Luz nênhx hlôngr yiêz nhoz tox siêz Điện Biên

Tas cik sơưr nzor tsênhv muôx lưs sav sâuv têx đrox đras liêx Mường Thanh, zơưv Hoàng Văn Khầu chuôz zis luz tsêr yiêz vor vuôk njuôz đros trâu cxiv puôz têx foz nja truôx khor ziv uô cxuô zav chuôs li yiêz jông đuô. Tsi tsơưs lênhx pâuz tiêk, kuôk no iz shông, thax tsav co tsuôk zos vax tsêr đaz tuôs, kâus kêz jik, cheix ntux no mak yâu chuô, lok nas lok nas ntuz, yar tuôx lok yar cuz, chuôz zis nox nhoz tưz tsi tso siêz hlo. Cheix ntux yiêz shông no tưz tsi thôngx li cxiê shông, muôx tênhz tơưk pov cêr cax lus hâur tsêr yiêz, uô trâu sơưr đơưk muôx nzir cêr shir phaz, sor siêz. Zơưv Hoàng Văn Khầu heik: “Thâuv ntêx cur luz tsêr mê grêiv hênhr, tsuôk zos tsêr fênhz suôz xưz tưz tsi zos tsêr nhoz, thâuv tưs muôx nas chuô lox mak nyei cơưk. Nhiv no tâu Đảng, têz qơưk paz uô tsêr yiêz, cur uô tsâus lok six ntâu. Nhiv no muôx vax tsêr truôx khor nhoz, tso siêz lơưv”.

Tsi tiêk zơưv Khầu chuôz zis, shông 2025, tỉnh Điện Biên tưz hu zâuv sơưr đơưk siz chos paz tâu 370 tyv đeiv chiê cxiv uô yiêz, kho đuô 8 cxênhz ntâu luz tsêr nhoz trâu têx chuôz zis pluôs, chuôz zis muôx côngz têz qơưk thiêz têx chuôz zis txov nhêv. 8 cxênhz luz tsêr yiêz, cux zos bâuv li co qơư nhoz truôx tâu cxiv uô  ntơưv thax tsav ntus đriv, viv ntơư zuôr zos qơư khov paz têx chuôz zis pêx xênhv txo grêk cêr pluôs truôx.

Ntơưv jok Pàng Dề B, xã Sáng Nhè, tix lâus Por Xênhv Shôngx chuôz zis cux  tok nox tsiêz xuz thơưx hâur luz tsêr yiêz sor si. Tix lâus Por shir phaz heik: “Đảng, têz qơưk lok six moz siêz paz max chiê chuôz zis uô tâu tsêr truôx khor nhoz uô ntêx tsiêz. Thâuv zuôr uô tsêr mak hâu nov xã, cxuô ban ngênhx hâur jok thiêz tsôngv box cux moz siêz paz lok six ntâu li: Đros cưr shôngz ntông uô tsêr. Hâur jok, tsôngv niêv txir cưr tix nênhx tsa sơưr đơưk muôx cêr sik thôngx siêz jông, siz hluz siz paz. Muôx tsêr truôx khor nhoz lơưv, chuôz zis zuôr tso siêz huôv tsar uô nox uô hnar”.

Đhâu coz nas chuô lox shông 2025, ntâu xã tox siêz li: Xaz Zôngz, Mường Luân, Na Son, Tiêx Njênhx.....hâur tỉnh Điện Biên trâus uô ruôr hiêv hnhar. Yênhx puô luz tsêr trâus xưz poz, puôk tsuôx tas, ntâu chuôz zis uô nênhx nhoz txov nhêv njuôr. Uô lơưr Thủ tướng Chính phủ thiêz Bộ Côx phax chox kriê, Quân khu 2 tưz đros tỉnh Điện Biên fuô uô tsaz yênhx đros paz cxiv kho têx tsi jông, trâus puôk tsuôx tiv nas chuô uô.

Đại tá Nguyễn Nam Lưu, Tsar phongx Côngz xưv, Cục Chính trị Quân khu 2 heik pâuz: Tsi tiêk paz cxiv uô đuô têx vax tsêr, chor tuz lênhv Quân khu 2 tsênhv hux jos đros uô iz cxiê hâux lưv li: Cheix ntux yiêz sik thôngx siêz-tuz lênhv thiêz pêx xênhv muôx tsiêz sor si, muôz huv tsiêz puz trâu têx chuôz zis pluôs, chuôz zis txov nhêv; muôz học bổng trâu shux xênhz sir jos hla đhâu phiv liv hâur cêr cơưv txux; sik đros krưr nduôr nzâuv puôz, nthuôr uô têx txux chi cêr lov jêv....chiê tsôngv box thax tsav trâus nas chuô uô ruôr hiêv shir phaz tok shông yiêz: “Na Son zos thax tsav tox siêz đêz đrôngs thiêz lok six txov nhêv, lar heik zos trâus coz nas chuô lox shông 2025 uô ruôr hiêv hnhar. Chênhr viv li co, Cục Chính trị quân khu 2 tưz nhênhz chơưv trâu Đảng ủy Bộ Tư lệnh quân khu hux jos đros cấp ủy hâu nov tỉnh Điện Biên chiê fuô uô tsaz yênhx paz pêx xênhv, txoz cxơưx trâu sơưr đơưk muôx tsiêz nox sor si, shir phaz, zos đreiv li Đảng tsưr ziv kriê: Cxuô chuôz zis, cxuô lênhx cxuô tus puôr lênhx muôx tsiêz nox”.

Shông yiêz tâu qir txix têx luz tsêr truôx khor, suôv qơư mak thax tsav tox siêz tsênhv sir jos hlôngr yiêz hâur ntu têz qơưk huôv tsar./.

Vũ Lợi-Riê Lâux cxeik, nhênhv

Côx hôiv thiêz Hôiv đồng li pưk txux, hâux lưv uô hâur cxiv luôs chinhr triv

1. Côx hôiv muôx pưk txux, hâux lưv uô li chak hâur cxiv luôs chinhr triv?

Hâur bôv mêir pêz têz qơưk, Côx hôiv zos Pêx xênhv luz cơ quan đại biểu siêz tiv zix, zos têz qơưk Cộng hòa xar hôiv chủ nghĩa Việt Nam luz cơ quan muôx vax huôv siêz tiv zix. Côx hôiv uô qênhx lập hiến, qênhx lập pháp, cuêz tênhv têz qơưk têx hâux lưv, vênhv thix zov chênhr thiêz sêiz kaz thênhv siêz trâu Têz qơưk têx hâux lưv, huôx tôngv.

Côx hôiv zos cơ quan têz qơưk muôx vax huôv siêz tiv zix viv lơưr Hiến pháp cui tênhv, nhoz pêz têz qơưk, tas nro qênhx zos Pêx xênhv li. Pêx xênhv zos nênhs tuôr tas nro vax huôv têz qơưk. Côx hôiv zos pêx xênhv bâux xêir, zos cơ quan têz qơưk siêz tiv zix kriz uô pêx xênhv vax huôv. Côx hôiv zos cơ quan muôx vax huôv têz qơưk siêz tiv zix tsênhv muôx nhoz Côx hôiv têx hâux lưv uô thiêz vax huôv. Lơưr Hiến pháp cui tênhv, Côx hôiv zos cơ quan kriz uô qênhx uô Hiến pháp thiêz kho đuô Hiên pháp, tso tơưv chêi thiêz kho đuô chêi. Txix kriz uô Hiến pháp thiêz kho đuô Hiến pháp.

Côx hôiv cui tênhv txos têz qơưk têx hâux lưv, vênhv thix zov chênhr tiv zix.

Côx hôiv zos cơ quan muôx vax huôv cuêz tênhv têz qơưk têx vênhv thix zov chênhr, co zos têx chủ trương lox, têx vênhv thix cik txos pêx xênhv luz nênhx, têx tsênhv chêi lok đối nội thiêz đối ngoại, jênhv vưv kinh têr-xar hôi, côx phax, ngaz tuk têz qơưk.

Côx hôiv uô qênhx sêiz kaz siêz tiv zix trâu têz qơưk têx hâux lưv, huôx tôngv.

Côx hôiv li têx hâux lưv, vax huôv thiêz jênhv vưv tâu cui tênhv cxuô nro nhoz têx hâux lưv: Lập hiến, lập pháp, sêiz kaz thênhv siêz thiêz cuêz tênhv têz qơưk têx hâux lưv, vênhv thix zov chênhr, chiê phưx vưv trâu tas nro pêx xênhv têx kror liv cxuô.

2. Hôiv đồng muôx pưk txux, hâux lưv uô li chak ntơưv thax tsav qơư?

Hôiv đồng zos cơ quan têz qơưk muôx vax huôv nhoz ntơưv thax tsav qơư, hlôngr njêx muôs trâu pêx xênhv li siêz xar, vav njôngr thiêz qênhx uô tsưr, zos Pêx xênhv ntơưv thax tsav qơư bâux xêir, muôx txơưx jênhv trâu Pêx xênhv ntơưv qơư thiêz cơ quan têz qơưk thênhv siêz.

Hôiv đồng cuêz tênhv têx hâux lưv, vênhv thix ntơưv thax tsav qơư trơưk chêi têz qơưk; sêiz kaz uô lơưr Hiến pháp thiêz chêi têz qơưk ntơưv thax tsav qơư thiêz uô lơưr Hôiv đồng li Nghị quyết.

Đaiv biểu Hôiv đồng zos nênhs hlôngr njêx muôs trâu pêx xênhv ntơưv thax tsav qơư hêik tơưv têx siêz xar, siêz vav njôngr; siz txuôk jông đros cử tri, tâu cử tri sêiz kaz, uô hâux lưv njiz, hêik trâu cử tri pâuz lok zuk thiêz hôiv đồng têx huôx tôngv, hâux lưv, têz cử tri têx ziv chênhv, siêz xar; sêiz shuôk, hêik kriz uô sêi thiêz đơưk kho hâux lưv siz pênhr, têx kror tsik jông. Đaiv biểu hôiv đồng muôx jênhv vưv hêik pêx xênhv uô trơưk Hiến pháp thiêz chêi têz qơưk, Nghị quyết Hôiv đồng, hêik pêx xênhv đros uô jông sêiz car têz qơưk. Đaiv biểu Hôiv đồng muôx vax huôv siz bâus hâur sêiz lax thiêz cuêz tênhv têx vênhv thix, hâux lưv nhoz hâur Hôiv đồng vax huôv thiêz jênhv vưv.

Đaiv biểu Hôiv đồng muôx txơưx jênhv cxaz chuôz dưv cxix cxuô chor jiês cơưv Hôiv đồng, cxaz chuôz sêiz lax thiêz biểu quyết têx vênhv thix, hâux lưv nhoz Hôiv đồng li qênhx thiêz vax huôv, jênhv vưv. Đaiv biểu Hôiv đồng cxaz chuôz cơưv tsik tâu mak tsuv hêik trâu Chủ tịch Hôiv đồng pâuz. Zos tiêk đaiv biểu Hôiv đồng tsik tuôx cơưv chor jiês cơưv tsik so hâur 1 shông tsik pâuz zos tiv li chak mak Thường trực Hôiv đồng tsuv hêik trâu Hôiv đồng pâuz chiê tso đaiv biểu hôiv đồng co so.

Đaiv biểu Hôiv đồng tsuv siz txuôk jông đros cử tri qơư zuk uô jênhv vưv đaiv biểu, tâu cử tri sêiz kaz, muôx txơưx jênhv sâu jênhv thiêz hêik pâuz cử tri têx ziv chênhv, siêz xar; por vêv cử tri têx qênhx liv huv chêi; uô jông hâux lưv njiz cử tri thiêz tsơưs tiv zix iz shông hêik trâu cử tri pâuz lok zuk thiêz Hôiv đồng qơư zuk zos đaiv biểu li têx hâux lưv, huôx tôngv, têz cử tri têx ziv chênhv.

Đhâu yênhx jiês cơưv Hôiv đồng, đaiv biểu Hôiv đồng muôx txơưx jênhv hêik trâu cử tri pâuz lok jiês cơưv, hêik trâu cử tri pâuz Hôiv đồng têx Nghị quyết thiêz đros pêx xênhv kriz uô jông têx Nghị quyết co.

Đaiv biểu Hôiv đồng muôx txơưx jênhv njiz pêx xênhv trơưk chêi têz qơưk têx cui tênhv. Thâuv txêik tâu pêx xênhv têx ntơưr pênhr, têx ziv chênhv, đaiv biểu Hôiv đồng tsuv nriêr pâuz, nzor xa txos trâu chor nênhs muôx vax huôv đơưk kho thiêz hêik trâu chor nênhs pênhr, muôx ziv chênhv pâuz; hêik thiêz sêiz kaz jông hâux lưv đơưk tu têx hâux lưv co./.

Bích Thủy-Lik Thox cxêik nhênhv