230 ntâu tênhr hax huv txix Đăk lăk tâu thâux muk paz tsôngv box thax tsav trâus ntux nas ruôr hiêv

          Tsuôk hâur 2 hnuz, 19 jiês yêz thâux 230 ntâu tênhr hax huv muk txix tsênhv qơư Buôn Ma Thuột, tỉnh Đăk Lăk muk têx tỉnh faz Bắc. No zos chor hax huv tsôngv box Đăk Lăk gôngr côngv paz tsôngv box têx tỉnh tsênhv trâus zênhr shar tiv coz nas chuô số 3. Tix lâuk Bùi Xuân Phong, tsưr yêz Phong Thương nhoz Đăk Lăk, phưv txơưx tso yêz thâux hax huv puz pâuz, 5 yêz xuz thơưx muk txix hmo xiêz 10/9 tưz txos Thái Nguyên thiêz Tuyên Quang:“5 yêz nhiv no tưz muk txos Thái Nguyên thiêz iz cxiê qơư nhoz Tuyên Quang. Thâuv muk pêz cux nriêr pâuz thiêz hu xor tôngx trâu saz Tuyên Quang thiêz Thái Nguyên viv li lơưr cux shir phaz tos jênhv thiêz bax qơư tso têx hax huv chơưv paz”

          Têx yêz puôr lênhx tsi so muk chiê ciêr chênhr tuôx txos têx qơư tos jênhv nzor tiv zix. Sâuv 1 yêz muôx 3-4 lênhx nênhs tsar yêz sik hlôngr tsar. Cxaz chuôz đros chor yêz muk hâur hmo 11/9, tix lâuk Trần Đức Vinh, nhoz phường Ea Tam, TP Buôn Ma Thuột pheiz kênh:“Tas nro cxuô lênhx nênhs sik côngv tês viv nhiv no tsôngv box faz Bắc li luz nênhx lok six phêv liv, zuk paz tâu phênhv tưs mak cux sir jos. Chuôz zis li yêz mak zâu muk tsi tâu viv li cur muk yêz công ty. Chuôz zis cux gôngr paz, zar hnuz keix cur pox niêv thiêz mê nhuôk puôr lênhx tuôx paz gra hax huv trâu sâuv yêz”

          Huôx tôngv gôngr paz ntơưv Đăk Lăk tsênhv tâu tsưr tsix ntơưv têx tsênhv qơư TP Buôn Ma Thuột li  qar tiêx xiêz 10/3, tsêr kruô Công đoàn, tsêr tưr thik Đăk Lăk…tsôngv box gra tuôx têx chuôz zênhx, zav nox chiê gôngr paz. Txơưv nyar ntux lok sik lok nas, txix nênhs lâuk txos mê nhuôk zâu puôr lênhx gra têx huv đêx hâuk , cuô mik, yuôx, trik yo, mix tôm….tuôx gôngr paz.

          Ntơưv têx qơư muôs hax huv nhoz niêv đrôngs Buôn Ma Thuột têx hnuz đhâu tsôngv box thiêz yêz muk lok tsi so chiê zuôr hax huv gra muk paz  trâu px thax tsav trâus đêx nas uô ruôr hiêv. Lơưr niêv lâuk Võ Thị Bạch Nga, tsưr qơư muôs hax huv sâuv cêr Nguyễn Tất Thành, TP Buôn Ma Thuột, chor hax huv muôs tâu chuôz ndê 7 jiês pir đros têx hnuz fênhx yax. Thâuv pâuz lơưr zuôr chiê paz tsôngv box trâus ntux nas ruôr hiêv, pêz cux muôs xaz zênhz đuô chiê gôngr paz trâu tsôngv box faz Bắc:“Lênhx nênhs zuôr hax huv mak chuôz ndê ntâu tiv zix zos zuôr mix tôm, cuô mik, ….Têx zuôr trâus tiv zix lơưr cux xar tâu chiê zuôr xa trâu pox nhuôk thax tsav trâus ntux nas ruôr hiêv. Pêz cux muôk xaz zênhz tiv zix thiêz hnuz tưs tsôngv box tsênhv zuôr gôngr paz mak pêz tsênhv tuôr truôx grê muôs xa zênhz, tsuôk nyei muôx tsi txâuk hax huv chiê muôs lơưv xưz”.

          Đros co, tsôngv box nhoz Đăk lăk cux tsưr tsix uô lôngx xôngz tuôr, krưr nduôr blâuv chiê xa muk paz txưv. Niêv lâuk Lê Thị Mai Thy, nhoz phường Ea Tam, TP Buôn Ma Thuột heik, qir thơưx njuôs xav krưr 200 luz nduôr, taz sik khov đhâu mạng xã hội mak muôx ntâu lênhx nênhs tuôs gôngr paz chuôz zênhx thiêz krưr nduôr. Lênhs tov tiv phaz thiêz têx taz viv cux paz yêz thâux, qơư hâu nduôr thiêz meir krưr nduôr chiê taz por nduôr tsi trâus liêv thâuv tuôx txos tsôngv box tês:    “Uô nduôr blâuv krưr cov jông chiê thâuv tsôngv box jênhv tâu taz por hur thiêz nox ciês tâu. Qir thơưx njuôs xav uô 500 luz, tov kaz tsôngv box gôngr paz ntâu viv li uô txos 1 cxênhz luz”

          Đros têx siêz jông, đros tas nro têz qơưk gôngr paz tsôngv box trâus ntux nas uô ruôr hiêv, tsênhv box Đăk lăk tsênhv muôx têx hâux lưv uô tsênhv tsênhz gôngr paz tsôngv box faz Bắc. Têx hâux lưv uô txơưv tsi lox taz sik tso pov cêr sik côngv siêz, siz hluz siz paz đros siêz xar njôngr pox nhuôk nhoz thax tsav trâus ntux nas uô ruôr hiêv nzor hla đhâu têx phêv liv./.

                                                                                                                    VOVTN-Txâur Vax cxeik nhênhv