Sâm zos tsôngv box La Hủ nhoz Lai Châu tsoz chos hla đhâu cêr pluôk

          Trơưk tix lâuk Pờ Xồ Hừ, mênhx cxưx La Hủ, nhoz jos Sín Chải B, xã Pa Vệ Sử, huyện Mường Tè, tỉnh Lai Châu, hâur iz jiês muk zok har jôngr, tưz pov iz tsoz chos  jông txơưr cxuô zav tsoz chos, tix lâuk khơưz  hâur pâuk pov muôx kok, tix lâus muôz luz krok co chox lok nox siv mê njik pov iz chê tsik yuô gênhk. Đhâu co, hâur cxuô jiês muk zok har jôngr, tix lâuk puôr lênhx zok nriêr tsoz chos co chox lok trâu chuôz zis chos thiêz râuz đêx hâuk. Tsoz chos co tâu tsôngv box hu sâm tiv phaz thiêz tov kaz no tâu chiz coaz muôx txơưx jênhv hu zos sâm Lai Châu. Tix lâuk Pờ Xồ Hừ pheiz kênh: Tix lâuk chuôz zis nhiv no muôx 60 tsoz sâm uô zuz thiêz txos nhiv no phênhv ntâu pox nhuôk hâur jêx jos tưz sik côngv đros doanh nghiệp chiê chos. Viv qiv hơưv, ar têz nhoz tiv phaz huv đros, tsoz chos sâm huôv tsar jông. No zos tix lâuk chuôz zis thiêz pox nhuôk hâur jos li siêz xar njôngr chiê huôv tsar uô nox muôx tâu luz nênhx truôx tul:  “Cur chuôz zis li vax chos sâm huôv tsar jông. Txix têx tsoz chos qir thơưx, chuôz zis tưz huôv tsar chos vax đar đuô thiêz cungz nôngz zuz trâu pox nhuôk hâur jos. Zos huôv tsar jông, txos shông 2025 chuôz zis zuôr muôx ntâu zuz đuô chiê muôs, cux xưk li krêz đar mênhv chêx chos. Njênhs njôngr zos sâm zuôr muôs tâu grê chiê chuôz zis muôx phênhv sâu, pox nhuôk muôx tâu luz nênhx truôx tul đuô”.

          Đhâu ntâu shông nhênhz chơưv, chiz coaz muôx txơưx jênhv tỉnh Lai Châu xav tênhv tsoz sâm Lai Châu muôx ntâu tsơưr jông trâu đas jos thiêz muôx tsiv grê kinh têr siêz. Jênhv pov têx liv zix jông txix tsoz sâm Lai Châu, ntâu ziv chuôz zis tsôngv box nênhs La Hủ nhoz jos Sín Chải B tưz jênhv uô zuz lok sik nriêr zuz pêv har jôngr lok chiê krêz đar mênhv chêx chos. Nhiv no, nhoz têx jêx jos nênhs La Hủ zôngx ziv pov têx vax chos sâm tâu xor their jông.

          Cux li ntâu lênhx tsôngv box nênhs La Hủ txơưr, txix chủ trương por vêv thiêz huôv tsar chos tsoz chos muôx tsiv grê kinh têr siêz no, shông 2018 tix lâuk Pừ Và Hừ, Tsar jos Sín Chải B, xã Pa Vệ Sử cuiz tênhv chos 6 cxênhz 500 tsoz sâm Lai Châu. Shông 2019, pov tsoz chos no hloz lox jông thâuv chos hâur jos, tix lâuk chuôz zis thiêz 46 ziv chuôz zis hâur jos sik côngv chiê chos yênhx vax chêx chôngk. Txos nhiv no chor chuôz zis hâur jos Sín Chải B li vax sâm tưz krêz đar txos 3 hecta. Tix lâuk Pờ Và Hừ pheiz kênh: “Huôv tsar uô nox txix chos sâm chox lok têx liv zix jông trâu tsôngv box. Cur tưz uô trâur nuv chiê chos siv thiêz pov huôv tsar jông. Nhiv no cur chuôz zis chos tâu 6 cxênhz 500 tsoz sâm gra pêv har jôngr lok. Sâm no chox lok chêx cuk kinh têr trâu tsôngv box paz tsôngv box hla đhau cêr pluôk thiêz sir jos huôv tsar uô bluô nux”

          Zơưv Đao Văn Khánh, Chủ tịch UB huyện Mường Tè, tỉnh Lai Châu puz pâuz: Mênhx cxưx La Hủ tsav 20% jênh số hâur huyện thiêz nhoz uô nênhx phênhv ntâu ntơưv têx xã ntus đriv li Tá Bạ, Pa Ủ, Pa Vệ Sử…chor ziv trâu yeiz pluôk tsav zuôr xar 80%. No cux zos têx thax tsav muôx têx ar têz jông huv chiê huôv tsar chos yuôx njuôz, hâur co muôx sâm Lai Châu thiêz zos txơưx huôv tsar uô mak zuôr paz tsôngv box cxuôv yeiz thiv pluôk truôx vênhs thiêz sir jos uô bluô nux.

          Taz sik, cux lơưr zơưv Khánh, nhiv no chính sách paz xưv thiêz seiz car hâux lưv huôv tsar nôngz sâm Lai Châu hâur tsôngv box tsênhv tsi tâu uô jông; zaz thôngz cxuô zav muk têx jêx jos tsôngv box La Hủ tsênhv phêv liv. Chiê car chêx têx phêv liv no, tỉnh Lai Châu tưz tso tơưv Nghị quyết thiêz đề án huôv tsar sâm Lai Châu thiêz tâu têx huyện krêz uô txix nghị quyết huv đros thiêz qênhx shênhx nhoz tiv phaz. “ Pêz cux tsênhv đros cấp ủy, chính quyênx thax tsav muôx ar têz, qiv hơưv jông chiê huôv tsar chos sâm cxiv tsa thax tsav lơưr njuôs xav. Sik côngv đros têx taz viv hâur tỉnh zaz zauv doanh nghiệp, phuôx huiz nôngz sâm tiv phaz mak tsôngv box tsênhv huôv tsar. Ntu zuôr txos huyện zuôr chêx chôngk huiz tôngv têx pênhr jos yưv cxiv tsa cơ sở cxuô zav, zaz zâuv lênhx nênhs thiêz tsưr tsix huôv tsar sâm sâuv mênhv chêx đar nhoz thax tsav huyện”.

          Tsoz chos sâm tưz tâu tỉnh Lai Châu chox lok sâu trâu hâur nghị quyết chiê huôv tsar chos txos shông 2030, mênhv chêx chos sâm tax muôx nhos 3 cxênhz hecta, sâu tâu muôx nhos 30 tênhr iz shông./.

Khắc Kiên-Txâur Vax cxeik nhênhv

Tsêr nhiêx Kôngz nuv Agribank tror txo grêk nhiêx nju tso kêr txeik paz tsôngv kruô hâur  shông 2024

           Uô lơưr Chính phủ, tsêr nhiêx têz qơưk tsưr ziv kriê lok fuô uô têx tsưr ziv paz max tsôngv pêx xênhv thiêz doanh nghiệp kêr txeik pênhr hla đhâu phiv liv, truôx tuk luz nênhx, huôv tsar uô lax luôv, txix ciês hâur shôngk shông 2024, tsêr nhiêx Kôngz nuv tror cxiv kho txo grêk têx nhiêx nju tso kruô txeik huôv tsar uô nox.

           Iz chas co, txix hnuz xiêz 01/01/2024, tsêr nhiêx Kôngz nuv tror cxiv kho têx chei paz zuôr nhiêx nju tsơưs trâu têx lênhx kruô kêr txeik pênhr huôv tsar uô lax luôv, txeik uô têx hâux lưv zov chênhr phưx vưv luz nênhx txix 7% iz shông, six hơưv uô lơưr tâu xav txix iz shông txos 2 shông. Iz chas ntơư, cxiv kho txo grêk 0,5% iz shông trâu têx lênhx nênhs txeik uô hâux lưv zuôr muôs ar.

           Hâur shông 2023, txix têx txo grêk nhiêx txiêx hu zâuv luôs lưv tus muôz nhiêx tso hâur tsêr nhiêx, tsêr nhiêx Kôngz nuv tưz 8 jiês cxiv kho txo grêk nhiêx nju tso txeik, iz chas ntơư nhiêx nju tso txeik tưz txo grêk txix 1,3-4% iz shông pir li hâur shôngk shông. Tsi tas li, Tsêr nhiêx Kôngz nuv tsênhv fuô uô ntâu tsaz yênhx paz max nhiêx nju tso kêr txeik li: Txeik huôv tsar jôngr-đêx nuv; tsaz yênhx paz nhiêx nju lơưr chính phủ Nghị định sôr 31/2022/NĐ-CP; tsaz yênhx tso txeik paz uô tsêr nhoz lơưr Chính phủ Nghị quyết 33/NQ-CP; tso txeik paz canr bôv nhân viên y tế; tsaz yênhx paz doanh nghiệp ngênhx tsiv uô, zuôr muôs têx blêx, cxur thax tsav tiêx đras niêv đêx Cửu Long.....

          Đros trâu têx li heik sâuv, tsêr nhiêx Kôngz nuv tưz fuô uô 03 tsaz yênhx txo grêk tsơưs nhiêx nju trâu zuôr xar 2 tsov lênhx kruô kêr txeik pênhr, xav hur si ndê txos iz cxênhz tyv đeiv ntâu hâur shông 2023 thiêz zuôr tror uô trơưk li heik co hâur shông 2024./.

Hồng Việt-Riê Lâux cxeik, nhênhv