Tsôngv pêx xênhv Đắk Lắk siz chos paz zav nox xa trâu tsôngv box têx tỉnh faz Bắc trâul coz nas chuô sôr 3 uô ruôr hiêv

Txix ciês tas cik sơưr nzor, ntơưv Quảng trường 10/3 TP Buôn Ma Thuột, luz yêz lox thâux tâuk 15 tênhr tưz tuôx nhoz đrêk ntơưv ntus cêr Trần Quang Khải-Y Bih Aleo chiê lênhk txeik têx zav nox uz no tsôngv cưr tix nênhx tsa sơưr đơưk xa tuôx muk paz tsôngv box chor tỉnh faz Bắc trâul coz nas chuô sôr 3 uô ruôr hiêv. Tix lâus Bùi Xuân Phong, tsưr yêz Phong Thương, thâux xa kruô, hax huv muk lol txix Thái Bình trâu Buôn Ma Thuột heik pâuz, chor yêz uô hâux lưv jông siêz, paz thâux xa têx hax huv, zav nox sơưr đơưk siz chos paz muk têx tỉnh Thái Nguyên, Lào Cai, Yên Bái.... trâu pêx xênhv:“Muôx lok six ntâu yêz tsênhv nhoz tok saz đrâuv, đros thiêz tsưr ziv 3 six zar hnuz kêix 14/9, đoanx zuôr qir sơưr cêr ntơưv no muk trâu chor tỉnh faz Bắc. Nhoz no zos luz yêz tưs sơưr đơưk xa zav nox, hax huv uz no tuôx pur mak zuôr tso sơưr cêr muk ciês trâu 2 chas tỉnh. Lok six shir phaz, pêz nhiv kruôr fuô uô xưz, tưz muôx chôngz lênhx pêx xênhv Đắk Lắk siz zâuv gra têx hax huv, zav nox tuôx muk paz chor tỉnh faz Bắc. Uô tsâus lok six ntâu txos tsôngv cưr tix nênhx tsa sơưr đơưk têx cêr sik pheiz kênh, paz max”.

Tsuôk hâur zar tas cik, sơưr đơưk tưz gra ntâu zav nox, têx zuôr trâul txos li: Mì tôm, nduôr thax, đêx hâuk ntiv hâur hưx, cuô mik, yo hnar muk hâur đêx, tril yo sor tuôx tso pur yêz tas. Tsi tiêk gra hax huv, zav nox tuôx paz tsôngv box faz Bắc, ntâu lênhx tsênhv tso mông sâuv mạng xã hội chiê nthuôr đêz đar têx hâux lưv uô jông co trâu chôngz lênhx ntâu tus pâuz txos. Niêv lâul Nguyễn Thị Linh Chi, nhoz TP Buôn Ma Thuột heik:“Seiz pov tsôngv box faz Bắc njiz trâul phiv liv mak moz siêz cơưk, cur 2 vir ndâuk, nus muôs cux xar uô têx nuv tsênhv tsênhz thiêz jông siêz chiê muôx têx hu zâuv tâu chôngz lênhx ntâu tus hâur côngv thôngx sik côngv têk paz trâu têx lênhx tsôngv box njiz trâul txov nhêv, phiv liv li heik sâuv”.

Chôngz lênhx pêx xênhv gra cxuô zav tuôx paz, txix chor nhuôs shux xênhz, têx txir nzơưv niêv nzơưv, txir hloz niêv hloz, tuz lênhv, nênhs lox tôngv, têx lênhx lâul nênhs hnuz nhôngs siêz.... Pos Trần Thị Cảnh, 81 shông, nhoz TP Bà Rịa, tỉnh Bà Rịa-Vũng Tàu heik pâuz, Pos tsênhv tuôx shuôs pos tus nxeik trâu Đắk Lắk, thâuv hnor mông muôx tsaz yênhx uô têx nuv jông siêz heik sâuv, pos tưz thor chor nhuôs thâux pos muk zuôr mì tôm lok chiê xa paz trâu tsôngv box thax tsav trâul đêx nas uô ruôr hiêv:“Moz siêz thiêz pôngz siêz cơưk, tsi pâuz uô li chas, cur lâul lơưv. Nhiv kruôr seiz pov sâuv mạng xã hội tso têx mông heik lol chor nuv uô jông siêz heik sâuv, viv li cur tưz zênhx max sik đros paz mê njik hax huv, zav nox  chiê pheiz kênh cêr txov, phiv liv đros tsôngv box thax tsav trâul đêx nas uô ruôr hiêv”.

Trơưk li chor nênhs uô hâux lưv jông siêz heik, tsaz yênhx siz chos paz hax huv, zav nox co zuôr tror fuô uô txos tas hnuz 14/9, cxuô luz yêz tsuôk lênhk txeik têx zav nox, hax huv xưz, tsi lênhk sơưr đơưk têx nhiêx txiêx muôz paz. Đros trâu Đắk Lắk, chor nênhs uô têx nuv jông siêz cux tsưr tsix lênhk txeik tsôngv cưr tix nênhx tsa sơưr đơưk ntơưv huyện Đắk Song (tỉnh Đắk Nông), TP Pleiku (tỉnh Gia Lai) thiêz TP Kon Tum (tỉnh Kon Tum) têx zav nox, hax huv uz no muôz paz.

Tsôngv pêx xênhv TP HCM zênhx max thâux xa têx hax huv hâur hmo ntux muk paz thax tsav trâul đêx nas uô ruôr hiêv

Txơưv zar hnuz kêix xiêz 10/9 lok nas tsi tu hlo, taz sik iz paz hluôk nênhs zos têx lênhx uô hâux lưv jông siêz hmo ntux Sài Gòn tưz zênhx max thâux xa têx thôngz hax huv trâu chor yo hnar muk hâur đêx, têx zav nox, nduôr thax muk trâu yar yêz za Tân Sơn Nhất, chiê ndar tâu yêz za tuôx Hà Nội ziv sei ziv jông. Niêv lâul Nghiêm Thụy Kim Xuân, zos iz hâur têx lênhx uô hâux lưv jông siêz sâuv heik pâuz, txix hmo xiêz 09/9 txos nhiv no, tas nro pêz sơưr đơưk tưz tsi pư hlo chiê muk cxuô luz ciêz hâur thax tsav TP HCM zok nriêr zuôr cov txâuk têx hax huv, tril yo uz no li: 1.500 luz yo hnar muk hâur đêx, iz tênhr ntâu têx nduôr thax thiêz 300 luz tênhz tơưk pov cêr. Chor huv co tâu xa muk paz trâu tsôngv box thax tsav trâul đêx nas uô ruôr hiêv ntơưv têx tỉnh Thái Nguyên, Yên Bái, Lào Cai....ziv sei ziv jông:“Têx phiv liv mak pêz njiz trâul zos nhiv no lok six ntâu lênhx nênhs, ntâu paz uô hâux lưv jông siêz đas cir zuôr chor huv heik sâuv chiê xa paz trâu pêx xênhv thax tsav trâul đêx nas ruôr hiêv. Chênhr viv li lok six phiv liv zok nriêr zuôr txâuk, pêz muk iz qơư nriêr zuôr iz kro mê njik thiêx txâuk. Tsi tas li, pêz tsuv tok, thâux xa lok tso trâu iz kro qơư ntơưv yar yêz za no txix 2 six ntâu zar hnuz kêix tax txos nhiv no thiêx txâuk. Iz jiês no iz cxênhz ntâu luz yo thiêz iz tênhr ntâu zav nox tưz tâu yêz za thâux muk trâu thax tsav trâul nas chuô uô ruôr hiêv lơưv. Xuz thơưx pêz cux xar muôz chor tênhz tơưk tso sâuv yêz za thâux xa muk, taz sik ngênhx yêz za tsi cav thâux, viv li hmo no 300 luz tênhz ntơư zuôr muôz tso sâuv yêz kruô muk”.

Iz chas hâux lưv paz max trâu tsôngv box thax tsav trâul đêx nas uô ruôr hiêv, ntâu lênhx nênhs, chor nênhs uô têx nuv jông siêz ntơưv TP HCM tsênhv sik pheiz kênh, xa nzir iz cxiê hax huv, zav nox, tril yo muk puz trâu tsôngv box trâul ruôr hiêv tiv nas chuô uô thiêz. Muôx têx ntâu tus tsênhv muôx tsưr ziv côngz chuôz laov, paz lỹ thuật cxiv uô, kho đuô têx vax tsêr nhoz trâu pêx xênhv thax tsav trâul đêx nas uô ruôr hiêv hâur ntu zuôr txos hur si./.

                                                                                                            VOV-Riê Lâux cxeik, nhênhv 

Sor siêz têx pluôk nox siêz jông hâur têx hnuz ntux nas

          Ntơưv Tsêr cơưv phổ thôngz mênhx cxưx bán trú cxênhx 1 Sử Pán, zuôr xar 100 lênhx tsôngv box nhoz jos Hòa Sử Pán 1, xã Mường Hoa, thị xã Sa Pa tưz txar lok nhoz qơư no txix zar tsâus ntux hnuz xiêz 8/9. Iz hnuz 3 pluôk nox: sơưr nzor, tar su thiêz tsâus ntux, qơư pox nhuôk muk lok cux bax tâu cxix cxuô, lênhx tưs cux sor siêz. Niêv lâuk Mú x Vax, tsôngv box nhoz jos Hòa Sử Pán 1 heik:“Nhoz qơư kuz mak lok six nyei tox poz, lok nhoz ntơưv no tâu cán bộ xã, cưk kriê ntơưr paz lok six ntâu. Lok six uô tsâus ntâu txos têz qơưk tưz paz chuôz zis lok nhoz no, tsi tsuv cxơưx tul tsi thiêz”.

          Tsi taz zos qơư chiê pox nhuôk nhoz đreiv, tsêr cơưv phổ thôngz mênhx cxưx bán trú cxênhx 1 Sử Pán tsênhv zos qơư têx cưk kriê ntơưr,lênhx nênhs siêz jông uô mor phưx vưv lưx lươngv tsênhv chơưv paz nhoz ntơưv xã. Hâur têx hnuz no, luz kror chuz mê tưz phưx vưv 700 ntâu suất mor nox muôx txâuk tsơưr pưr greix, jâuz, kê…Cưk kriê Nguyễn Viết Thuyết, Hiệu trưởng tsêr cơưv pheiz kênh:“Hâur hmo xiêz 8 muôx tas nro 22 ziv chuôz zis đros 92 lênhx nênhs tuôs tsêr cơưv nox nhoz. Tsêr cơưv cux huiz tôngv têx cưk kriê zuôr zav nox, uô mor chiê pox nhuôk nox cov taz por đas jos”

          Yuôr tix lâuk Nguyễn Quang Tuấn, Tsưr qơư Chi Pâu Coffe& Homestay xã Mường Hoa, thị xã Sa Pa, nênhs cxaz chuôz paz têx lưx lươngv thiêz tsôngv box nhoz no puz pâuz:“Tas nro iz pluôk nox txix 700 txos 750 suất mor. Cux xar njôngr coz nas chuô muk đhâu sei chiê tsôngv box luz nênhx tâu ngaz tul, cxuô lênhx nênhs tror huôx tôngv nhoz uô nênhx fênhx yax”

          Têx hâux lưv uô jông ntơưv tsêr cơưv phổ thôngz mênhx cxưx bán trú cxênhx 1 Sử Pán tso pov mênhx cxưx Việt Nam li chinhz yênhx, cêr chax chês jông sik đros pheiz kênh, sik côngv paz, co chênhr zos đas jos paz pox nhuôk thax tsav trâus ntux nas uô ruôr hiêv, sir jos hla đhâu têx phêv liv, tror ngaz tul luz nênhx đhâu jiês ntux nas chuô uô ruôr hiêv./.

                                                                                                            VOVTB-Txâur vax cxeik nhênhv