Tôngv Bir thư, chuv tiv têz qơưsTô Lâm tsaz ntơưr

xa trâu chor nhuôs zâu ndax Tsiêz trung thu shông 2024

Ndax Tsiêz Trung thu, cur xa txos chor nhuôs zâu Việt Nam hâur têz qơưk thiêz đrâuv têz qơưk, chor nhuôs zâu saz đrâuv têz qơưk nhoz ntơưv Việt Nam têx cêr hluz jông tiv zix.

Tsiêz Trung thu, chor nhuôs zâu luz Tsiêz, txos thâuv hnuz Hli đra hli 8 zênhz lix, chor nhuôs tâu nhoz đros chuôz zis, pos zơưs, niêv txir, tâu uô si, sêiz cxuô cêr lov jêv hâur hmo hli đra lok sik mnôngs pos zơưs, niêv txir piêr “đaz nênhs lok tsiêz Trung thu”. Iz jiês Tsiêz Trung thu zos cxuô lênhx sđ ndo njôngr txos ntu nênhx thâuv tsênhv zâu nhoz ntu nênhs tov kaz no.

Cur vav tiêk, Trung thu chor nhuôs zuôr muôx tâu iz luz tsiêz shir phaz đuô, cxix cxuô đuô, tsiv gri đuô lok cxuô zav lơưr chuôz zis, tsêr cơưv ntơưr, xar hôiv li cxơưx txos.

Cur vav tiêk, chor nhuôs zuôr gruôs, ciêz, muôx đas jos jông, cơưv ntơưr txơưx, huôv tsar cêr uô nênhx siz hluz; uô truôx jông lơưr 5 lo luk zơưv hloz Hôx hêik kriê tsês trâu chor nhuôs zâu; zos chor shux xênhz cơưv ntơưr txơưx, tuz nhuôs ciêz; sir jos cov yênhx chuôz zis, chuôz xênhv thiêz mênhx cxưx cêr shir phaz.

Tsiêz trung thu shông no tsik cxix cxuô li cxiê shông, viv ntâu chuôz zis, jêx jok, phường, xar, ntâu thax tsav qơư trâus ntux têz ruôr hiêv. Chôngz lênhx nhuôs hmôngr tsik jông tâu tas siv nênhx, chôngz lênhx nhuôs tsik muôx niêv txir, tsik muôx vax tsêr nhoz, uô nênhx njiz ntâu cêr txov nhêv. Cur muôx luk phêiz kênh cêr pôngz siêz txos chor nhuôs njiz trâus ntux nas chuô, đêx ngaz cuôr, uô ruôr hiêv li chor nênhs cxênhz jê, ziv chuôz zis thiêz vav tiêk sơưr đơưk zuôr sir jos cov hla đhâu têx cêr phiv liv, têx cêr pôngz siêz no.

Đros chor nhuôs ntơưv têx qơư trâus ntux nas chuô, đêx ngaz cuôr, cur hêik chor nhuôs tsuv uô jông sêiz shuôk cov ngaz tuk thâuv cơưv ntơưr, uô si. Txar đêz têx qơưk riêz nênhs, tsik uô si jê ntơưv têx đêx, ndo njôngr txos niêv thiêz txir, chor cưk kriê ntơưr li têx luk hêik kriê  chiê por vêv trâu zuk thiêz têx fôngx zưs sơưr đơưk./.

                                                                                                                     Lik Thox cxêik nhênhv

Tsôngv px Tiền Giang, Bến Tre: Siz chos côngv paz têx zav nox trâu tsôngv px trâus đêx nas chuô uô ruôr hiêv

Txơưv lok nas lox tsi tu, taz sik tix lâus Võ Hồng Hải đros têx lênhx nênhs uô jâuz mor nox jông siêz hâur TP Gò Công, tỉnh Tiền Giang tưz sir jos muk hu zâuv tsôngv cưr tix nênhx tsa sơưr đơưk sik đros paz hax huv, zav nox chiê xa trâu tsôngv box faz Bắc tsênhv njiz trâus phiv liv đhâu coz nas chuô sôr 3 uô ruôr hiêv. Tix lâus Hải lơưr chor nênhs uô hâux lưv jông siêz zuôr xa muôx nhos 10 tênhr hax huv, têx zav nox txos trâu tsôngv box trâus đêx nas uô ruôr hiêv. Tix lâus Võ Hồng Hải heik:“Cur hu zâuv têx cưr tix nênhx tsa nhoz jê iz ndis, tsôngv fôngx zưs sơưr đơưk sik đros paz tril yo hnar, têx zav nox, hax huv zuôr trâus txos tâu nhos 10 tênhr xa muk paz uô ntêx. Heik cxuô, thâuv cur tso mông sâuv mạng xã hội, facebookss....., têx fôngx zưs seiz pov, lơưr paz xưz. Nhiv no, saz Bưu điện paz pêz xa chor hax huv, zav nox co tsi zuôr nhiêx txiêx. Nhiv no, tsôngv nhoz thax tsav trâus đêx nas ruôr hiêv tsênhv zuôr trâus txos têx li heik co, viv li pêz sir jos paz thiêz luôs hâux lưv no tsênhv zuôr tror tâu fuô uô hâur ntu zuôr txos”.

Yuôr zơưv Nguyễn Bá Toàn, lơưr chor nênhs uô têx nuv jông siêz Toàn Phúc Điền nhoz phường 6, TP Mỹ Tho, tỉnh Tiền Giang cux tsênhv sir jos hu zâuv sơưr đơưk sik đros paz tâu nhos 05 tênhr têx hax huv, zav nox chiê nzor xa paz trâu chor tỉnh txov nhêv li: Yên Bái, Sơn La. Zơưv Nguyễn Bá Toàn heik:“Đhâu tsôngv box faz Bắc njiz trâus têx phiv liv, cur cux pôngz siêz cơưk viv li cur yênhx lix iz paz uô têx hâux lưv jông siêz, pêz muk hu zâuv tsôngv cưr tix nênhx tsa sơưr đơưk siz chos zav nox, tril yo hnar, mì tôm, iz cxiê zav yuôx kho moz gênhk....chiê xa paz trâu tsôngv box faz Bắc. Nhiv no luôs hâux lưv uô co njiz trâus lok six ntâu phiv liv, taz sik cur cux sir jos heik chor nênhs hâur tsêr, hu zâuv têx fôngx zưs, tsôngv cưr tix nênhx tsa sơưr đơưk sik đros paz trâu tsôngv box faz Bắc”.

Uô jông trơưk têx cêr sik thôngx siêz, siz hluz siz paz, Ủy ban MTTQ Việt Nam tỉnh; Ban vênhv tôngv Cuiv nhiêx chơưv paz tỉnh Tiền Giang tưz hu lơưk cxuô lênhx cxuô tus pêx xênhv, canr bôv, công chức, viên chức, nênhs lox tôngv, lưv lươngv vũ trang, têx tsưr tsix tôn giáo, taz viv kinh tế, tsưr tsix xã hội, nênhs Tiền Giang uô nênhx nhoz saz đrâuv 2 chas têz qơưk sir jos sik đros paz trâu tsôngv box têx tỉnh, TP faz Bắc khưx phưx têx tsi jông tiv đêx nas uô ruôr hiêv. Xuz thơưx, Tiền Giang xa 2 tyv đeiv nhiêx trâu Ban vênhv tôngv Cuiv nhiêx chơưv paz T.Ư chiê muôz paz tsôngv box faz Bắc. Đại đức Thích Minh Phước, seiz car tsêr mnov Liên Hoa ntơưv huyện Chợ Gạo, đhâu 2 hnuz tz hu zâuv sơưr đơưk sik đros paz tâu 200 tsov đeiv nhiêx thiêz zuôr tror heik, hu zâuv cxuô lênhx cxuô tus siz chos paz chiê xa tuôx shuôs thiêz muôz puz trâu tsôngv box thax tsav trâus đêx nas uô ruôr hiêv.

Ntơưv tỉnh Bến Tre, Ban thường vụ Tỉnh ủy Bến Tre tưz muôx tsưr ziv paz iz tyv đeiv txix sơưr đơưk têx nhiêx txiêx siz chos gôngr txưv zênhv paz max khưx phưx phiv liv tiv trâus đêx nas, moz gênhk uô ruôr hiêv zos Ủy ban MTTQ Việt Nam tỉnh tsênhv tuôr tsês ntơư chiê muôz paz trâu tsôngv box faz Bắc.  Niêv lâul Nguyễn Thị Kim Thoa, Chủ tịch hội Liên hiệp pox niêv tỉnh Bến Tre heik pâuz:“Nhiv no, Hội cux tsênhv tror hu zâuv sơưr đơưk sik đros paz max. Thâuv phuôx tôngv, tas nro Hội tưz jông siêz, thôngx ziv đros. Muôx kênh lênhx hnor mông tsôngv box faz Bắc njiz trâul têx tsi jông li heik sâuv, lơưr tsênhv hu xor tôngx heik tiêk, zuôr jông siêz sik đros paz. Canr bôv hội lênhx tưs cux thôngx ziv, chor pox niêv vir ndâuk thiêz tsôngv pêx xênhv Bến Tre tsênhv sir jos siz chos paz têx zav nox, hax huv chiê xa trâu tsôngv box faz Bắc, txo grêk tsơưs iz phênhv tưs têx cêr txov nhêv”.

Đros trâu cxuô thax tsav qơư hâur tas nro têz qơưk, hâu nov thiêz tsôngv pêx xênhv Tiền Giang, Bến Tre tsênhv sik thôngx siêz, siz chos paz trâu tsôngv box thax tsav trâus đêx nas uô ruôr hiêv, chiê sir jos hla đhâu têx phiv liv, cêr txov hâur luz nênhx xưk chor lâul iz txưv heik “Uô nênhx nhoz tsuv siz hluz siz paz”./.

                                                                                                              VOVĐBSCL-Riê Lâux cxeik, nhênhv

Moz ơưk buô

Uô muôx yưv caz moz  ơưk

-Niêv buô ntu muôx jês: Thâuv trâus caz moz buô khênhr tsi nox jâuz krâur txix 7-14 hnuz, uô cuz 40 tưv, khênhr trâus ho lok sik sha tsi tâu txâuk hli, tsi zuôr tơư đhâu iz ntu ntêr thâuv sha nhuôv tas, nôngk thiêz moz njưk.

          - Niêv buô ntu sha nhuôk thiêz puz nhuôv buô nox mis: Tsi xar nox jâuz krâur lok sik nox tsơưs, gênhs gênhs, tsi muôx cuô mis, mis trâus o vôngs, sha nhuôk nzor đuô 2-3 hnuz, nhuôv buô tuôs ciês thâuv nhiv kruôr sha tâu, lok sik nhuôv buô tsi muôx jos…

          - Tơư buô uô nôngz: Tsi xar nox jâuz krâur lok sik nox tsơưs, uô cuz 40 tưv, gênhs gênhs, tsi xar trơưk mâuv, zos trơưk mâuv thâuv tus niêv buô co muôx jês thiêz sha tâu nhuôv buô tsi khênhr hloz.

          - Nhuôv buô tsênhv nox niêv mis: Ntâu tul sha lok trâus tuôs, têx tul chiêx mak nzâuk nzâuk tsi khênhr hloz viv nox tsi tâus mis, muôx ntâu kuôr muôs, muôx hlưr đêx sâuv tơưr greix, thox plaz, moz lok cêr uô pa, co tơư tsi muôx jos.

          - Nhuôv buô cheir mis thiêz far buô: Tsi xar nox hâuk lok sik nox tsơưs, uô cuz 40 tưv, nôngk, seiz tul buô tsi jông gâux.

          Moz yưv hnhar:

          Moz yưv hnhar tiv zix zos cik txos njưk: uô njưk trâus lưx, hlaz njưk muôx ntâu cuô zis. Muôx ntâu tul moz njưk uô hlaz njưk lok cuô pâus.

          Phax tar moz:

          - Moz ơưk buô zôngv kháng sinh kho tsi tâu jông. Xar phax tar tâu moz ơưk buô tsuv cxax yuôx vắc xin phax moz ơưk buô JXA1-R thiêz têx zav vắc xin txơưr li phax moz thox plaz, moz đôngs nyar…chiê txu grês têx zav moz huôv xênhz.

          - Đhâu cxax yuôx tâu 14-21 hnuz txơưv phax tar tâu moz.

          Vêv xênhz phax tar moz:

           - Guôx tu zus tsik uô vuôz tsuôz kiênhk nênhs, tsuôk yuôx tuô caz moz ơưk.

          - Puz buô nox jâuz krâur taz por, huv vêv xênhz.

          - Thâuv buô pov muôx têx moz yưv tsuv cêv kuôk, pov trâu chiz coaz thú y chiê muôx tsưr ziv yưr lir. Tsi por têx vuôz tsuôz kiês nênhs hâur guôx buô muôx buô trâus moz trâu iz ndis tênhx qơư, tsuv zôngv yuôx tuô caz moz li Benkocid, môngr jêz siz, Iodine 10%... tsuôk yuôx tuô caz moz tas nro guôx cơư, cêr muk lok hâur thax tsav tu zus.

          - Thâuv muôx moz huôv xênhz, tsuv tsưr tsix seiz njuôs thôngx cxix uô têx tsưr ziv ciêr chênhr phax tar moz co zos:

          - Cêv kuôk tsi cơư đros buô tsi muôx moz, muôz por tsês ciês đros têx buô muôx moz ơưk nhoz têx qơư huôv xênhz moz xuz thơưx…

          - Cxax yuôx vắc xin phax moz ơưk buô trâu niêv buô, txir buô nhoz têx qơư jê co chiê muôx đas jos phax tar moz ơưk, tsi chiê moz cik đêz đar trâu cxuô thax tsav qơư

          - Uô vêv xênhz, tsuôk yuôx tuô caz moz ơưk iz ndis tênhx qơư txix Benkocid, Iodine, hmôngr jêz siz…/.

                                                                                               Thanh Thủy-Txâur Vax cxeik nhênhv