nhoz jos Hồng Bàng, xã Yên Bình, tỉnh Lào Cai tsênhv tsar yêz gox đêx muk nox Tsiêz. Tix lâuk li yêz gox đêx muk jê luz yêz gox đêx thâux kruô, thâuv 2 luz yêz siz đrâu, tix lâuk Đức tưz ciêr chênhr đhiê trâu hâur đêx chơưv paz tâu 4 lênhx nênhs.

          Tix lâuk Đức puz pâuz: Hâur têx lênhx nênhs trâus nanv, nênhs txơưx luôv đêx thiêz tsi txơưx mak cux tsi pâuz thiêz, tix lâuk đros tix Sơn thiêz têx lênhx nhân viên sâuv yêz gox đêx tưz lok six sir jos chơưv paz lênhx nênhs: “Cur xar mak thâuv co tsuv uô li chas chiê paz chơưv tâu lênhx nênhs, chơưv tâu lênhx tưs mak cur heik fôngx zưs hu tênhv pov trâu lơưr chuôz zis, thiêz chox lơưr muk chơưv kho”.

          Tix lâuk Hà Ngọc Sơn thiêz Lương Văn Đức li têx hâux lưv uô co zos têx luôk hâux lưv uô jông, paz max lok six ntâu trâu têx lênhx nênhs trâus nav hâur txuz txiêz nanv yêz gox đêx zov chênhr sâuv niêv pas đêx Thác Bà, tỉnh Lào Cai./.

Đinh Tuấn-Txâur Vax cxeik nhênhv