Lov jêv ntưk txux chi đhiê pax vuôk nhoz Mường Bo

Tas cik sơưr nzor, sâuv têx njik trôngz huôz tsênhv njâur trơưr, cxuô lênhx cxuô tus nhoz 16 jok tưz siz zâuv tuôx trâu tsênhv qơư xã Mường Bo uô si lov jêv. Hnar têx chêr tsôngk yo khax jav, tsôngv pêx xênhv sik đros cxok ndêx nxông Hnuz tsiêz, đros thiêz tsưr ziv, siêz xar njôngr, iz shông sơưr đơưk zuôr uô tâu nox tâu hâuk, nhoz khax kha, tsi muôx moz gênhk. Phênhv nthuôr uô têx txux chi, tưz uô trâu pêx xênhv thiêz tsôngv kruô lov jêv ntưk đhâu txux chi uô si nhoz tox siêz li: Tuô hnênhr, sik hlâuz pak, sik truz hluô....

Kror zov chênhr hâur cêr lov jêv shông zos tsaz yênhx đhiê pax vuôk xòe sik thôngx siêz thiêz huôv tsar. No zos txux chi, qơư hu zâuv chôngz lênhx ntâu tus txơưx sênhr chêr uô si lov jêv đros trâu tsôngv pêx xênhv, têx lênhx kruô tuôx đros côngv cêr lov jêv hâur thax tsav qơư. Zơưv Nguyễn Hoàng Phương, Phưv Chủ tịch ủy ban xã Mường Bo, Tsar Ban tsưr tsix cêr lov jêv heik pâuz:“Shông no đros njiêz luk “Sik thôngx siêz thiêz huôv star”, tsôngv box cxuô heir nênhs hâur xã Mường Bo zos: Tày, Hmôngz, Cho, Xa Phó puôr lênhx tuôx đros côngv cêr lov jêv đhiê pax vuôk xòe, muôx 568 lênhx nênhs txơưx sênhr chêr uô lov jêv, tsôngv pêx xênhv thiêz chor cưk kriê ntơưr, têx nhuôs shux xênhz, đhâu ntơư heik lol sơưr đơưk tsưr ziv sir jos hlôngr yiêz thiêz huôv tsar”.

Tsi thôngx li ntâu thax tsav qơư nhoz Tây Bắc, nênhs Tày nhoz Mường Bo txux chi đhiê pax vuôk xòe muôx iz kro jông txơưr. Co zos sênhr chêr đhiê đros trâu têx suôz trax, suôz tsưz, suôz đruôl đror lov jêv ntưk. Têx suôz, têx txưv cưr cxiêx Then tâu chor lâul nênhs por hưv, tuôr tsês sênhr suôz heik kriê trâu cxênhx hluôk, chiê sik đros tsưx phưv truôx têx txux chi cêr nênhx vênhx huôv jông tsês, tsi trâus pôngz plox. Lù Thị Chí, lênhx txơưx sênhr suôz heik cưr cxiêx Then nhoz jok Mường Bo 1 shir phaz heik: “Nênhs Tày zav txux chi jông đuô hur si zos cưr cxiêx Then, txux chi no iz txưv muôx thâuv nzor lok, nhiv no sênhr kriê đuô trâu têx tuz nhuôs. Hok lok sâuv txux chi đhiê pax vuôk xòe, tsưr ziv đhiê uô si lov jêv cux txơưr, luôs 2 chas thax tsav qơư lơưr kêr suôz trax, hok nhoz no mak pêz cê ntâuk trax, cê cho tsưz, cê heik gâux, cê đhiê têk tơư đros, lok six lov jêv cơưk”.

Nhoz hâur thax tsav lox đar, đros trâu xar muôx 600 lênhx nênhs siz tuôr têk đhiê uô si lov jêv zos heik lol sơưr đơưk cêr sik thôngx siêz, siz hluz siz paz. Txix cêr lov jêv hâur shông yiêz zuôr cxơưz paz đas jos jông trâu hâu nov ntơưv qơư thiêz tsôngv pêx xênhv xã Mường Bo hla đhâu têx phiv liv, cêr txov njiz trâus hâur shông kuz, tror sir jos sik tưr huôv tsar uô nox uô hnar, cxơưz luz luz nênhx tsâu sor, vav mênhx thiêz cxiv tsa xã Mường Bo nhoz jêx thax tsav ju lix Sa Pa ziv hnuz ziv hlôngr yiêz, huôv tsar jông đuô./.

An Kiên-Riê Lâux cxeik, nhênhv 

Ntênhk hội đhiê pax vuôs-zos qơư txuôk đros ntâu vênhx huôv nhoz Lai Châu

Txix thâuv têis cik sơưr nzor, hâur thax tsav yar tiêx Nà Khương, tsôngv px cxuô hêir nênhs sđ tưz hnar zuk hêir nênhs têx tsôngk tiêz, tsôngk yo jông jav cxôngx nzor tuôx kriz cêr lov jêv đros trâu têx đruôk tôngx, cxêz tôngx đror lov jêv lul. Hur si chor lâuk uô niêv, uô txir cux li têx mê nhuôv thiêz tsôngv kruô sđ puôr lênhx đros côngv cêr lov jêv đhiê pax vuôs. Pos Hoàng Thị Lợi, hêir nênhs Poz Ziz, nhoz jos Hua Sẳn, xã Bản Bo, tỉnh Lai Châu shir phaz lul hêik pâuz: “Cur zos chor uô cêr lov jêv hâur jos Hua Sẳn. Cur jông siêz thâuv tâu đros côngv uô têx cêr lov jêv hâur jiês kriz ntênhk hội no thiêz cur cux xar njôngr hâu nov xã tsuv kriz uô ntâu jiês cêr lov jêv, cov tuôr tâu tsês zuk hêir nênhs têx vênhx huôv jông cxôngx nzor cov tsôngv kruô oz chas têz qơưs pâuz txos”

Bản Bo thiêz Nà Tăm zos oz tsênhv qơư xã chox lok uô hâux lưv uô cê hâur thax tsav tỉnh Lai Châu. Hâur tsênhv qơư co, phênhv ntâu zos hêir nênhs poz ziz thiêz choz tsiz huôv tsar cêr uô nênhx nhoz. Đhâu muôz oz xax chox lok uô iz xã uô hâux lưv uô cê, hâu nov xã tưz yax kriê tsôngv px hâur tsênhv qơư co tuôr tsês zuk hêir nênhs têx txux chi, vênhx huôv jông cxôngx nzor tsik chiê pôngz plox. Ntơư zos txux chiê đhiê pax vuôs, sênhr chêr, vênhx huôv tưr phiêz tơưz, tưr têx tuz nxêik jông jông gâux, tưr têx tsôngk tiêz, tsôngk yo jông jav, tưr gruôv gox đêx…muôx chôngz lênhx kruô tuôx sêiz shuôk. Pos Nguyễn Thu Thủy, iz lênhx kruô nhoz Hà Nội tuôx ndis uô si shir phaz lul hêik pâuz: “Thâuv tuôx sêiz shuôk txos thax tsav qơư faz Bắc no, cur jông siêz hênhr. Lar hêik zos tsôngv px hâur thax tsav co têx txux chi đhiê pax vuôs, sênhr chêr…cxơưz cxiz tâu chôngz lênhx kruô tuôx sêiz shuôk”.

Zơưv Nguyễn Văn Chiến, Phưv Chủ tịch UBND xã Bản Bo, tỉnh Lai Châu cux hêik pâuz tiêk: Kror jông yax ntơưv no zos, tsôngv px sđ têx hax huv tsiv uô tâu li: Jiz mur, cxur, yuôx zêx, têx ntâuz ntok cxôngx nzor….Đhâu co, hêik kriê têx muôx jông ntơưv qơư trâu tsôngv kruô pâuz txos, paz phênhv trâu xã muôx suôz bê lok cxuô qơư jông jav, dis uô si, sêiz shuôk têz qơưs txos Lai Châu: “Ntênhk hội đhiê pax vuôs, sênhr chêr zos hêir nênhs poz ziz iz ntênhk hội cxôngx nzor.  Thôngz đhâu ntênhk hội, đros trâu tsôngv px sđ tsưr ziv siêz xar njôngr, hâur iz shông yiêz, zuôr khưr sâu tâu ntâu kôngz lôngk, muôx luz nênhx tsâu sor đhâu hâur têx shông đhâu”.

Txix hêir nênhs poz ziz nhoz jos Nà Khương, xã Bản Bo, tỉnh Lai Châu ntênhk hội đhiê pax vuôs, sênhr chêr, cux chênhr zos cxơưz cxiz tsôngv px hâur thax tsav qơư co sik côngv đas jos tsưr ziv cxiv kho jêx jos-xã cov ziv hnuz ziv hlôngr yiêz thiêz huôv tsar-tsôngv px muôx luz nênhx tsâu sor./.

 Tsu cxêik nhênhv-Khắc Kiên