“Tsưr ziv jông” por hưv đas jos trâu tsôngv pêx xênhv thax tsav tox siêz Lai Châu

“Thâuv ntêx chor nhuôs cux tưz zôngv têx ntơưr bảo hiểm no lơưv, đhâu thâuv tâu tas hax mak chuôz zis cux tror zuôr trâu têx tuz nhuôs. Chuôz zis tưz zuôr tâu 2 shông lok no thiêz thâuv tưs muôx moz gênhk, lok sik muk gra yuôx ntơưv qơư y tế xã mak gra zuk têx ntơưr bảo hiểm muk, zuôr tâu pheiz yuôx trơưk cui tinhv”.

Zơưv Hoàng Văn Hải nhoz jok Thèn Thầu, xã Bình Lư, huyện Tam Đường (Lai Châu) thâuv muôx ntơưr BHYT tưz muôx têx tâu seiz njuôk shuôs moz zôngx ziv đuô.

Thâuv ntêx, ntâu lênhx pêx xênhv nhoz tox siêz Lai Châu cux tsênhv tsi tâu moz siêz txos BHYT têx muôx liv, xar tiêk co tsuôk zos lav zuôr chiê muôx tso trâu ntơư xưz. Taz sik, đhâu têx jiês yax kriê thiêz tsênhv tsênhz thâuv muôx moz gênhk, tsôngv box tưz pâuz tâu jông, BHYT tsi tiêk paz txo grêk tsơưs têx phiv liv lok nhiêx txiêx thâuv muôx moz, tsênhv paz tâu ntâu zav lok đas jos trâu chor nênhs hâur chuôz zis thiêz. Pos Hoàng Thị Tấn, nhoz jok Thèn Thầu, xã Bình Lư, huyện Tam Đường heik pâuz:

“Hnuz no hnor tiêk, muôx canr bôv huyện tuôx yax kriê lok BHYT txưv zênhv, cur pov BHYT lok six muôx liv trâu zuk. Cur chuôz zis tưz zuôr BHYT chiê bax phax trâu thâuv muôx moz gênhk, muk nhoz tsêr kho moz ntơư, cux txo grêk tsơưs tâu iz phênhv têx nhiêx txiêx thêv kho moz trâu chuôz zis”.

Đhâu thâuv uô tâu tiêr luôs hâux lưv cxiv tsa jêx jok yiêz shông 2019; lơưr Thủ tướng Chính phủ Quyế định 861, xã Bình Lư, huyện Tam Đường muôx 4 jok pêx xênhv tsi tâu paz zuôr ntơưr BHYT lơưv. Co zos iz hâur têx phiv liv trâu hâu nov ntơuv qơư, viv tsênhz tiês pêx xênhv luz nênhx tsênhv yuôr ntâu txov nhêv.

Zơưv Nguyễn Thái Bình, Phưv Chủ tịch Ủy ban xã Bình Lư, huyện Tam Đường heik pâuz: Txix ntâu faz tsưr ziv yax kriê, fuô uô tâu jông, txos nhiv no tas nro xã tưz muôx 90% ntâu pêx xênhv zuôr ntơưr BHYT, Bình Lư cux zos iz hâur têx thax tsav muôx ntâu tus chôngz lênhx nênhs zuôr ntơưr BHYT txưv zênhv đuô hur si hâur huyện.

“Hâur têx shông đhâu, cấp ủy, hâu nov ntơưv qơư tưz hux jos jông đros BHXH huyện uô jông luôs hâux lưv yax kriê, vênhv tôngv tsôngv lax pêx xênhv sir jos zuôr têx ntơưr BHYT txưv zênhv. Tsôngv pêx xênhv hâur thax tsav sir jos zuôr ntơưr Bảo hiểm tưz paz hâu nov ntơưv qơư uô tâu jông luôs hâux lưv truôx tuk xã hội trâu pêx xênhv”.

Thôngz sâu hâur tas nro tỉnh Lai Châu, txos nhiv no, chor nênhs zuôr ntơưr BHYT tưz tax 92% ntâu. Txix hâur shôngk shông txos nhiv no, cơ quan bảo hiểm ntơưv qơư tưz thêv têx nhiêx BHYT trâu 432 cxênhz ntâu lênhx nênhs, xav tas muôx 268 tyv đeiv ntâu.

Taz sik, iz chas chor nênhs tâu têz qơưk paz zuôr BHYT, nhiv no hâur thax tsav qơư muôx 38 xã tox siêz đêz đrôngs hâur ntu 2016-2020 tâu tso nhoz hâur thax tsav tsi txov nhêv ntu 2021-2025. Têx li heik no cux iz zav pêx xênhv nhoz chor xã heik sâuv zuôr tsi tâu têz qơưk paz zuôr ntơưr BHYT, sơưr đơưk tsuv nhiêk muôz nhiêk nhiêx khâuz hnaz zuôr BHYT xưz.  

Pos Vũ Thị Hoài Gương, Phưv Giám đốc BHXH tỉnh Lai Châu khav tinhv, Đảng, têz qơưk tưz tso tơưv hâux lưv tas nro tsôngv pêx xênhv muôx ntơưr BHYT, uô txos luôs hâux lưv truôx tuk xã hội trâu pêx xênhv. Chênhr viv li, Lai Châu tưz thiêz tsênhv hu zâuv tas nro cxix luôs chính trị sik đros yax kriê, vênhv tôngv chiê ziv hnuz ziv muôx ntâu tus chôngz lênhx nênhs zuôr ntơưr BHYT.

“Txix ciês hâur shôngk shông, pêz tưz nhênhv chơưv trâu Ủy ban tỉnh Lai Châu tso tơưv ntâuz ntơưr chox kriê; hux jos đros têx cơ quan ntơưr pov tsir, đeix cxơưz tiês yax kriê txos trâu yênhx jêx jok cux li têx huyện, xã chiê hâu nov sik đros uô luôs hâux lưv co. Pêz cux hu zâuv tas nro chor canr bôv viên chức hâur ngênhx txix tỉnh txos huyện sik côngv têk, phênhz thiêz choz hâux lưv tsênhz mênhx trâu yênhx lênhx nênhs muk cxuô jêx jok, xã; cux li paz canr bôv y tế ntơưv qơư đơưk têx phiv liv, uô tsi tâu tsi tiêr chiê pêx xênhv pâuz tsênhz BHYT têx muôx liv jông”.

Zuôr ntơưr BHYT chênhr zos sik pheiz kênh, paz txo grêk tsơưs têx phiv liv lok nhiêx txiêx hâur côngv thôngx trâu nênhs moz. Thâuv lênhx nênhs zuôr ntơưr BHYT muôx đas jos jông, tsi trâus muôx moz gênhk li chas, chor nhiêx muôz zuôr ntơưr BHYT ntơư zuôr tâu pheiz kênh paz trâu chor nênhs trâus muôx moz. Thiêz thâuv zuk trâus muôx moz gênhk, thâuv co chênhr lênhx nênhs zuôr ntơưr BHYT zuôr tâu sơưv chor nhiêx sơưr đơưk hâur côngv thôngx muôz zuôr ntơưr seiz njuôk shuôs, kho moz. Txix têx muôx liv thiêz jông no, tsôngv box tsuv sir jos zuôr ntơưr BHYT, chênhr viv li co, sơưr đơưk zos lênhx tưs trâus muôx moz gênhk mak zuôr tâu paz têx nhiêx BHYT li heik sâuv tsưx phưv đas jos./.

Khắc Kiên-Riê Lâux cxeik, nhênhv

Tỉnh Sơn La li pênhr jos thiêz tsưr tsix uô hâux lưv hlôngr yiêz năng lượng hur

          Tỉnh Sơn La xav tênhv huiz tôngv tas nro têz qơưk thiêz têx lênhx nênhs sâuv thax tsav tỉnh li pênhr jos chiê uô têx jênhv vưv, tsưr ziv txu grês pa kiês nênhs, hlôngr yiêz năng lượng hur hâur nganhx zaoz thôngz vênhv teiv chiê krêz uô, tsênhz mênhx:

          - Têx tsaz yênhx, jênhv vưv, dự án lok công nghệ hur, txu grês pa kiês nênhs, huiz tôngv tas nro têx paz txưv txix têx cuiv nhiêx txiêx qiv hơưv.

          - Têx dự án huôv tsar zaoz thôngz cxuô zav hur huiz tôngv pênhr jos txix nhiêx txiêx têz qơưk, huiz tôngv txix yưv pênhr tư nhân thiêz đối tác công tư…

          - Yưv pênhr yiêz, yưv pênhr hlôngr yiêz phaz pênhv, chuôz zênhx zaoz thôngz vênhv teiv sir zôngv tênhv, năng lượng hur huiz tôngv paz txưv txix têx cuiv nhiêx txiêx qiv hơưv, txix xã hội, doanh nghiệp, tsôngv box.

          Bê têx dự án tsênhv phưx vưv hlôngr yiêz năng lượng hur sâuv thax tsav tỉnh Sơn La.

          Lok dự án cấp trung ương: Heik tuêv tsưr tsix yưv pênhr cxiv tsa cêr muk chênhr Hòa Bình-Mộc Châu, ntu cêr nhoz thax tsav tỉnh Sơn La; sik côngv huiz tôngv têx pênhr jos thiêz krêz uô hâux lưv yưv pênhr cxiv tsa cêr muk chênhr Mộc Châu-TP Sơn La-Điện Biên; thix ziv cxiv tsa thiêz kho đuô iz cxiê ntu cêr li: niêv cêr 37 ntu Gia Phù-Cò Nòi; niêv cêr 43 ntu Mộc Châu- Lóng Sập; cxiv tsa yiêz tul qox Vạn yên…thix ziv đros Trung ương tso chei yưv pênhr cxiv tsa qar yêz za Nà Sản.

          Lok dự án cấp tỉnh: Kho đuô iz cxiê txox cêr muk lok hâur tỉnh li: Cêr 101, cêr 102, cêr 104, cêr 105, cêr 105A, cêr 112…cxiv tsa cxix luôk cêr zaoz thôngz niêv đrôngs (têx cêr lox hâur sâuv niêv đrôngs Sơn La, Mộc Châu, Mai Sơn lơưr Njuôs xav cxiv tsa niêv đrôngs); cxiv tsa yênhx trus cxix luôk cêr nhoz đrâuv niêv đrôngs.

          UB tỉnh Sơn La choz Lênhs tov têx Sở, ban, nganhx, Chủ tịch UB têx huyện, TP thiêz têx chiz coaz, taz viv muôx lênhx coaz tsov lơưr jênhv vưv, txơưx jênhv chuv tôngv krêz uô muôx chêx cuk njiêz luv tsưr ziv no lok sik uô uô cê têx njiêz luv tsưr ziv no lok hâur nganhx, vênhv thix li tsưr ziv yênhx shông tâu choz phưv txơưx chiê krêz uô.

          Choz Sở zaoz thôngz vênhv teiv lov lik, sik côngv đros têx Sở, ban, nganhx, chiz coaz, taz viv, tiv phaz seiz njôngr, cxơưz cxiz hâux lưv krêz uô muôx chêx cuk Tsaz yênhx huôx tôngv hlôngr yiêz năng lượng hur, txu grês têx pa các-bon thiêz pa mê-tan hâur nganhx zaoz thôngz vênhv teiv sâuv thax tsav tỉnh./.

 (Hồng Việt-Txâur Vax cxeik nhênhv)