Lào Cai cux tsênhv njiz ntâu phiv liv hâur txar pêx xênhv muk đhâu têx qơư zôngx ziv trâus đêx nas cuôr yôngz

           Luz trôngz nhoz saz kâuv tsêr tưz xưz lox tu yênhx caz zos tix lâus Dương Văn Thức, nhoz jok 2 Minh Thượng, xar Minh Lương, huyện Văn Bàn, tỉnh Lào Cai li cêr cxơưx, tiv zix zos thâuv txos chêix ntux nas. Xav txix thâuv pov muôx caz xưz lox tu yênhx caz txix shông 2020 txos nhiv no, tix lâus chuôz zis cux li 50 ntâu ziv chuôz zis tsênhv uô nênhx nhoz hâur kaz trôngz muôx ar xưz lox tu yênhx caz lok six cxơưx thiêz tsik pâuz thâuv tưs chor ar co trâus poz lok: “Vav tiêk thênhv siêz cux li chính quyền paz trâu pêz txar qơư nhoz nzor chiê tsik cxơưx ntâu hâur chêix ntux nas chuô zuôr txos”.

           Lơưr zơưv Ngô Quang Trung, Chủ tịch Ủy ban xar Minh Lương, thâuv tsênhv tok tsưr ziv nriêr qơư nhoz yiêz trâu chor ziv chuôz zis, tsưr ziv phax tar, txar qơư nhoz sêi cux tâu bax chiê kriz uô hâur chêix no đhâu chêix tor. “Muôx lok nas lox truz ntêr mak Ủy ban xar tso nênhs sêiz jor yênhx hnuz hmo thiêz hêik sơưr đơưk bax chiê txar lênhx nênhs thiêz njêis yêv cxuô zav muôx tsiv gri muk đhâu thax tsav cov ngaz tuk trâu lênhx nênhs thiêz cxuô zav”.

          Shông 2024, huyện Văn Bàn njuôk xav txar 100 ntâu ziv chuôz zis nhoz hâur qơư zôngx ziv trâus ntux têz ruôr hiêv muk nhoz tsêx trung, chiê nhoz trâu ntơưv jok 3 Minh Hạ, xar Minh Lương thiêz jok Nà Hằm, xar Nậm Xây. Taz sik, tsênhv tsênhz kriz uô njiz lok six ntâu phiv liv. Zơưv Lê Xuân Quỳnh, Phưv Chủ tịch Ủy ban huyện Văn Bàn puz pâuz: “Hâux lưv uô dưv anr li chiê nhoz shơư đros têx jok txơưr cux li nhoz tsêx trung lok sik nhoz truôx ntơưv qơư mak tsuv huv đros trâu cêv kuôk thiêz tsưr ziv tso tơưv. Nhiv no, hâux lưv cêv kuôk tsênhv tâu huyện chox kriê taz sik tsuv uô lơưr tsưr ziv thiêz cui tênhv, tsuv uô lơưr yênhx thênhv jux juk viv li cux zuôr njiz ntâu phiv liv lok six hơưv kriz uô”.

          Ntu đhâu, côngz xưv kho đuô qơư nhoz trâu pêx xênhv muk đhâu têx qơư zôngx ziv trâus ntux têz ruôr hiêv ntơưv Lào Cai tưz uô tâu ntâu kror jông. Đhâu txar qơư nhoz, iz cxiê qơư cux tưz jux juk truôx tuk, jông đuô qơư nhoz kuz li ntơưv qơư nhoz jok Cầu Xum, xar Thái Niên, huyện Bảo Thắng; jok Cam 3, xar Cam Cọ, huyện Bảo Yên; jok Đồi Tre (Nả Án), xar Mường Vi, huyện Bát Xát…

          Ntu 2021-2025, đros nhiêx txiêx ntơưv thax tsav qơư, Lào Cai sir zôngv têz qơưk têx nhiêx paz lơưr Chinhr phuv li Cuêz tênhv 1719 thiêz 590 chiê kho đuô qơư nhoz truôx trâu 2.500 ntâu ziv chuôz zis, muôx chor ziv chuôz zis nhoz têx qơư zôngx ziv trâus ntux têz ruôr hiêv. Txơưv tiêk li, đhâu iz đraz ntu kriz uô, cux tsênhv txar tâu lok six tsơưs xưz. Lơưr zơưv Nguyễn Hữu Trường, Phưv Chi cục trưởng Chi cục huôv tsar jêx jok tox siêz tỉnh Lào Cai, tsênhv yuôr ntâu kror phiv liv hâur ntu kriz uô, txix têx pênhr nhiêx, ar têz, cấp ủy, thax tsav qơư thiêz pêx xênhv li sir jos: “Tiv zix zos ar têz, đros têx ar têz lơưr cêv kuôk, thâuv pêx xênhv txar lok nhoz ntơưv iz kror qơư yiêz mak tsuv muôx ntơưr sir zôngv ar têz thiêz tâu sơưv têx tsênhv chêi, co zos iz kror phiv liv hâur txar qơư nhoz trâu pêx xênhv. Tiv oz, nyêis yêv têx vax tsêr, tsêr nhoz ntơưv têx trôngz, tiv zix zos tsôngv box mênhx cxưx tsơưs nênhs mak chor nhiêx paz tsênhv tsik tâu huv đros”.

            Tâu pâuz, Ủy ban tỉnh Lào Cai tưz tsưr tsix sêiz lax chiê đơưk tu têx phiv liv hâur txar qơư nhoz trâu pêx xênhv muk đhâu têx qơư zôngx ziv trâus ntux têz ruôr hiêv, tso tơưv têx tsưr ziv tsênhv tsênhz chiê kho đuô qơư nhoz, yưv pênhr uô cêr, vax tsêr cxuô zav thiêz têx pênhr nhiêx, lơưr tsưr ziv uô tâu truôx jông, đros trâu cxiv tsa jêx jok yiêz./.

Khắc Kiên-Lik Thox cxêik nhênhv

Taz por cxuô zav trâu shux xênhz thax tsav txov nhêv cơưv ntơưr

          Tsêr cơưv phổ thôngz mênhx cxưx nội trú cxênhx 2 thiêz  cxênhx 3 huyện Phù Yên, Sơn La muôx 390 ntâu lênhx shux xênhz nhoz ntâu xã hâur thax tsav tuôx tuôx cơưv trâu luz tsêr cơưv no. Nhoz đêz tsêr, đêz chuôz zis, têx shux xênhz zos tsôngv box mênhx cxưx tsơưs nênhs nhoz no thâuv tưs cux jênhv tâu têx tsov cưv jông, taz por cxuô zav chiê cơưv ntơưr; ntâu lênhx shuv xênhz tưz tưr tâu ntâu giải siêz thâuv cxaz chuôz têx jiês thik shux xênhz cơưv ntơưr hênhr. Shux xênhz Lường Hạ Vy, shux xênhz cơưv lớp 9, Tsêr cơưv Phổ thôngz mênhx cxưx nội trú cxênhx 2 thiêz cxênhx 3 Phù Yên shir phaz lul pheiz kênh: “Hâux lưv cơưv ntơưr thiêz xênhz shux nhoz hâur tsêr cơưv tâu uô jông thâuv tưs cux muôx Ban giám hiệu, têx cưk kriê thiêz têx cán bộ nhân viên hâur tsêr cơưv li tsov cưv”.

          Chiê taz por chuôz zênhx phưx vưv huôx tôngv kruô thiêz cơưv ntơưr, tsêr cơưv tsênhv tâu yưv pênhr cxiv tsa tsêr cơưv 2 yôngx, 6 qar cơưv thiêz têx côngz tsinhx phưx vưv txơưr đros pênhr yưv uô zos 6 tỷ đeiv, njuôs xav chox lok sir zôngv hâur shông cơưv zuôr txos. Đros co, shux xênhz li têx chế độ, chính sách cux tâu taz por uô tsênhz mênhx.

        Cưk kriê Nguyễn Công Hoan, Hiệu trưởng Tsêr cơưv phổ thôngz mênhx cxưx nội trú cxênhx 2 thiêz cxênhx 3 Phù Yên puz pâuz: “Chế độ chính sách trâu shux xênhz tâu tsêr cơưv yax six yax mông têx thâuv chào cờ chiê shux xênhz pâuz tâu zuk tâu sơưv têx chế độ, qênhx liv tul tsi. Tsêr cơưv cux seiz car, taz por hâux lưv thêv trơưk six hơưv, thêv txâuk. Tiv zix chiê taz por tsênhz mênhx pêz yênhx lix tuêv nội trú, yax six seiz car têx zav nox txix thâuv xeir zuôr txos thâuv uô pluôk nox trâu shux xênhz”.

          Tênhx qơư bán trú thiêz têx chế độ, chính sách cux zos đas jos coaz tsôngv paz 980 ntâu shux xênhz mênhx cxưx Hmôngz hâur tsêr cơưv phổ thôngz mênhx cxưx Bán trú cxênhx 1 thiêz cxênhx 2 Suối Tọ, xã Suối Tọ, huyện Phù yên. Taz sik, cơ sở cxuô zav nhoz tsêr cơưv tox siêz no tsênhv yuôr ntâu phêv liv. Lớp cơưv mak jông đuô thâuv ntêx, taz sik qar nhoz so mak tsênhv tsi tâu jông; tsêr nox mor cux muôx tsi txâuk, viv li thâuv txos six hơưv nox mor shux xênhz tsuv pheiz uô 3 ca txơưr sik hlôngr nox mor thiêx li muôx txâuk qơư. Cưk kriê Trương Quang Hảo, Hiệu trưởng tsêr cơưv pheiz kênh: “Tsêr cơưv li phêv liv tiv zix zos tsêr nhoz, têx côngz tsinhx txơưr trâu shux xênhz bán trú. Nhiv no, qar nhoz nhiv kruôr tuôv zênhv 1/3 trâu shux xênhz cơưv bán trú; têx mê nhuôk cux tsênhv sik đros nhoz uô cê, tsêr nhoz lav uô lok sik zos tsêr cơưv lav zôngv qar tsi zôngv txos chiê cxiv kho đuô trâu shux xênhz nhoz. Cưk kriê thiêz shux xênhz li siêz xar njôngr hâur ntu zuôr txos nzor jênhv tâu têz qơưk li paz txưv chiê shux xênhz muôx txâuk qơư nhoz tiv zix zos têx côngz tsinhx zuôr trâus txơưr paz shux xênhz muôx qơư xênhz huôx thiêz cơưv ntơưr jông đuô”

          Huyện Phù Yên nhiv no muôx 14 tsêr cơưv Phổ thôngz mênhx cxưx Ban trú thiêz tsêr cơưv muôx shux xênhz bán trú, đros zuôr xar 4 cxênhz lênhx shux xênhz. Iz luz hlik têx shux xênhz jênhv tâu 15 cir cxur thiêz paz bâuv 40% phênhv nhiêx shar cơ bản. Đros têz qơưk, tiv phaz li têx paz txưv, nganhx zaoz zux huyện Phù yên xar njôngr tror tâu tsov cưv, yưv pênhr trâu têx tsêr cơưv bán trú mênhx cxưx tsơưs nênhs thiêz tox siêz.

          Zơưv Nguyễn Đức Hải, Phưv tsar phongx zaoz zux thiêz thox cxov huyện Phù Yên heik: “Nganhx li siêz xar njôngr zos jênhv tâu têz qơưk li têx tsaz yênhx tsov cưv chox kriê tsênhv krêz uô; ciêr chênhr chuôz tsar cơ sở cxuô zav trâu tsêr cơưv muôx shux xênhz cơưv bán trú thiêz tsêr cơưv phổ thôngz bán trú, tsêr cơưv muôx bán trú cxênhx mê nhuôk zâu….taz por txâuk cơ sở cxuô zav trâu mê nhuôk lok qơư nhoz, qơư nox hâuk, qơư vêv xênhz, chiê têx mê nhuôk tso siêz cơưv ntơưr, chiê mê nhuôk seiz tsêr cơưv jông xưk li zuk luz tsêr nhoz”.

          Tsênhz mênhx nhiv no, tsơưr lươngv zaoz zux nhoz thax tsav mênhx cxưx tsơưs nênhs, thax tsav muôx KTXH txov nhêv nhoz Sơn La tsênhv kis. Ntâu tiv phaz, tsêr cơưv tsênhv zuôr trâus tâu tsov cưv, chuôz tsar yưv pênhr, taz por tuôv zênhv zoz qơưx xênhz huôx thiêz cơưv ntơưr, gôngr phênhv yênhx trus txu grês têx phêv liv, muôz siêz tsơưr lươngv zaoz zux nhoz thax tsav txov nhêv./.

Lê Hạnh-Txâur Vax cxeik nhênhv