Ntux nas lox, uô đêx ngaz, tox poz cxuô qơư, uô côngz xưv khưx phưx têx trâus ruôr hiêv njiz ntâu phêv liv

          Hâur têx hnuz đhâu, coz nas chuô số 3 tưz uô ruôr hiêv hnhar lok lênhx nênhs thiêz chuôz zênhx chuôz tas nhoz tỉnh Lào Cai, đros 20 ntâu lênhx nênhs tuôs, 12 lênhx nênhs trâus saz, yênhx puôk ziv chuôz zis tsuv ciêr chênhr txar qơư nhoz, ntâu thax tsav qơư tsôngv box nhoz uô nênhx trâus đêx ngaz, tox poz ar lơưk. Tsôngv box tiv phaz puz pâuz, no zos iz hâur têx jiês ntux nas uô ruôr hiêv lox tiv zix hâur zuôr xar 40 shông tror lok no nhoz tỉnh Lào Cai.

          Txix qênhx shênhx ntux nas muôx ntâu txơưr txar, tiv zix zos tox poz nhoz ntâu qơư, têx tiv phaz tưz huiz tôngv tas nro cxix luôk chính trị, tiv zix zos têx lưx lươngv vũ trang, quân đội, pênhz phax, công an…chêx chôngk đas jos chiê phax tar thiêz khưx phưx têxx trâus ruôr hiêv tiv đêx ngaz, tox poz, tsov cưv chiê taz por txox siê, chuôz zênhx chuôz tas trâu tsôngv box. Pos Chu Thị Dương, Phưv Chủ tịch Ub huyện Bắc Hà puz pâuz:“Huyện tsênhv huiz tôngv tas nro têx lưx lươngv chiê paz têx chuôz zis muôx lênhx nênhs trâus nanv. Tas nro têx jêx jos puôr lênhx muôx têx lênhx nênhs paz txưv tsôngv box. Têx xã cux pheiz côngz lưx lươngv yax mông thiêz seiz jor ntơưv têx qơư njuôs xav muôx tox poz, đêx ngaz chiê canhv pov tsôngv box cov taz por”

          Sâuv tul đêx Liêz thiêz đêx Chảy, ntu đhâu Lào Cai zar tar su no đêx tưz pur siêz, muôx têx qơư đêx pur siêz txix 2-3 yiv, uo ozênhr shar txos tsôngv box 2 saz ntus đêx li luz nênhx. Lơưr njuôs pov txos tas hnuz 11/9, ntux tsênhv tror lok nas, đêx sâuv tul đêx Liêz thiêz đêx Chảy muôx ntâu txơưr txar. Zơưv Trịnh Xuân Trường, Chủ tịch UB tỉnh Lào Cai puz pâuz, côngz xưv khưx phưx têx trâus ruôr hiêv tiv ntux nas tsênhv tâu tiv phaz sir jos krêz uô đros tas nri cxix luôk chính trị li cxaz chuôz, hâur co chêx chôngk lok hâux lưv chơưv paz nênhs trâus saz; paz uô đaz kruô trâu nênhs trâus tuôs, thôngx cxix chêx chôngk taz por txar têx ziv chuôz zis nhoz qơư riêz nênhs muk nhoz qơư taz por đuô: “Pêz tưz sik côngv đros têx chiz coaz muôx txơưx jênhv, sik côngv đros tỉnh Vân Nam, Châu Hồng Hà, lãnh sự quán Công Minh thôngz xor mông lok qênhx shênhx sâuv tul đêx, tiv zix zos niêv đêx Liêz. Chêx chongk khưx phưx têx cêr muk lok, tiv zix zos cxix luok tênhv tênhz sâuv thax tsav huyện Bát Xát, Bảo Yên thiêz taz por thôngz xor mông. Pêz zuôr tror muôx têx tsưr ziv car chêx chiê taz por cxix luôk cxuô zav, taz por tsôngv box li xênhz huôx hâur ntu zuôr txos”./.

                                                                                                  Nhóm PV, CQTT Tây Bắc-Txâur Vax cxêik nhênhv

Ủy ban tỉnh Sơn La hâux lưv sôr 197 tsik chiê têx zak zưr uô vuôz tsuôz, kiêk nênhs tênhx qơư hâur thax tsav tỉnh

Iz chas ntơư, tỉnh Sơn La tưz tso tơưv 12 tsênhv njiêz zov chênhr chiê qênhz shuôs, cxiv tsa tsưr ziv fuô uô têx cui tinhv lok txo grêk tsơưs, tror sir zôngv, tror tsiv uô lưv zav, xưv lik têx zak zưr vuôz tsuôz kiêk nênhs huv đros cui tinhv thiêz tỉnh têx tsênhv tsênhz; fuô kriê cxiv tsa cui tinhv seiz car chiê hu zâuv côngv thôngx sơưr đơưk đros seiz car têx zak zưr vuôz tsuôz, kiêk nênhs thiêz por hưv tênhx qơư; cxơưz cxiz sir zôngv lưv zav jông thiêz muôx liv trâu tênhx qơư.

Ủy ban tỉnh heik tsuv tsơưs yưv pênhr uô yiêz têx qơư tsiv uô zak zưr zôngv iz jiês, hnaz tax phưx vưv trâu xênhz huôx. Heik tơưv têx tsưr ziv tsơưs zuôr muôs, seiz car ntov jông luôs hâux lưv zuôr muôs hnaz tax thiêz têx zak zưr zôngv iz jiês.

Xav tinhv têx tsưr ziv zov chênhr chiê cxuô sở, ngênhx, Ủy ban cxuô huyện, TP cxiv tsa tsưr ziv, cui tinhv txo grêk tsơưs thiêz jux juk txưr tsi khênhr sir zôngv hnaz tax nhoz têx qơư zuôr muôs huv, ciêz đrôngs; chox kriê uô cxuô faz tsưr ziv phênhz, khơưk sâu, tsiv uô đuô thiêz xưv lik têx zak zưr vuôz tsuôz ntơưv têx ciêz đrôngs, thax tsav tsôngv box nhoz. Cxiv tsa thiêz fuô uô têx luôs hâux lưv lok seiz car têx kiêk nênhs, vuoz tsuôz txix sir zôngv xiv huv zak zưr iz jiês thiêz hnaz tax. Hâur co, choz Sở tsưr ziv thiêz yưv pênhr uô muôz jông six hơưv hu zâuv, paz max têx tsaz yênhx, yưv pênhr cxiv uô qơư xưv lik, tsiv uô đuô têx zak zưr vuôz tsuôz thiêz chor dưv anr tsiv uô têx xiv huv muôx liv trâu tênhx qơư hlôngr têx hnaz tax thiêz chor zak zưr zôngv iz jiês. Choz Sở Kôngz nuv thiêz huôv tsar tox siêz sir jos uô luôs hâux lưv yax kriê têz qơưk têx chei lok por hưv tênhx qơư, hâur co fuô uô cê ntâu tsênhv njiêz lok yax kriê thiêz vênhv tôngv sơưr đơưk tsơưs sir zôngv têx hnaz tax, zak zưr zôngv iz jiês; yax kriê lok zak zưr têx tsi jông, uô ruôr hiêv txos lênhx nênhs đas jos, tênhx qơư thiêz chiv xênhz đrox tsuôs.

Đros trâu têx li heik co, cxuô taz viv cik txos muôx txơưx jênhv qênhz shuôs, phênhz ar cxiv uô qơư công nghiệp chiê tsiv uô đuô têx zak zưr kiêk nênhs, vuôz tsuôz lơưr cui tinhv; hu zâuv têx dưv anr tuôx hâur thax tsav công nghiệp zôngv têx meir, chuôz zênhx jông chiê por hưv tênhx qơư; cxơưz cxiz cxuô taz viv sir zôngv têx zav muôx liv trâu tênhx qơư hlôngr têx xiv huv zak zưr lok sik muôx tsưr ziv khơưk sâu, xưv lik, tsiv uô đuô têx zak zưr kiêk nênhs, vuôz tsuôz.

Iz chas ntơư, cui tinhv têx thax tsav ju lix, qơư txeik tok kruô tuôx nhoz, so ndis shuôs têz qơưk uô si....hâur thax tsav tỉnh tsi sir zôngv têx hnaz tax thiêz xiv huv zak zưr zôngv iz jiês; khơưk sâu hur si, xưv li têx zak zưr muôz por tsês ntơưv têx; muôx tsưr ziv seiz kaz chor qơư zuôr muôs hax huv, ciêz đrôngs khênhr muôz hnaz tax trâu kruô tsi sâu zuôr nhiêx hâur thax tsav.....

Tso tơưv hâux lưv heik sâuv chiê uô lơưr jông đêx anr chuôz tsar tiês luôs hâux lưv seiz car têx zak zưr uô vuôz tsuôz, kiêk nênhs tênhx qơư ntơưv Việt Nam, đhâu co, gra siêz cxuô cơ quan, tsưr tsix, doanh nghiệp, côngv thôngx thiêz tsôngv pêx xênhv tsưr ziv jênhv pâuz lok sâuv khơưk sâu, tsiv uô, sir zôngv, muôz têx zak zưr, hnaz tax por tsês ntơưv têx.

Tsôngv pêx xênhv sơưr đơưk tsuv đros hâu nov, cxuô cấp, ngênhx ntơưv qơư phax tar têx vuôz tsuôz, kiêk nênhs heik sâuv chiê tsưx phưv truôx tuk sơưr đơưk đas jos./.

                                                                                                          Bích Thủy-Riê Lâux cxeik, nhênhv