Nênhs Giáy ntênhs txi côngv hâur shông yiêz cov uô tâu kôngz lôngk

        Đhâu phênhv txi đaz xênhz têz xênhz qơư, car đêx car ar chiê paz por hưv por zơưv trâu tsôngv niêv txir lax pêx xênhv khưr uô kôngz lôngk tâu trơưk têk, cux kriz uô têx cêr lov jêv cxôngx nzor. Tưz muôx iz ntuk trâus nduô tsês ntêr, ntênhs hội tror tâu cxiv uô đuô thiêz nthuôr uô tsi so hâur 3 shông lok no, tưz uô tâu trơưk sơưr đơưk tsưr ziv xar, muôx cêr jông siêz, shir phaz trâu tsôngv pêx xênhv hâur jok lok têx txux chi cêr nênhx vênhx huôv. Zơưv Nguyễn Xuân Phung, heir nênhs Giáy nhoz jok Tòng Xành heik: “Ntênhs hội grêk uô liêx no, pêz nênhs Giáy iz txưv uô thâuv ntêx lok. Taz sik hmôngr tsi jông trâus nduô tsês 2, 3 shông tsi kriz uô. Txos shông 2024 thiêx tror cxiv uô đuô. Co zos txux chi, cxênhx cxênhv lok six zov chênhr chiê phưx vưv tsôngv pêx xênhv cux li thor cov ntux yar, ntux nas paz sơưr đơưk têx kôngz hloz lox jông, sâu tâu nju, tsôngv pêx xênhv muôx luz nênhx tsâu sor”.

        Lar heik, ntênhs hội shông no tâu kriz uô jông đuô. Co zos shông xuz thơưx xã Cốc San kriz uô ntênhs hội hâur ntu hâu nov ntơưv qơư lês uô têx hâux lưv lơưr 2 cấp đhâu muôz iz cxiê thax tsav qơư, cơ quan lok uô cê. Têx hlôngr yiêz no tsi tiêk por hưv txux chi vênhx huôv, tsênhv cxơưz huôv tsar ntênhs hội yênhx qơư jông trâu tsôngv kruô tuôx ndis seiz, muôx cêr thôngx siêz jông. Pos Vương Thị Vân Anh, Tsar phongx Vênhx huôv-Xã hội, Ủy ban xã Cốc San heik pâuz: “Trơưk li tsôngv pêx xênhv thiêz têx lênhx kruô ndis shuôs têz qơưk uô si ntâuk grê, shông no têx hâux lưv, txux chi tâu nthuôr uô ntâu thiêz jông đuô. Tưz hu zâuv tâu lok six chôngz lênhx đại biểu, tsôngv kruô thiêz pêx xênhv, tsi tiêk hâur thax tsav xã lok sik hâur đrôngs Lào Cai kuz, mak lok six ntâu lênhx kruô nhoz 2 chas thax tsav tuôx đros côngv. Thiêz co cux zos iz kro jông hâur ntu hâu nov ntơưv qơư lês uô têx hâux lưv lơưr 2 cấp, tuôr tsês heir nênhs tsơưs têx txux chi vênhx huôv tsi chiê pôngz plox”.

        Ciês sâuv têx par liêx nhiv kruôr hlêis sâu blêx tas, cêr lov jêv ntưk uô liêx hâur shôngk shôngk yiêz tâu tror kriz uô li: Chaz tưv sik tưr lêix liêx. Têx tus fơư tưv muôx jos, jông gâux tâu xeir chaz tuôx lêix liêx, qir uô iz chiv kôngz yiêz đros tsưr ziv siêz, uô kôngz, sâu tâu nju. Lov jêv đuô zos thax qơư sơưr đơưk siz zâuv lêiv poz uô si ntơư, chiê njiz tâu têx hmôngr jông ciês hâur shôngk shông./.

An Kiên-Riê Lâux cxeik, nhênhv

Ndis shuôk têz qơưs

          Têx hnuz chêix ntux yiêz no, hâur thax tsav jos Khổng Lào, xã ntus đriv Khổng Lào, tỉnh Lai Châu tưz kriz ntuôr uô cêr lov jêv đros trâu suôz đruôk tôngx, cxêz tôngx đror lov jêv lul. Ciês ntơưv yar tiêr tsêr vênhx huôv jos, hêir nênhs poz ziz đơưz chor tuz cxêik hluôk tưz hnar têx tsôngk tiêz, tsôngk yo jông jav sênhr chêr, đhiê pax vuôs, cxơưz cxiz tâu chôngz lênhx kruô tuôx sêiz shuôk. Pos Vàng Thị Hợi, nhoz jos Khổng Lào shir phaz lul hêik pâuz: “Pêz nhiêv zuk hêir nênhs têx vênhx huôv tsiv grê cxôngx nzor. Thiêz tâu cán bộ xã paz max txos, pêz têx tuz cxêik hluôk sir jos tuôr tsês tâu zuk hêir nênhs têx txux chi đhiê pax vuôs, sênhr chêr cxôngx nzor muôx đros đrêiv hâur luz nênhx”

          Shir phaz lul hâur têx hnuz chêix ntux yiêz, ntơưv yar tiêr tsêr vênhx huôv jos Khổng Lào, tsôngv px hêir nênhs poz ziz nhoz no, cux tsênhv tuôr tâu tsês zuk hêir nênhs têx txux chi, vênhx huôv jông. Ntơư zos cưr cxiêx Then, đhiê pax vuôs, sênhr chêr thiêz đros trâu hêir nênhs Cho chax chêk ntâuk chiv hloz lox tiêr nênhs. Zơưv Hoàng Đức Thông, Tsar phôngx vênhx huôv xã Khổng Lào, tỉnh Lai Châu shir phaz lul hêik pâuz: “Pêz tưz hêik trâu ủy ban xã fuô yax kriê tsôngv px cux li cxuô luz tsêr cơưv ntơưr tsuv zok nriêr, tuôr tsês cxuô hêir nênhs têx txux chi, vênhx huôv jông cxôngx nzor. Xav txos trâu nhiv no, hur si xã tưz cxiv tsa tâu 41 paz tuz nxêik ntuôr uô cêr lov jêv”

          Txix cấp ủy, hâu nov xã thiêz px têx sir jos, xav txos trâu nhiv no, jos Khổng Lào tưz muôx 4 zav txux chi, vênhx huôv tâu Bộ Vênhx huôv côngk nhav zos têz qơưs vênhx huôv tsiv grê cxôngx nzor. Ntơư zos hêir nênhs poz ziz ntênhk hội Then Kin Pang; hêir nênhs Co chax chêk hloz lox tiêr nênhs đros trâu ntâu zav txux chi, vênhx huôv tsiv grê cxôngx nzor nhoz thax tsav tỉnh Lai Châu; hâur ntơư muôx oz zav vênhx huôv tâu UNESCO sâu bê trâu ntâuz ntơưr. Pos Mai Thị Hồng Sim, Bí thư Đảng ủy, Chủ tịch Hội đôngx xã Khổng Lào shir phaz lul hêik pâuz nzir: “Hâu nov xã tsênhv zuôr cxơưz cxiz cxuô lênhx tsar jos, chor lâuk muôx côngz nto bê chiê yax kriê tsôngv px zok nriêr, tuôr tsês zuk hêir nênhs têx txux chi, vênhx huôv jông cxôngx nzor đros trâu cxuô ntênhk têx ntênhk hội thiêz hêik kriê têx txux chi co trâu tsôngv kruô pâuz txos. Lar hêik, xã huôv tsar truôx chor tuz nxêik hluôk kriz nthuôr uô cêr lov jêv, đhiê pax vuôs, sênhr chêr…”

          Trơưk li zơưv Trần Mạnh Hùng, Giám đốc Sở vênhx huôv tỉnh Lai Châu, tuôr tsês thiêz huôv tsar truôx cxuô hêir nênhs sđ têx txux chi, vênhx huôv jông cxôngx nzor cux chênhr zos cxơưz tâu 1,5 triệu lênhx kruô tuôx ndis uô si, sêiz shuôk têz qơưs txos tỉnh Lai Châu hâur shông 2025. “Chiê huôv tsar truôx sđ têx txux chi, vênhx huôv jông, hâur ntu zuôr txos no, ngênhx vênhx huôv tsênhv zuôr tror sir jos yax kriê tsôngv px sđ zok nriêr, tuôr tsês zuk hêir nênhs têx txux chi, vênhx huôv tsiv grê cxôngx nzor txuôk đros huôv tsar, cxiv uô cxuô qơư ndis uô si, sêiz shuôk têz qơưs, cxơưz cxiz tâu chôngz lênhx kruô tuôx sêiz shuôk, tsôngv px muôx phênhv sâu tâu nhiêx chox lok cxiv kho chuôz zis, muôx luz nênhx tsâu sor”./.

Tsu cxêik nhênhv-Khắc Kiên