Tsênhv chêi đối ngoại huv đros paz Lai Châu huôv tsar tâu jông thiêz truôx đrênhk

PV: Thor cox puz pâuz lok tỉnh Lai Châu li tsưr ziv thiêz tsênhv chêi đối ngoại hâur ntu đhâu?

Zơưv Kiều Hải Nam: Hâur ntu đhâu, Sở Ngoại vuv Lai châu cux tưz hêik trâu tỉnh iz cxiê tsưr ziv hâur côngz xưv đối ngoại zos kriz đar đối ngoại thiêz sir jos hôiv nhập ntiêx têz, huv đros trâu Đảng thiêz Têz qơưk têx cêr chêi thiêz huv đros tsênhv tsênhz ntơưv thax tsav qơư.

Sở cux tưz tsêx trung hêik pâuz trâu tỉnh kriz uô hâux lưv đối ngoại, uô cov tâu jông 2 luôs hâux lưv lox. Tiv iz zos kriz đar coangz siv đối ngoại, sik côngv ntiêx têz lơưr kriz uô têx kror liv muôx nhoz ntơưv tỉnh; tiv zix zos hâur hâux lưv kôngz nuv, zaz zâuv têx pênhr jos huôv tsar kinh têr-xar hôiv, côx phax- ngaz tuk.

Tiv oz zos jux juk gra siêz đuô têx cêr coangz siv đối ngoại tưz tâu kriz uô; hâur co zos sir jos uô têx tsênhv njiêz sik côngv đros tỉnh Vân Nam (Trung Quốc). Uô jông coangz siv thôngx ziv đros têx tỉnh faz Bắc, Lào thiêz kriz đar coangz siv đros chor tos sik côngv yiêz lơưr tsưr ziv siz luôs, sik côngv cov sik đros muôx liv; ndar txos cir jênhv sik côngv đros iz cxiê thax tsav qơư nhoz têx têz qơưk, chiê kriz uô tâu truôx jông thiêz tsênhv tsênhz chor sêiz lax sik côngv ntiêx têz tưz tâu cir jênhv nhoz oz tos.

PV: Vênhx huôv cxuô mênhx cxưx zos kror muôx liv ntơưv thax tsav qơư, zos li thor cox puz pâuz nzir lok têx huôx tôngv vênhx huôv mak tỉnh Lai Châu tưz kriz uô chiê piêr pâuz lok tỉnh li cxuô kror txos trâu chor fôngx zưs ntiêx têz?

Zơưv Kiều Hải Nam: Hâur ntu nhiv kruôr đhâu tỉnh Lai Châu cux tưz kriz uô sik côngv ntiêx têz thôngz đhâu chor tsaz yênhx uô hâux lưv, chor tsaz yênhx thiêz chor ntâuz ntơưr tưz cir đros chor tos sik côngv saz đrâuv têz qơưk thiêz hâur chor ntâuz ntơưr no puôr lênhx muôx tsênhv njiêz paz trâu sik côngv lok vênhx huôv.

Tsênhv tsênhz, tỉnh tưz hu zâuv Trung Quốc, Lào chor đoanx đại biểu, đoanx nghệ thuật tuôx cxaz chuôz trâu tỉnh têx huôx tôngv vênhx huôv li: Ciêz Du lịch-Vênhx huôv Lai Châu, Hnuz hôiv vênhx huôv cxuô mênhx cxưx muôx tsơưs đuô 10.000 lênhx nênhs… Đros co, tỉnh cux tso đoanx nghệ thuật muk cxaz chuôz Tsaz yênhx nthuôr uô cêr lov jêv zos chor têz qơưk hêik co tsưr tsix ndax trâu chor jiês ntênhk, tsiêz cxôngx nzor. Iz chas co chor huyện ntus đriv cux tsik so tsưr tsix chor huôx tôngv lok vênhx huôv, nthuôr uô cêr lov jêv, thể thao ndax trâu cxuô tos têx ntênhk hôiv.

PV: Cox ntâuk gri li chak lok tỉnh Lai Châu têx uô tâu hâur côngz xưv đối ngoại, cux li têx kror tỉnh tưz uô tâu hâur têx shông jê lok no?

Zơưv Kiều Hải Nam: Tỉnh li côngz xưv đối ngoại hâur têx shông jê lok no tưz muôx ntâu kror huôv tsar jông. Tiv zix zos đhâu thâuv Tỉnh ủy li Đề anr 05 lok “Kriz đar đối ngoại, sir jos hôiv nhập thiêz sik côngv ntiêx têz ntu 2021-2025” tâu kriz uô. Đhâu co cxuô cấp, cxuô nganhx, cxuô thax tsav qơư li jênhv pâuz thiêz txơưx jênhv hâur côngz xưv đối ngoại tưz tâu gra siêz đuô.

Iz chas uô truôx jông, huôv tsar coangz siv cxôngx nzor đros tỉnh Vân Nam (Trung Quốc) li cxuô thax tsav qơư, têx tỉnh Bắc Lào, tỉnh cux tưz zok nriêr, kriz uô cêr coangz siv đros Hàn Quốc, Bungari li cxuô thax tsav qơư. Nhiv no tỉnh Lai Châu li cxuô nganhx thiêz cxuô thax tsav qơư cir jênhv 3 kror sik côngv đros tos Hàn Quốc lok tror chiê nênhs nhoz ntơưv Hàn Quốc uô lox tôngv thiêz tỉnh Lai Châu cux tưz tso chor nênhs muk uô hâux lưv đros cơ quan hlôngr njêx muôs ngoại giao saz đrâuv têz qơưk ntơưv Việt Nam.

Chor hâux lưv ngoại giao kinh têr kriz uô tâu ntâu kror jông. Tsênhv tsênhz, Lai Châu cux tưz hêik tâu 2 dưv anr paz txix Cuiv sik côngv txix ntâu tos trâu huyện Nậm Nhùn thiêz Phong Thổ; Chinhr phuv Nhật Bản 2 dưv anr trâu huyện Tân Uyên thiêz huyện Mường Tè; hêik chor tsưr tsix phi chinhr phuv saz đrâuv têz qơưk paz trâu tỉnh li têx kror tsênhv njiz trâus ntâu phiv liv li Đại sứ quán Trung Quốc thiêz Đại sứ quán Ấn Độ li chor tsaz yênhx học bổng paz trâu shux xênhz tỉnh Lai Châu. Iz chas co tỉnh cux tưz zok nriêr qơư muôs trâu têx hax huv kôngz nuv muôx ntơưv tỉnh; hâur co tsuv hêik txos Lai Châu zos luz tỉnh xuz thơưx ciês nhoz têx tỉnh faz Bắc tsưr tsix hôiv thảo paz muôs chor yuôx zêx muk trâu chor têz qơưk nhoz thax tsav Trung Đông, Bắc Phi thiêz Nam Á.

PV: Thor cox puz pâuz tỉnh Lai Châu têx tsưr ziv lok côngz xưv đối ngoại hâur ntu zuôr txos zos li chal?

Zơưv Kiều Hải Nam: Đros Lai Châu zos tỉnh nhoz kuôk đêz têx tsênhv qơư kinh têr lox, thax tsav trâus cêv kuôk phiv liv, cêr muk lok tsênhv đaz tuôs thiêz têx vênhx huôv sik txơưr cux zos iz kror phiv liv lox trâu Lai Châu hâur hâux lưv kriz uô huôv tsar têx kror liv. Đros têx phiv liv cxuô sâuv ntiêx têz thiêz thax tsav mak hâur ntu zuôr txos chiê uô tâu jông côngz xưv đối ngoại, Sở Ngoại vụ zuôr tsêx trung chiê hâu nov tỉnh tror hêik pâuz thiêz kriz uô huv zos Đảng, Têz qơưk têx cêr chêi lok côngz xưv đối ngoại. Lơưr co, tỉnh zuôr kriz uô ntâu kror, ntâu tsưr ziv lok coangz siv thiêz sir jos hôiv nhập ntiêx têz sâuv cxuô kror hâux lưv đros têx tsưr ziv uô huv đros lơưr tiêx tuk, sik côngv cov siz bâus, sik đros muôx liv, huv đros trâu chêi ntiêx têz têx cui tênhv.

Tiv oz zos zuôr uô truôx jông đuô têx tsưr ziv, chêi sik côngv zênhx muôx cov truôx jông thiêz tsênhv tsênhz.

Tiv pêz zos khov trâu chor cơ quan hlôngr njêx muôs ngoại giao Việt Nam nhoz saz đrâuv têz qơưk, cơ quan ngoại giao saz đrơưv têz qơưk ntơưv Việt Nam li têx paz hâur hâux lưv piêr pâuz lok Lai Châu li cxuô kror trâu chor tos sik côngv pâuz txos.

Tiv plâuz zos sir jos uô jông hâux lưv zuôr muôs nhoz ntus đriv Lai Châu đros chor tỉnh hâur thax tsav, tiv zix zos đros tỉnh Vân Nam (Trung Quốc), chiê zaz zâuv yưv pênhr thiêz kriz uô tâu kror liv muôx nhoz trôngx đriv.

Tiv tsiz zos sir jos cơưv shâuv têx tsưr ziv uô yiêz thiêz jông hâur côngz xưv đối ngoại txix cxuô thax tsav qơư hâur têz qơưk thiêz saz đrâuv têz qơưk. Sir jos uô jông sik côngv đros têx tỉnh, thax tsav hâur kriz uô chor hâux lưv đối ngoại./.

Thor uô cox tsâus ntâu!

Khắc Kiên-Lik Thox cxêik nhênhv