Jiês xuz thơưx muôz pax vuôk Poz Ziz chox lok tưr hâur tsêr cơưv nhoz Sơn La

Suôz trax đror lov jêv lul, cux zos thâuv 500 ntâu lênhx shux xênhz tsêr cơưv cxênhx iz, cxênhx 2 thiêz cxênhx 3 Chu Văn An, Đại học Tây Bắc nhoz Sơn La tuôx cxix cxuô ntơưv yar tiêx hâur tsêr cơưv chiê đros dưv jiês ngoại khóa. Jiês xuz thơưx, chor shux xênhz nhoz 2 cxênhx cơưv zos cxênhx 2 thiêz cxênhx 3 zuôr tâu nthuôr uô heir nênhs Poz Ziz têx txux chi vênhx huôv; sik đros côngv cêr lov jêv, đhiê pax vuôs zos Poz Ziz Tây Bắc têx txux chi. Nguyễn Ngọc Bảo An, shux xênhz lớp 8B heik pâuz: “Cur pov lok six jông siêz thiêz shir phaz thâuv tâu đros nthuôr uô têx txux chi cêr lov jêv no. Đhâu ntơư tâu pâuz nzir lok nênhs Poz Ziz têx txux chi đhiê pax vuôs thiêz cur pâuz nzir lok ntâu txux chi vênhx huôv jông hâur zuk têz qơưk”.

Sâuv yar tiêx uô si lov jêv, muôx kênhx Poz Ziz đros trâu nênhs Poz Ziz têx fuôv txiêx jông jav, chor tuz nxeik shux xênhz sik tưr têx txux chi, đhiê pax vuôs uô si lov jêv, chênhr zos piêr kriê nênhs Poz Ziz 6 jax txux chi đhiê pax vuôs, muôx njiêz luk zâuv sơưr đơưk hâuk chơưr, đhiê por fuôv txiêx, đhiê tuôr têk……

Hâur suôz trax đror lov jêv lul, sơưr đơưk sik đros đhiê uô si buôx têk, chor tuz nxeik hluôk tưz hnar nênhs Poz Ziz têx chêr tsôngk tiêz, tsôngk yo jông jav cxôngx nzor. Lò Đức Anh, shux xênhz lớp 12A-lênhx xar tơưv tsưr ziv chiê têx tuz nxêik hluôk tưr đhiê pax vuôs: “Cur pov lok six lov jêv thiêz jông hênhr. Cur zos nênhs Poz Ziz iz lênhx tuz nhuôs thiêz zos iz tus tuz hluôk, cur lok six xar cơưv nzir ntâu zav thiêz nriê trâu têx fôngx zưs sơưr đơưk đros pâuz txos nênhs Poz Ziz têx txux chi vênhx huôv jông, hâur co muôx txux chi đhiê pax vuôk xòe. Cur zuôr đros chor fôngx zưs por hưv thiêz tuôr tsês têx txux chi vênhx huôv co tsi chiê pôngz plox”.

Hà Thùy Vy, shux xênhz lớp 8B cux heik li no: “Cur lok six jông siêz thiêz shir phaz thâuv tâu đros nthuôr uô têx txux chi cêr lov jêv no, viv cur zos nênhs Poz Ziz iz lênhx tuz nhuôs, taz sik tsi tâu đros côngv uô nênhs Poz Ziz têx txux chi uô si lov jêv hlo. Cur xar, co cux zos six hơưv chiê cur tâu đros nthuôr uô zuk heir nênhs têx cêr lov jêv. Đhâu no, cur xar piêr kriê lok heir nênhs Poz Ziz li txux chi vênhx huôv trâu têx fôngx zưs thiêz chor nênhs cxênhz jê đros pâuz txos thiêz xar cov cxuô lênhx cxuô tus sik đros por hưv, tuôr tsês thiêz nthuôr uô heir nênhs Việt Nam têx txux chi vênhx huôv jông tsi chiê pôngz plox”.

Cưk kriê Nguyễn Anh Đàn, uô hâux lưv kriê hu gâux, heik cưr cxiêx hâur tsêr cơưv heik pâuz, têx txxux chi tâu nthuôr uô chiê piêr kriê đêz đar trâu chôngz lênhx ntâu tus pâuz txos têx txux chi vênhx huôv; thiêz uô trâu shux xênhz pâuz nzir lok nênhs Poz Ziz txux chi cêr nênhx vênhx huôv, khav tinhv pax vuôk xòe zos txux chi jông thiêz thâuv tưs tưz zuôr tsuv por hưv, huôv tsar nthuôr uô hâur côngv thôngx.

          Đros trâu têx li heik co, zos muôz cêr lov jêv, shir phaz trâu sơưr đơưk lok cêr chax chês vênhx huôv, gra siêz shux xênhz tsưr ziv jênhv pâuz, txơưx jênhv đros por hưv, tuôr tsês nênhs Poz Ziz txux chi đhiê pax vuôk xòe thiêz têx txux chi vênhx huôv txơưr nhoz cxuô thax tsav hâur tas nro têz qơưk tưz tâu UNESCO côngk nhav tsi chiê pôngz plox. No zos jiêx xuz thơưx nênhs Poz Ziz txux chi cêr lov jêv co tâu tsưr tsix tưr thik hâur tsêr cơưv nhoz Sơn La: “Co zos jiês xuz thơưx pêz sik tưr thik lok nênhs Poz Ziz txux chi pax vuôk xòe. Kror tiv 2 mak pêz zuôr nthuôr uô nênhs Hmôngz li txux chi đhiê kênhx. Jux juk zuôr tưr thik, nriêr pâuz lok cxuô heir nênhs txơưr têx txux chi tưz tâu côngk nhav zos txux chi jông. Iz học kỳ pêz zuôr uô iz kro”.

Ban tsưr tsix tưz muôz huv puz trâu têx paz tưr thik tâu jông hov iz, hov 2, hov 3. Suôx câuv tsaz yênhx zos sơưr đơưk sik thôngx siêz tuôr têk đhiê pax vuôk xòe uô si lov jêv, đros thiêz ntâu tus chôngz lênhx cưk kriê ntơưr, tas nro chor shux xênhz hâur tsêr cơưv cxaz chuôz./.

Thu Thùy-Riê Lâux cxeik, nhênhv

Tuôr truôx luôs hâux lưv uô huz Mường Chanh

Zơưv Hoàng Văn Mẳn, zos iz lênhx tsênhv tuôr tâu luôs hâux lưv uô huz cxôngx nzor ntơưv jos Đen, xã Mường Chanh, huyện Mai Sơn, tỉnh Sơn La, thiêz co zos hêir nênhs poz ziz iz vênhx huôv jông cxôngx nzor muôx đros đrêiv hâur luz nênhx đhâu ntâu tiêv. Hâur ntu đrav ntêx, tsôngv px hâur thax tsav xã puôr lênhx uô huz, taz sik hâur ntâu shông đhâu lok no, luôs hâux lưv uô huz tưz tso tsês, trâus pôngz plox jux juk, ntâu chuôz zis tưz tso tsês tsik uô huz, viv chor nênhs sir zôngv huz cux tsơưs lơưv jux juk thiêz hur si xã tsuôk yuôr 3 ziv chuôz zis thiêx tsênhv uô, tuôr tsês tâu chax chêk uô huz cxôngx nzor, chêx chôngk trâu ntơưv 2 luz jos Noong Ten thiêz jos Đen: “Hâur iz ntu ntêr, chor lâuk tưz tso tsês luôs hâux lưv tsik uô huz; huz Mường Chanh tưz trâus pôngz plox lơưv jux juk xar muôx 20 shông; hâur oz pêz shông đhâu tsik ntêr lok no, pêz thiêx tror tsik uô cxuô chuôz zênhx uô huz thiêz zok nriêr ar uô, zok nriêr qơư muôs. Đros co, chor lâuk cux paz kriê tsưr ziv uô, pêz thiêx tror tsiv uô tuôr tsês zuk hêir nênhs luôs hâux lưv uô huz Mường Chanh cov muôx đros đrêiv hâur luz nênhx tsik chiê pôngz plox”.

          Trơưk li zơưv Mẳn, chiê tsiv uô cov tâu tiêr huz Mường Chanh, tsuv zok nriêr, xêir tâu têx cxa ar đax, zav cxa ar co tsuôk hâur thax tsav xã Mường Chanh thiêx muôx. Hâur niêx shông, đhâu thâuv sâu blêx liêx tas, chor nênhs uô huz co tsuv zok nriêr thax tsav qơư muôx ntâu ar, khơưz toz iz thiêr ntâu, muôz chor cxa ar co chox lok tuôr cov blâuv sir zôngv uô huz.

          Thâuv uô tâu tiêr huz, tsuv muôz chor huz co chox muk ndu hluôr tơưk cov luz huz co thiêx truôx khor. Zov chênhr zos hâur ntu trâur tơưk ndu huz, tsuv ndu iz hnuz, iz hmo; đhâu co chox lok vâuv iz hnuz 7 hnuz trâu hâur kror ar thâuv tưs txiêk, huz thiêx truôx khor.

        Đhâu iz ntu huôv tsar cêr uô nênhx đros đrêiv luôs hâux lưv uô huz, zơưv Mẳn tưz pâuz tâu ntâu tsưr ziv tsiv uô tâu ntâu zauv huz, muôs trâu ciêz đrôngl, huv đros tsôngv kruô siêz nhiêv. Txơưv luôs hâux lưv tsiv uô huz tsênhv njiz ntâu phiv liv, taz sik zơưv Mẳn cux tsênhv sir jos yax kriê tsôngv px hâur thax tsav tuôr cov tâu truôx zuk hêir nênhs poz ziz luôs hâux lưv tsiv uô huz cov muôx đros đrêiv hâur luz nênhx: “Cxuô zav huz tsiv uô tâu, phênhv ntâu zos muôs trâu tsôngv px hâur thax tsav sir zôngv tsâu njuôs, tsâu chơưr thiêz ntuv cxuô zav nox. Luôs hâux lưv uô huz no, sâu tâu nhiêx tsơưs; taz sik, viv zuk nhiêv zuk hêir nênhs uô huz, hâur luz chêix sâu kôngz tas cur thiêx tsiv uô”.

          Tsôngv px hêir nênhs poz ziz Mường Chanh, thâuv tưs cux tsênhv ndo njôngr txos zuk hêir nênhs luôs hâux lưv tsiv uô huz; co zos zơưv Hoàng Văn Mẳn cux li tsôngv px uô huz hâur thax tsav xã Mường Chanh, txơưv li chas, iz luôs hâux lưv cxơưz cxiz tâu trâu tsôngv hluôk sđ tuôr tâu tsês zuk hêir nênhs luôs hâux lưv tsiv uô huz muôx đros đrêiv hâur luz nênhx tsik chiê pôngz plox: Zơưv Lò Đức Trí, nhoz jos Cang Mường shir phaz lul hêik pâuz nzir: “Cur lok six jông siêz thiêz shir phaz, viv tâu xênhz zus thiêz huôv tsêr cêr uô nênhx lox hloz nhoz thax tsav xã Mường Chanh. Jos uô huz hâur thax tsav xã cux tâu hâu nov ntơưv qơư moz siêz txos, cur zos fâuv hluôk tov kaz, cur truôx siêz tsiv uô thiêz tuôr tsês zuk hêir nênhs luôs hâux lưv uô huz cxôngx nzor”

        Nhiv no, ủy ban xã Mường Chanh tsênhv taz tov fuô uô ntâu faz tsưr ziv yax kriê tsôngv px tsiv uô, tuôr tsês luôs hâux lưv uô huz cxôngx nzor cov muôx đros đrêiv hâur luz nênhx trâu thax tsav qơư nhoz. Đhâu co, paz phênhv tuôr tâu tsês zuk hêir nênhs poz ziz têx vênhx huôv jông cov muôx đros đrêiv hâur luz nênhx tsik chiê pôngz plox./.

                                        Tsu cxêik nhênhv-Trấn Long, TTTB