Lào Cai kriz uô têx muôx  liv ntơưv trôngx đriv cêr ar

           Đhâu iz hli txox cêr mê Lồ Cố Chin nhoz xar Pha Long thiêz trôngx đriv Mường Khương, tỉnh Lào Cai tror kriz trôngx huôx tôngv tưz muôx yênhx cxênhz lênhx nênhs nhoz oz saz ntus đriv muk lok đhâu ntus đriv chiê sik njiz, zuôr muôs hax huv. Pox nhuôs iz cxiê hax huv kôngz nuv uô tâu cux tâu thâux tuôx muôs muk lok đhâu ntus đriv.

         Thâuv ntêx, tix lâus Quáng Xênhv Hav nhoz huyện Mường Khương xar muk sêiz shuôk têx fôngx zưs saz ntus đriv đrâu, tsuv grêk tuôx trâu ntơưv Trôngx đriv Ntiêx têz Lào Cai thiêx muk tâu. Đhâu ciês thâuv trôngx đriv Mường Khương tror kriz kror trôngx, tix lâus lok six shir phaz viv muk lok zôngx ziv: “Trôngx đriv nhiv no tưz tror kriz thiêz pêz muk lok cux zôngx ziv đuô. Canr bôv Pênhz phax cux uô sêi têx ntâuz ntơưr chiê pêz muk lok sêiz têx nênhs cxênhz jê, fôngx zưs sơưr đơưk”.

           Ntơưv Trôngx đriv ntiêx têz cêr ar Lào Cai, chor nênhs zuôr muôs hax huv, ndis shuôk têz qơưs shir phaz lul muk lok đhâu. Chênhr zos muôx tsênhv chêi paz pêx xênhv nhoz oz saz ntus đriv, iz phênhv tưs chor nênhs nhoz no tsênhv muôx tâu phênhv sâu truôx txix muôs têx hax huv đhâu ntux đriv. Đros kho đuô cêr cxuô zav, chor lưx lươngv muôx vax huôv tsênhv paz uô jông tiv zix trâu chor nênhs zuôr muôs hax huv muk lok đhâu ntus đriv zôngx ziv.

           Đhâu iz ntu thax tsav qơư tsêr liên nganhx tưz kho tâu tiêr chox lok sir zôngv. Muôx cxix cxuô têx chuôz zênhx jông, huv đros trôngx đriv ntiêx têz thiêz txo grêk tsơưs trâu pêx xênhv thiêz tsôngv kruô ndis shuôk têz qơưs uô ntâuz ntơưr muk lok đhâu ntus đriv. Xav kror đruôz đraz, iz hnuz muôx txix 2.000-3.000 lênhx nênhs uô ntâuz ntơưr muk lok đhâu ntus đriv. Zơưv Lê Hồng Điệp, nhoz phường Lào Cai, thành phố Lào Cai hêik: “Yênhx hnuz cur uô jos thiêx gra tex hax huv, tâu nhiêx côngz. Pox nhuôs cux sâu tâu nhiêx muôs jâuz tâuv. Pir li thâuv ntêx no mak truôx tuk đuô lơưv”.

          Lok saz lưx lươngv muôx vax huôv tỉnh Lào Cai, đros sir jos txo grêk tsơưs uô ntâuz ntơưr  trâu têx hax huv, zaz zâuv nzir doanh nghiệp muk lok đhâu trôngx đriv sâuv thax tsav, hâux lưv qênhz yuôx, taz por hax huv tâu thâux xa đhâu trôngx đriv zos têx hax huv tâu tso chêi cux tâu sir jos kriz uô. Zơưv Phạm Văn Phúc, Phưv Chi cục trưởng Chi cục hải Quan Trôngx đriv Lào Cai puz pâuz: “Kriz zuôr muôs hax huv đhâu ntus đriv lơưr Bôv Công thương li Thông tư . Qênhz yuôx, sêiz kaz jông chor nênhs nhoz ntus đriv zuôr hax huv lok hâur Việt Nam cov huv đros tsik thêv  nhiêx sê…”.

          Ntu đhâu, tỉnh Lào Cai (Việt Nam) thiêz tỉnh Vân Nam (Trung Quốc) tưz tsưr tsix ntâu huôx tôngv sik njiz, cxơưz cxiz uô truôx jông luôs hâux lưv zuôr muôs hax huv đhâu ntus đriv. Iz chas têx sir jos co tưz paz uô truôx jông đuô cêr coangz siv thôngx ziv nhoz oz tỉnh thiêz paz hêik pâuz lok têx xor mông, nzor đơưk kho têx phiv liv zuôr muôs hax huv, muk lok đhâu trôngx đriv. Tiv zix, Hôiv ciêz zuôr muôs hax huv ntiêx têz Việt-Trung jiês tiv 23 zuôr tâu tsưr tsix ntơưv Lào Cai trâu đraz hli 11 zuôr txos no. Thôngz đhâu jiês ciêz no zuôr tror paz muôx ntâu kror jông hâur sik côngv yưv pênhr, paz cxơưz cxiz luôs hâux lưv zuôr muôs hax huv cov ziv hnuz ziv tâu truôx jông lok têx muôx liv txix kinh têr trôngx đriv./.

TTTB-Lik Thox cxêik nhênhv

Sơn La đơưk têx phiv liv, muôz cêr thôngx siêz trâu pêx xênhv muôz têx jok uô cê yênhx iz jok

           Tsêr vênhx huôv jok Mòn, xã Thôm Mòn, huyện Thuận Châu, tỉnh Sơn La tâu cxiv uô txix shông 2013. Thâuv co têz qơưk paz 50 tsov đeiv, đuôli zos tsôngv pêx xênhv hâur jok sik đros côngv paz uô, xav hur si tas xar muôx 200 tsov đeiv. Tsêr vênhx huôv no tsuôk txâuk trâu nhos 70 lênhx nênhs tuôx nhoz cơưv, taz sik têx chuôz zis pêx xênhv hâur jok tưz muôx txos 300 ntâu ziv. Muôz tsông, ruôr por tsês mak khur xiv, chiê nưk nhoz nưk ho tsi txâuk xênhz huôx, cơưv jêx jok, lar heik zos têx hnuz lok nas. Têx li heik co cux iz zav li yênhx puô luz tsêr vênhx huôv txơưr đuô nhoz Sơn La nhiv no tsênhv tsi jông, tsi txâuk chiê xênhz huôx, cơưv jêx jok đhâu thâuv muôz iz cxiê jok uô cê yênhx iz jok. Zơưv Lò Văn Hải, Bí thư, tsar jok Mòn, xã Thôm Mòn, huyện Thuận Châu, tỉnh Sơn La heik: “Phiv liv yax zos lok sâuv cơưv jêx jok thâuv hu sơưr đơưk tuôx cơưv. Hâur tsêr mak tsuôk txâuk 70 lênhx nênhs jâuv xưz. Yuôr đuô li zos jâuv saz đrâuv jôngr”.

            Tsêr vênhx huôv jok Hợp Nhất, xã Thôm Mòn tsênhv muôz trâu qơư y tế xã nhoz tax chiê uô hâux lưv hâur ntu tsênhv nhoz tok cxiv uô đuô qơư yiêz. Tsêr vênhx huôv co tưz zênhx ti, mê grêiv lơưv, nhiv no ho muôz 2 jok lol đros thiêz viv li thâuv cơưv jêx jok ziv phiv liv. Cux txix têx li heik co, tsôngv pêx xênhv sơưr đơưk khênhr tsi yuô tuôx cơưv thâuv hu txos. Zơưv Lò Văn Thịnh, Bí thư, Tsar jok heik pâuz: “Pêx xênhv nhiv no chôngz, thâuv ntêx iz jok ntơư tsơưs nênhs xưz. Nhiv no muôz 2, 3 luz jok uô cê yênhx iz jok, cơưv mak cơưv đrâuv yar tiêx li no”.

            Hâur ntu đhâu, muôz iz cxiê luz jok uô cê yênhx iz jok ntơưv xã Thôm Mòn, huyện Thuận Châu tưz muôx yưv têx li: Tsêr vênhx huôv sênhv tsês, tsi zôngv uô đaz tsi, taz sik ho tsi muôx qơư đar, tsêr vênhx lox txâuk trâu pêx xênhv xênhz huôx, cơưv jêx jok. Zơưv Lò Văn Đỉnh, Chủ tịch Ủy ban xã Thôm Mòn, huyện Thuận Châu, tỉnh Sơn La heik: “Zos xav lok sâuv cxiv uô tsêr vênhx huôv lox đar chiê txâuk trâu pêx xênhv xênhz huôx, cơưv jêx jok thiêz cxiv uô iz cxiê côngz trênhx uz no đros mak cux tas nhos 4-5 tyv iz luz tsêr vênhx huôv thiêx txâuk txix 300 chuôz zis tror zar sâuv cơưv, xênhz huôx jêx jok”.

            Đhâu 3 shông muôz iz cxiê jok hâur thax tsav huyện Thuận Châu lok uô cê yênhx iz jok li heik sâuv, tưz txo grêk tsơưs txix 570 jok yuôr 355 jok. Hâur shông no huyện tror muôz iz cxiê jok lol uô cê yênhx iz jok li heik ntơư hâur 11 xã. Taz sik yưv pênhr cxiv tsa tsêr vênhx huôv trâu têx jok đhâu muôz lok uô cê yênhx iz jok cux njiz tsi tsơưs phiv liv tiv tsi muôx nhiêx txiêx cxiv uô. Zơưv Nguyễn Đức Thặng, Phưv chủ tịch  HĐND huyện Thuận Châu, tỉnh Sơn La heik pâuz: “Luôs hâux lưv uô lơưr tsưr ziv no tsuv uô trơưk thiêz fuô uô cxix cxuô, taz sik tsuv seiz lok tsênhv tsênhz hâur yênhx thax tsav, yênhx jêx jok, suôv qơư chiê tâu tsôngv px jông siêz, thôngx ziv đros”.

            Hâur shông no, huyện Thuận Châu, tỉnh Sơn La tror muôz iz cxiê jok hâur 11 xã lok uô cê yênhx iz jok, tas nro huyện zuôr txo grêk tsơưs yuôr 336 jok. Hâur têx jok co, cux tsênhv yuôr 82 jok tsi tâu tâu trơưk li cui tinhv lok sâuv ziv chuôz zis, viv têx jêx jok nhoz tsi siz jê, phôngz cxưx cêr nênhx vênhx huôv lok cux tsi siz thôngx. Chiê uô tâu têx luôs hâux lưv co, cấp ủy, hâu nov cxuô cấp ntơưv qơư tưz sir jos yax kriê chiê tsôngv niêv txir lax pêx xênhv muôx cêr sik thôngx ziv thâuv muôz chor jok ntơư lok uô cê yênhx iz jok; đơưk têx phiv liv yưv siv, tsi jông siêz; nhênhz chơưv trâu tỉnh muôx tsưr ziv, tsênhv chei cxiv kho huv đros. /.

Nguyễn Thủy-Riê Lâux cxeik, nhênhv