Ntux yiêz nhoz thax tsav ntus đriv

Nhoz sâuv thax tsav oz xar Xuân Nha thiêz Chiềng Sơn, tỉnh Sơn La, Zênhx Pênhz phax Chiềng Sơn, Ban Chỉ huy Bôv đôiv Pênhz phax tỉnh Sơn La nhiv no sêiz car, por vêv 11 cêik cêr ntâu ntus đriv buôs ti đros têz qơưk Lào.

Têx hnuz Tsiêz, hâux lưv phiv liv đuô thâuv chor nênhs uô cxâuv chêi têz qơưk tsik so liv zôngv txos pêx xênhv nox tsiêz chiê huôx tôngv. Hâur qênhx shênhx co, canr bôv, chiến sĩ ntơưv no tưz truôx siêz sir jos sêiz jor, por vêv jông thax tsav ntus đriv.

Tsêr nhoz kuôk taz viv xar muôx 100 cêik cêr, no zos shông xuz thơưx Hạ sĩ Lò Văn Bắc tok Tsiêz đêz tsêr. Chor tuz lênhv Pênhz phax uô hâux lưv qênhz yuôx thâuv muôx ntux no hâur têx hnuz ntux yiêz cux tsênhv sir jos muk qênhz yuôx, sêiz jor thiêz sêiz shuôk jông têx ndêx chiv cux li ntux đriv têz qơưk: “Tso tsês siêz ndo txos chor nênhs cxênhz jê, cur truôx siêz sir jos qênhz yuôx, por vêv ntus đriv chiê paz trâu pox nhuôs nox Tsiêz tsâu sor, shir phaz; cur lok six jông siêz thâv tâu uô kror hâux lưv no”.

Trung úy Bùi Ninh Thuận, đôiv tsar Đôiv Trinh sát hêik pâuz, sâuv yênhx ntu cêr qênhz yuôx, tôv côngz xưv qênhz yuôx, por vêv ntus đriv tsênhv muk sêiz nus chor chuôz zis,  phôngv tsiêz, paz trâu pox nhuôs tuôr tsês jông ngaz tuk, sik côngv têk por vêv jông ntus đriv. Pox nhuôs hâur têx jêx jok cêr shir phaz cux zos kror paz trâu sơưr đơưk hâur taz viv uô tiêr jông têx jênhv vưv: “Pêz qênhz yuôx uô hâux lưv sêiz car, por vêv ntus đriv têz qơưk, hâur co muk trâu têx jêx jok sâuv thax tsav, đros pox nhuôs tok ntux yiêz, nox tsiêz, uô têx zav uô si, ntênhk hôiv chiê paz sik côngv tâu jông đuô đros pêx xênhv sâuv thax tsav”.

Lơưr Trung tá Đinh Văn Quang, Zênhx Tsar Zênhx Pênhz phax Chiềng Sơn, jiês Tsiêz Têz qơưk zos six hơưv muôx chôngz nênhs fêv muôs têx hax huv txưr, hax huv chuôr, muk lok đhâu ntus đriv tsik zos chêi, thâux xa, zuôr muôs zax zênhz.

Viv li, taz viv tưz cxiv tsa tsưr ziv sêiz jor tsav txênhz, tso 100% chor nênhs sêiz jor ntơưv têx trạm, jêx jok; chuôz cxaz qênhz yuôx, phax tar jông  chor nênhs uô cxâuv li zuôr muôs hax huv chuôr, muk lok đhâu ntus đriv tsik zos chêi… sir jos uô cov tiêr jông têx jênhv vưv thiêz paz trâu pêx xênhv nox iz luz tsiêz cov tsâu sor, shir phaz, ngaz tuk: “Đros chor canr bôv, chiên sĩ hâur taz viv thâuv kriz uô jênhv vưv sâuv thax tsav trâu jiês Tsiêz, lênhx tưs cux xar tâu lok đros zuk chuôz zis nox tsiêz. Taz sik tiv muôx hâux lưv tsuv uô, Đảng ủy, Ban chỉ huy zênhx tưz hêik chor canr bôv, chiên sĩ sir jos thiêz truôx siêz sêiz jor Tsiêz, uô tiêr jông têx jênhv vưv, paz ngaz tuk chinhr triv, ngaz tuk xar hôiv nhoz thax tsav, paz trâu pox nhuôs tok Tsiêz tsâu sor, lov jêv thiêz shir phaz”.

Ntux yiêz tưz lok txos cxuô qơư sâuv thax tsav ntus đriv Chiềng Sơn. Chor tuz lênhv pênhz phax cux tsênhv sir jos qênhz yuôx, sêiz jor jông ntus đriv. Chor tuz lênhv pênhz phax nhoz no têx sir jos co tưz paz qênhz yuôx, por vêv tâu truôx jông thax tsav ntus đriv têz qơưk, paz trâu chêix ntux yiêz nhoz chor jêx jok sâuv thax tsav ntus đriv tsâu sor, lov jêv, ngaz tuk thiêz shir phaz đuô./.

Trấn Long-Lik Thox cxêik nhênhv

Lov jêv ntưk siz tưr huôv tsar uô nox hâur shông shông nhoz Lai Châu

Ciês têx hnuz hâur shôngk shông yiêz, tix laaaus Phan Quyết Thắng nhoz jok San Thàng, phường Tân Phong 2 niêv txir tưz tuôx trâu ntơưv chuôz zis vax pax nyuô blêiv đar iz ha ntâu chiê tu thiêz bax hlêis đê fâuv pax yiêz. Pir li cxiê shông, pax nyuô blêiv ntu đhâu tsiêz shông no tâu gri đuô, yưx tas têx nhiêx txiêx zuôr yuôx tsuôs tuô caz hmoz uz no, tix lâus chuôz zis tâu muôx 200-300 tsov đeiv nhiêx nju. Nhoz hâur vax pax tsênhv tơưs jông đra pâus, tix lâus Thắng heik: “Pax cux tơưs jông lơưv, cur 2 niêv txir cux xeir hnuz hâur shôngk shông yiêz tuôx tu thiêz hlêis đêx têx pax muôs. Hnuz no cur 2 niêv txir cxeik đuôz pax, xar cov hâur shông huôv tsar uô nox tâu trơưk têk. Thiêz vav chiê siêz, tas nro sơưr đơưk cux puôr lênhx huôv tsar uô tâu trơưk tsưr ziv, têx pax muôs tâu gri đuô chiê pêx xênhv luz nênhx truôx tuk, tsâu sor đuô”.

Sâuv đras liêx jok Lở Thàng 2, xã ntus đriv Sin Suối Hồ (Lai Châu), tas cik sơưr nzor hnuz xiêz 08 luz hlik hli ntux, tsôngv pêx xênhv tưz siz zâuv lov jêv ntưk tuôx uô liêx, ro têx zuz liês, bax chos chiv blêx yiêz. Suôz meir đror lêix liêx đros trâu sơưr đơưk suôz luôs, heik luk lov jêv ntưk ziv uô tsôngv niêv txir cưr tix nênhx tsa moz siêz lus sik tưr huôv tsar uô nox. Tus tưs cux puôr lênhx xar cov têx blêx liêx hâur shôngk shông yiêz hloz lox jông, sâu tâu nju. Niêv lâul Lò Thị Den nhoz jok Lở Thàng 2 heik: “Hâur shôngk shông, cur chuôz zis xeir hnuz nhôngs jông chiê tuôx uô liêx. Tas cik no, cur chuôz zis tuôx ro zuz liês, zar hnuz kêix zuôr ntiêr nênhs đros chos. Vav chiê siêz shông no têx kôngz zuôr hloz lox jông, chiê chuôz zis sâu tâu ntâu blêx đuô”.

Ntơưv đras liêx chos jâuz nhoz jok Tả Sin Chải, phường Tân Phong, têx hax jâuz krưr, jâuz ntus hâur pâuk, jâuz nox nhôngk thiêz cxuô zav jâuz tâuv uz no puôr lênhx jông njuôz xiêz. Tsôngv pêx xênhv tsênhv zênhx max đoz nthuô đrox, zưs đêx, trâu qir, trâu đrênh trâu têx jâuz tâuv. Shông no ntux paz, tsi yuô muôx caz hmoz tho nox, uô lênhx nênhs chos ziv shir phaz đuô. Pos Nguyễn Thị Mai Hoa heik pâuz: “Shông no xiêz 05 tsiêz, pêz tưz tuôx seiz shuôs thiêz tu têx jâuz tâuv lơưv. Pêz têx vax cux muôx lok six ntâu zav jâuz li: Jâuz krưr, jâuz ntus hâur pâuk, tâuv, jâuz nox nhôngk…. Shông yiêz, pêz tuôx uô liêx têz cux xar sir jos huôv tsar uô kôngz cov sâu tâu ntâu, chiê cxơưz luz nênhx truôx tuk, tsâu sor đuô. Chuôz zis tưz sir jos tu jông, taz sik cux xar cov tâu cheix uô, muôs tâu gri”.

Txix têx hax jâuz jông njuôz xiêz, zuz liês tsênhv taz tov jông ro chos, txos trâu vax pax tơưs đra pâus hâur shôngk shông yiêz, ziv uô tsôngv pêx xênhv Lai Châu moz siêz sik tưr huôv tsar uô nox uô hnar. Tsôngv niêv txir lax pêx xênhv nhoz no tsưr ziv bax, sir jos khưr huôv tsar uô nox txix ciês têx hnuz hâur shôngk shông yiêz tsi tiêk tsêz chos tâu têx kôngz lôngk hloz lox jông, tsênhv vav chiê siêz iz shông zuôr huôv tsar uô nox tâu trơưk têk./.

Khắc Kiên-Riê Lâux cxeik, nhênhv