Tsôngv box thax tsav trâus đêx ngaz Quảng Bình uô greix tuôr xa trâu faz Bắc paz tsôngv box trâus ntux nas uô ruôr hiêv

          Txix ciês thâuv sơưr nzor, pos Phan Thị Hương, muôs luôv nhoz ciêz Đồng Hới, tỉnh Quảng Bình tưz đros têx pox niêv nhoz phường Phú Hải, TP Đồng Hới tưz muk ciêz zuôr greix buô lok uô greix tuôr. Lơưr zuôr 200 ntâu cir greix buô, 40 cir greix tuôr chiê uô zuôr xar 500 huv greix tuôr xa trâu tsôngv box faz Bắc tsênhv njiz ntâu phêv liv tiv ntux nas. Pos Phan Thị Hương heik, nhênhv têx xor mông pov têx tỉnh faz Bắc trâus zênhr shar hnhar tiv ntux nas, lok six hluz tsôngv box viv li pos tưz vênhv tôngv pox niêv hâur Hội pox niêv phường uô zav nox xa khơưk muôz trâu pox nhuôk. Nênhs muk zuôr greix, muk zuôr tâux đuz, lênhx zuôr greix tuôr thiêz chêx chôngk tuôx ntơưv tsêr vênhx huôv jos sik đros uô. 12 six tar su, lơưr tsênhv sik đros uô greix tuôr chiê ciêr chênhr xa trâu pox nhuôk nhoz faz Bắc. Pos Phan Thị Hương puz pâuz:“2,3 hnuz đhâu cur pov faz Bắc trâus ntux nas uô ruôr hiêv, cur xar sik côngv tês hu lơưs pox niêv nhoz phường Phú hải, TP Đồng Hới ndar txos faz Bắc. Uô zav nox no xa trâu pox nhuôk nhoz faz Bắc, sik pheiz kênh têx phêv liv đros pox nhuôk faz Bắc”

          Ntâu shông tov ntêx, tsôngv box thax tsav trâus ntux nas uô ruôr hiêv Quảng Bình cux tưz muôx têx jiês trâus ruôr hiêv hnhar, trâus nyei, trâus no hâur têx hnuz ntux nas chuô thiêz tưz jênhv tâu tsôngv box tas nro têz qơưk li têx paz max. Nhiv no, tsôngv box faz Bắc njiz trâus ntux nas, cxuô lênhx nênhs truôx siêz sik pheiz kênhx đros pox nhuôk nhoz thax tsav ntux nas uô ruôr hiêv. Pos Nguyễn Thị Thu Hiền, Phưv Chủ tịch UBMTTQ VN phường Phú Hải, TP Đồng Hới puz pâuz, cxuô lênhx nênhs puôr lênhx sik đros xar tơưv uô tsưr ziv no thiêz ciêr chênhr uô greix tuôr xa trâu pox nhuôk faz Bắc cov nzor tiv zix: “Sik côngv tês huiz tôngv pox nhuôk phường Phú Hải li đas jos uô têx huv greix tuôr chiê xa txos pox nhuôk têx thax tsav trâus ntus nas uô ruôr hiêv nhoz têx tỉnh faz Bắc. Greix tuôr nox đros mor zuôr khơưk tsês tâu ntêr thiêz nox jux jus tâu”.

          Tsôngv box thax tsav muôx ntu trâus ntux nas uô ruôr hiêv Quảng Bình pâuz lok six tsênhz, txơưv thâuv muôx ntux nas lok sik đêx tưz xâuk tas mak pox nhuôk nhoz thax tsav đêx ngaz cux tsi tâu tâu uô tâu jâuz mor chiê nox, tsi tâu muk car ciêz tâu, tsi muôx tul tsi chiê nox. Lơưr pos Võ Thị Thùy Nhung, Chủ tịch Hội liên hiệp pox niêv phường Phú Hải, TP Đồng Hới, têx huv greix tuôr no zôngx ziv nox, muôx txâuk tsơưr pưr paz pox nhuôk thax tsav đêx ngaz taz por đas jos chiê khưx phưx têx trâus ruôr hiêv tiv ntux nas:“Đros chinhz yênhx siz hluz siz paz, thôngz đhâu iz cxiê lênhx nênhs siêz jông li phuôx tôngv pêz tưz hu lơưs hội viên pox niêv sik côngv tês gôngr đas jos uô têx huv greix tuôr no chiê xa trâu tsôngv box thax tsav faz Bắc trâus đêx ngaz”./.

                                                                                                                VOVMT-Txâur Vax cxeik nhênhv

Tsuv pâuz têx qơư zuôr trâus poz thiêz tsưr ziv phax tar

Tổng cục phax tar ntux têz uô ruôr hiêv hêik pâuz, tsôngv px tsuv pâuz têx qơư zuôr trâus poz thiêz tsưr ziv phax tar thâuv ntux lok nas lox truz ntêr hnuz, uô têx tox trôngz xưz caz, đêx huôv lox.

Trơưk li cxuô lênhx nênhs nhênhz chơưv njuôk xav, tsuv sox sêiz njôngr hâur thax tsav qơư nhoz thâuv ntux nas txơưr txar: Thoz cưx trâu đêx nas ntưk sâuv têx ntar trôngz lok thiêz thâuv ntux lok nas co tsuv sêiz shuôk thax tsav qơư nhoz co, ar pok xưz caz, pok muôx poz jêz ntos, têx ndêx tênhv tênhz pok kêix…Zos pov muôx yưv têx li hêik co, zôngx ziv uô trâu thax tsav qơư co trâus tox poz

Zos ntux lok nas tsênhv nhoz jê ntus đêx, tsuv sox njôngr tus đêx co, zos pov đêx huôv lox thiêz đro đax, co cux zos iz kro cux zôngx ziv uô trâu tox xưz poz

Thâuv tsênhv taz tov tsar yêz muk lok sâuv cêr, ntux lok nas lox tsuv sox sêiz njôngr txox cêr co sêz pok trâus poz, pok muôx đêx nas lox ntưk ntưk sâuv trôngz lok, zos pov muôx têx li hêik ntơư cux zôngx ziv uô trâu tox poz

Thâuv sêiz pov muôx ar poz, tsuv njêis zênhx max têx chuôz zênhx chuôz tav muk trâu têx qơư txơưr thiêx tsik trâus đêx nas chuô cuôr yôngz thiêz hêik cxuô lênhx sđ muk cov đhâu têx qơư riêz nênhs. Pir li muk đrêiv trâu têx tsêr cơưv ntơưr, tsêr vênhx huôv hâur thax tsav. Thiêz tsuv ndo njôngr gra đêx hâuk, zav nox, tênhz tơưk pov cêr, trik yo, yuôr tir thêir moz gênhk.

Lar hêik, tsuv chênhr phax đêx nas cuôr yôngz, đhâu thâuv muôx ar xưz poz. Thiêz uô trơưk cơ quan muôx vax huôv hêik kriê, muk đrêiv trâu têx qơư truôx tuk, tsik muôx poz jêz ntos, tox poz, tsik muôx đêx nas lox cuôr yôngz txos

Chênhr zos li hêik ntơư, tsônhgv px sđ tsuv ndo njôngr chênhr phax thâuv muôx ntux nas lok lox truz ntêr hnuz, tsik chiê ntux nas chuô uô ruôr hiêv txos tsôngv px sđ têx vax tsêr, chuôz zênhx chuôz tav thiêz luz nênhx nox nhoz muk lok hâur niêx hnuz./.

                                                                                                                   Tsu cxêik nhênhv-Việt Nam Net

Têx tsov cưv thâuv muk ndis shuôk uô si hâur cheix ntux nas

          Seiz njôngr qênhx shênhx ntux nas zuôr paz pox nhuôk pâuz tâu qênhx shênhx tsênhv tsênhz nhoz ntơưv qơư zuk xar muk ndis shuôk uô si. Đrâuv seiz njuôs pov qiv hơưv hâur niêx hnuz, pox nhuôk cux hu xor tôngx txos pox nhuôk nhoz tiv phaz chiê pâuz tsênhz đuô six hơưv ntux lok nas hâur hnuz lok sik pok  muôx qơư ndis shuôk uô si tưs trâus ntux nas uô zênhr shar.

          Zos muk chuôz zis li yêz, pox nhuôk tsi cxoz pov ntux lok nas lox cux uô siêz muk, tsi muk têx qơư riêz nênhs li muk đhâu njưk tar đêx, tul đêx, muk thâuv hmo ntux thiêz tsi muk fuôx gox thâuv muôx canhv pov chuô lox thiêz niêv đêx hiêr ntak.

          Bax chuôz zênhx huv đros gra lơưr zos lok six coaz tsôngv. Txơưv muk zav yêz tưs lok sik muk tơư cux tsuv gra yo nas thiêz câuk. Muk ndis shuôk uô si hâur cheix ntux nas tsuv gra trik yo kruôr sei, khâu paz tsi trâus bluô. Đrâuv co, gra meir nzuôx plâuz hâu, yuôx thiêz têx chuôz zênhx zuôr trâus txơưr hâur cheix ntux nas.

          Hmôngr tsi jông muk txos thax tsav qơư muôx ntux nas chuô lox, pox nhuôk tsuv nriêr qơư đreiv cov taz por. Têx tox trôngz siêz, qơư muôx ntâu car hlâu, xor tênhv zos têx qơư pox nhuôk tsuv txar jav đêz thâuv muôx ntux nas chuô. Zos qiv hơưv ziv tsi jông, pox nhuôk tsuv nhoz tiz jông ntơư qơư zuk đreiv lok sik tiv phaz li qơư txar nhoz taz por.

          Thâuv muk ndis shuôk uô si tsuv muôx tsưr ziv huv đros thiêz muôx tsưr ziv dưv phax. Thâuv ntux lok nas, pox nhuôk tsuv tsov cưv muk ndis seiz, nox hâuk hâur tsêr li bảo tàng, qơư uô si, ciêz đrôngs muôx qơư their, tsênhv qơư muôv muôs…Ntux tsênhv lok nas mak tsi cxoz tir nas muk uô si pir li muk đa đêx hiêr, muk đa đêx sâuv pas đêx.

          Lơưr kaz ciês thiêz uô ntêx thâuv muk ndis shuôk uô si pox nhuôk tsuv uô trơưk chiz coaz muôx txơưx jênhv li heik kriê thiêz tsôngv box tiv phaz li canhv pov chiê tsi muôx yưv têx hâux lưv tsi jông./.

                                                                                                        DLNK.com-Txâur Vax cxeik nhênhv