Têx kror jông hâur nênhs Cho Lào Cai li phongz cxưx

txi côngv jôngr

Iz shông iz jiês, txos hnuz jông hnuz tưz tâu xeir hâur hâur shôngk shông yiêz, tsôngv box nênhs Cho Tuyển nhoz jos Làng Ẻn, xã Trì Quang, huyện Bảo Thắng, tỉnh Lào Cai ho tsưr tsix ntênhs txi côngv jôngr ntơưv qơư txi côngv jôngr tso jê hâur hâur pâus tsoz ntông lox tuôx ntơưv hâur jos. Nênhs tâu xeir chiê uô ntênhs txi côngv zos txir nênhs, pâuz thôngz thiêz zos lênhx txir ndâux txir luk hâur jos. Zơưv Đặng Quý Sinh- iz lênhx tsôngv box nhoz hâur jos pheiz kênh:“Tsuv thor chiê tsôngv box hâur jos uô tâu nox tâu hâuk, chiv cheix sâu tâu jông; tsi muôx têx hâux lưv tsi jông hâur jos, cxuô lênhx cxuô tul muôx jông đas jos”

          Tsi xưk li iz cxiê thax tsav qơư txơưr, nênhs Cho Tuyển nhoz Làng Ẻn li ntênhs txi côngv jôngr cux tsoz chei trâu pox niêv cxaz chuôz. Taz sik tas nro têx lênhx nênhs tuôx cxaz chuôz tsuv uô trơưk jông phongz cxưx txi côngv jôngr no. Niêv lâuk Hoàng Thị Thanh hnar tsôngs yo yiêz jông tiv zix jông siêz pheiz kênh: “Têx li buô, keiz mak txir nênhx bax uô lơưv, yuôr pox niêv mak uô nduôr. Nduôr tâu uô txix môngr cxur thiêz thax, tiv zix zos tsi cxoz uô lo trox. Tiv 2 zos tsuv hnar tsôngs yo jông tiv zix thâuv cxaz chuôz ntênhs txi côngv jôngr”

          Thax tsav zos qơư tâu tso ntâu qơư txi côngv tâu seiz zos jôngr txưr, tsi puz lênhx tưs uô hiêv txos, viv li sđ hâur jos tsuv por vêv jông. Đhâu ntênhs txi côngv, lâuk nênhs, tuz nxeik hâur jos sik đros cxaz chuôz uô si lov jêv li leiv poz, heik cưr cxiêx, uô zuk mênhx cxưx li zav nox kaz...Zơưv Nguyễn Văn Vinh, Phưv Chủ tịch UB xã Trì Quang puz pâuz: “No zos ntênhs phêv chax chês hâur xã thiêz tsênhv tâu tuôr tsês jông. Txix co tsôngv box, tiv zix zos tsôngv box nênhs Cho muôz siêz siêz xar por vêv jôngr cux xưk li chos cxaz ntâu jôngr ntông njuôz jông đuô”.

          Tsi taz nênhs Cho xưz mak, ntâu mênhx cxưx nhoz Lào Cai li Hmôngz, Hà Nhì cux tuôr tsês tâu phongz cxưx txi côngv jôngr. Cêr vênhx huôv jông no tso pov chinhz yênhx ndo txiêx njik thiêz sik côngv siêz huôv tsar chiê tror tuôr tsês jông, phuôx huiz cêr chax chês jông hâur côngv thôngx mênhx cxưx tsơưs nênhs nhoz tox siêz./.

                                                                (An Kiên-Txâur Vax cxeik nhênhv)

Mộc Châu tok tâu yênhx vạn lênhx kruô tuôx sêiz shuôk têz qơưs hâur têx hnuz tsiêz têz qơưs shông 2023

          Têx hnuz hâur chêix ntux yiêz shôngk shông yiêz, ntơưv cxuô qơư uô si, ndis shuôk têz qơưs nhoz Mộc Châu li: Trôngz ntông chiêz jos Áng, qox tsov iêr Bạch Long, tsas đêx tsơưk tsuô, trôngz tsoz chos yuôx zêx….tưz muôx chôngz lênhx kruô tuôx ndis shuôk. Txos chêix ntux yiêz, thax tsav tox siêz Mộc Châu tưz muôx ntâu zav pax tơưs yiêz, uô trâu tsôngv kruô ndis shuôk têz qơưs nhiêv ndis shuôk, cxêik đuôz muk lok shir phaz lul. Pos Nguyễn Thị Ly, iz lênhx kruô nhoz đrôngl Huế tuôx sêiz shuôk têz qơưs txos tox siêz Mộc Châu shir phaz lul hêik pâuz: “Jiês xuz thơưx cur tuôx ndis uô si txos Mộc Châu, cur pov thax tsav qơư no muôx chuô lax nziês hâur chêix ntux yiêz, ziv uô trâu têx tox trôngz, câuv har hâur thax tsav no chuôs li tưz jông jav đuô”

      Hâur chêix ntux yiêz shôngk shông yiêz, muôx chôngz lênhx kruô tưz xêir thax tsav qơư du lix jông jav tuôx ndis uô si. Tix lâus Vương Thanh Hải, iz lênhx kruô nhoz Hà Nội tuôx sêiz shuôk têz qơưs shir phaz lul hêik pâuz: “Cxuô lênhx sđ tuôx trâu ntơưv no, pov thax tsav qơư co jông jav, nziv tsôngv kruô sđ siêz nhiêv thiêz hla trâu shông yiêz, cxuô lênhx sđ zuôr njiz ntâu cêr vav mênhx hâur luz nênhx”     

          Tix lâus Kiều Mạnh Đức, iz lênhx kruô nhoz Hà Nội tuôx sêiz shuôk têz qơưs cux hêik pâuz tiêk: Tuôx trâu Mộc Châu, pov têx tox trôngz câuv har đros trâu cxuô zav pax tơưs yiêz jông jav, huv đros tsôngv kruô siêz nhiêv hâur chêix ntux yiêz shôngk shông yiêz: “Cur tưz muk trâu ntâu thax tsav qơư li têx qơư chos tsoz chos yuôx zêx; qơư chos tsoz chos Thênhx caz; qơư đêx tsas tsuô, jôngr ntông chiêz jos Áng. Lar hêik zos, cxuô px nhoz Mộc Châu zôngx ziv sưv đros tsôngv kruô siêz nhiêv. Thiê Mộc Châu tsiv nhos zos iz thax tsav qơư muôx chôngz lênhx kruô tuôx sêiz shuôk”

          Đhâu thôngz sâu hâur 10 hnuz shôngk shông yiêz, tsiêz têz qơưs 2023, thax tsav qơư ndis uô si, sêiz shuôk têz qơưs Mộc Châu, tưz muôx 20 cxênhz lênhx kruô tuôx sêiz shuôk. Ntơư zos iz cêr shir phaz trâu ngênhx du lix Mộc Châu, Sơn La thiêz cxuô tsênhv qơư thax tsav faz Bắc pêz têz qơưs./.

                                                Tsu cxêik nhênhv-CTV Đức Cường-VOV Tây Bắc