Tsôngv px nhoz Sơn La siz paz krưr mor txâuv puôz paz trâu px nhoz qơư trâus đêx ngaz cuôr

Txix iz jax sâu hêik sơưr đơưk sik côngv paz sâuv Facebook, niêv tix Nguyễn Thị Thành Vinh nhoz tôv 4 phường Chiềng Sinh, TP Sơn La lok six shir phaz thâuv tsuôk đhâu oz pêz six hơưv, tưz muôx lok six chôngz lênhx nênhs nhoz sâuv thax tsav thành phố Sơn La thiêz têx huyện iz ndis tuôx đros niêv tix chuôz zis krưr nduôr txâuv puôz chiê xa muk paz trâu chor nênhs nhoz hâur têx qơưk trâus đêx ngaz cuôr, ar poz ruôr hiêv txos:“Oz pêz hnuz no cur tưz pư tsik tsâus jos hlo, sêiz pov chor jiês đêx ngaz cuôr ntơưv cxuô thax tsav qơư mak lok six pôngz siêz lox. Cur thiêx xar sâu jax sâu li co chiê hêik sơưr đơưk đros paz, muôx cxur paz cxur, muôx blôngx paz blôngx, viv cur xar txơưv paz nhiêx txiêx lok sơưr đơưk nhiv no cux zuôr tsik tâu đaz tsi. Viv li tsuôk krưr nzuôr chiê chox muk paz trâu sơưr đơưk xưz”.

Txix 7 six sơưr nzor, niêv tix kror qơư muôs huv tưz tso tsês tsik muôx têx hax huv thiêz zos yênhx qơư chiê krưr nduôr txâuk puôz. 100 ntâu lênhx nênhs sik hlôngr krưr nduôr; txix chor nênhs lâul hâur qơư nhoz, jêx jok, txos trâu chor shux xênhz, nênhs uô côngz xưv cux sir jos paz krưr nduôr thâuv tas six hơưv uô hâux lưv. Chor nduôr txâuk puôz tâu krưr txix ntâu zav lox zâu, taz sik phênhv ntâu zos chor nduôr zâu… uô chak cov zôngx ziv thiêz huv đros tiv zix trâu chor pox nhuôs ntơưv têx qơưk trâus đêx ngaz cuôr hâur qênhx shênhx njiz ntâu kror phiv liv hâur xênhz huôx.

Đhâu xar muôx iz hnuz, 2.000 ntâu luz nduôr txâuv puôz tưz tâu krưr thiêz hâu siêr đros ntâu zav hax huv sik txơưr tâu chor nênhs nhoz Sơn La paz, chiê nzor tâu chox muk paz trâu têx qơư njiz trâus đêx ngaz cuôr ruôr hiêv nhoz Yên Bái, Tuyên Quang, Lào Cai. Pos Nguyễn Thị Minh Hoa, nhoz phường Quyết Tâm, TP Sơn La thiêz nhuôv Sa Phương Nhi, shux xênhz lớp 12 Tsêr cơưv Cxênhx pêz Chuyên Sơn La hêik pâuz:“Cur cux krưr nduôr txâuv puôz ntâu lơưv, taz sik hnuz no tuôx krưr ntơưv no mak cur shir phaz hênhr, lok six chôngz nênhs txix têx tôv, têx jêx jok tưz tuôx ntơưv no chiê krưr nduôr txâuk puôz chiê nzor xa tâu muk txos trâu têx qơưk trâus đêx ngaz”.“Sêiz sâuv têx chuôz zênhx thôngz xor mông pov muôx ntâu qơư trâus đêx ngaz lok six txov nhêv, viv li cur tuôx ntơưv no đros sơưr đơưk krưr nduôr txâuv puôz chiê xa muk paz trâu chor nênhs ntơưv têx qơưk trâus đêx ngaz, paz trâu lơưr txo grêk tsơưs iz phênhv tưs têx phiv liv, nzor tror tuôx tuk luz nênhx”.

Tưz tsik zos ntơưv thành phố Sơn La xưz, chor nênhs nhoz huyện Phù Yên (Sơn La) cux tuôx trâu ntơưv ntâu kror qơư chiê sik đros krưr nduôr Ít-zos tsôngv box Thái đơưz nhoz ntơưv no zav nzuôr cxôngx nzor, tsuôk tâu pox nhuôs uô trâu thâuv txos Tsiêz xíp xí hâur shông xưz.

Vav tiêk tsôngv box cxuô mênhx cxưx nhoz Sơn La chor nduôr txâuv puôz, nzuôr Ít no zuôr zos têx kror paz phêiz kênh cêr pôngz siêz đros tsôngv box tsênhv trâus đêx ngaz cuôr ruôr hiêv, cux li paz trâu chor nênhs tsênhv uô hâux lưv chơưv paz ntơưv têx qơư trâus đêx ngaz cuôr sir jos hla đhâu têx phiv liv thiêz pôngz siêz, paz trâu tsôngv box nzor truôx tuk luz nênhx./.

                                                                                                              Lê Hạnh-Lik Thox cxêik nhênhv

                                                        Têx tsưr ziv txuôs tênhv hâur chuôz zis

Tsi chiê têx chuôz zênhx tênhv njiê ntơưv qơư tuô tênhv

Thâuv tsi zôngv txos, sơưr đơưk tsuv ro thiêz tuô hur si têx chuôz zênhx tênhv hâur tsêr.

Ndo njôngr sir zôngv chor chuôz zênhx tênhv, kê tênhz muôx ntơưr chiv

Thâuv zuôr têx chuôz zênhx tênhv sir zôngv hâur chuôz zis li: Tuv txiêk, meir txiêk, meir nxuô tril yo...., sơưr đơưk tsuv xeir zuôr têx tuv, meir muôx ntơưr lo chiv. Chor chuôz zênhx li heik co tưz tâu qênhz shuôs lơưr cui tinhv thiêz tâu xav jênhv zos xiv huv txuôs tênhv. Thiêz chor huv co zuôr zôngv tênhv tsơưs đuô pir li lưv zav. Chênhr viv li, chiê txuôs tâu tênhv hâur chuôz zis zos xeir zuôr têx xiv huv muôx ntơưr lo chiv, heik pâuz lok sir zôngv tênhv.

Sir zôngv têx chuôz zênhx muôx công nghệ Inverter

Công nghệ Inverter, chôngz lênhx tưz pâuz txos, no zos công nghệ jông paz têx chuôz zênhx tênhv hâur chuôz zis uô hâux lưv tâu truôx jông thiêz txuôs tâu tênhv đuô.

Sir zôngv têx kê tênhz txuôs tênhv zos iz kro jông trâu chuôz zis

Sir zôngv tênhv tơưk pov cêr hâur xênhz huôx niêx hnuz zos ntâu đuô hur si. Tsưr ziv txuôs tênhv zos zôngv têx kê tênhz txuôs tênhv. Nhiv no muôx iz cxiê zav kê tênhz tơưk pov cêr chis lok six jông thiêz tsi yuô tas tênhv ntâu.

Sir zôngv têx kê tênhz tơưk chiv chir tuô tênhv, thâuv tsi muôx lênhx nênhs

Iz tsưr ziv jông txơưr đuô chiê txuôs tênhv hâur chuôz zis zos đhok têx chuôz zênhx tênhv, kê tênhz li heik sâuv. Chor chuôz zênhx tênhv, kê tênhz co thâuv zuk tsi zôngv txos lok sik tsi nhoz hâur tsêr mak zuôr chiv chir tuô tênhv, thâuv muôx lênhx nênhs muk lol đhâu thax tsav ntơư thiêx chis pov cêr.

Nzaz nzơưv chuô thiêz têx pov cêr saz đrâuv jôngr   

Nzaz nzơưv têx li heik sâuv chiê tsơưs sir zôngv txos tênhv tênhz. Thâuv nhoz hâur tsêr, sơưr đơưk tsuv krêz kror trôngx, kror trêi chiê pov cêr lok saz hâur tsêr. Uô li co tsi tiêk paz sơưr đơưk txuôs tâu tênhv viv tsi tơưk têx kê tênhz, tsênhv paz trâu saz hâur tsêr pov cêr jông, lax nziês.

Sir zôngv tênhv tênhz yar ntux

Nhiv no muôx lok six ntâu chuôz zis đhok uô thiêz sir zôngv têx tênhv yar ntux. Sir zôngv chor tênhv co tsi tiêk txo grêk tsơưs nhiêx txiêx thêv tênhv tênhz trâu chuôz zis, tsênhv paz por hưv tênhx qơư.

Tsôngv box sđ nhiv kruôr mnôngs tas têx tsưr ziv kriê lok txuôs tênhv tênhz hâur chuôz zis. Txuôs tênhv muôx liv trâu chuôz zis-jông huv đros tênhx qơư thiêz xã hội. Chênhr viv li, cxuô chuôz zis tsuv txuôs tênhv tênhz./.

                                                                                                           Thanh Thủy-Riê Lâux cxeik, nhênhv