Lai Châu muôx tsi txâuk cưk kriê ntơưr

          Đhâu ntâu sir jos, txos nhiv no côngz xưv bax trâu shông cơưv yiêz 2024-2025 nhoz Tsêr cơưv Phổ thôngz mênhx cxưx THCS Dào San, huyện Phong Thổ, tỉnh Lai Châu tưz uô tâu truôx jông. 28 lênhx cưk kriê ntơưr tưz tuôx trâu tsêr cơưv chiê bax tos 700 lênhx shux xênhz zos têx mê nhuôk tsôngv box mênhx cxưx tsơưs nênhs tuôx cơưv ntơưr. Cưk kriê Mai Văn Tường, Hiệu trưởng tsêr cơưv puz pâuz, têx phêv liv lok vax tsêr, cưk kriê, cxuô chuôz zênhx cơưv ntơưr tưz tâu tsêr cơưv chuv tôngv khưx phưx. Tsêr cơuv li cêr cxơưx nhiv no zos tsi muôx cưk kriê chuyên nganhx Mỹ Thuật thiêz tsênhv tos thênhv siêz cxaz nzir. No zos môn chuyên nganhx tsuv muôx cưk kriê txơưx, viv li tsêr cơưv tsuv hlôngr tsưr ziv kriê cov huv đros:“Chiê khưx phưx qênhx shênhx no, tsêr cơưv tưz chuv tôngv uô ntâuz ntơưr muôz trâu Phongx zaoz zux-thox cxov thiêz UB huyện thor cưk kriê ntơưr Mỹ thuật txix ciês hâur shôngk shong cơưv. Zos tsi tâu muôx mak tsêr cơưv zuôr kriê môn txơưr hlôngr trâu môn Mỹ thuật thiêz tov kaz no muôx cưk kriê zuôr bax chiê tror kriê nzir”

          Cux li ntâu tsêr cơưv txơưr nhoz Lai Châu, shông cơưv no Tsêr cơưv phổ thôngz mênhx cxưx bán trú cxênhx 1 Tả Lèng, huyện Tam Đường cux njiz phêv liv thâuv muôx tsi txâuk cưk kriê môn Tin học. Tsưr ziv tsêr cơưv tso tơưv zos tror sir zôngv cưk kriê vênhx huôv tưz tâu kriê cxaz Tin học txix shông cơưv tov ntêx chiê kriê ntơưr. Hâux lưv no cux xưk li jênhv vưv kriê vênhx huôv trâu zuôr xar 600 lênhx shux xênhz ntơưv tsênhv qơư thiêz 3 qơư cơưv nhoz jêx jos zuôr zos 31 lênhx cưk kriê uô. Cưk kriê Nguyễn Đình Trung, Hiệu trưởng tsêr cơưv puz pâuz: “Chiê tuôv zênhv tsaz yênhx kriê ntơưr trâu shux xênhz, tsêr cơưv tưz xeir 2 lênhx cưk kriê vênhx huôv cơưv cxaz tin học thiêz kriê txix shông cơưv 2023-2024. Đhâu 1 shông kriê cxaz chứng chỉ tin học, têx cưk kriê lok six sir jos uô jênhv vưv kriê ntơưr. Pêz khav tênhv zos pir đros cưk kriê chuyên môn Tin học mak tsơưr lươngv tsi tâu tuôv zênhv tâu, taz sik tsơưr lươngv tưz yênhx trus tuôv zênhv tâu tsaz yênhx zaoz zux phổ thôngz yiêz li zoz qơưx”

Shông cơưv 2024-2025, Lai Châu muôx 335 taz viv tsêr cơưv, 5 cxênhz 200 ntâu lớp cơưv thiêz 15 cxênhz ntâu lênhx shux xênhz. Chiê tuôv zênhv zoz qơưx jênhv vưv shông cơưv yiêz, txos nhiv no zuôr xar 11 cxênhz 400 lênhx cán bộ seiz car, cưk kriê ntơưr, nhân viên, hâur co muôx zuôr xar 8 cxênhz 600 lênhx cưk kriê kriê ntơưr tưz muôx njêx muôk ntơưv taz viv chiê uô côngz xưv bax trâu shông cơưv yiêz. Taz sik, phêv liv đros nganhx zaoz zux tiv phaz hâur shông cơưv no zos tsênhv muôx tsi txâuk cưk kriê ntơưr, yuôr muôx nhos 972 lênhx pir đros chỉ tiêu biên chế choz. Pos Phưv Giám đốc Sở zaoz zux Lai Châu puz pâuz, muôx tsi txâuk cưk kriê ntơưr nhoz tas nro têx cấp cơưv, hâur co lok six zuôr trâus muôx 330 lênhx cưk kriê têx môn cơưv li luk Anh, Tin học, Mỹ thuật, Âm nhạc. Chiê khưx phưx, Sở zaoz zux Lai Châu tưz uô ntâu tsưr ziv chiê cê xeir zuôr, cê thox cxov cưk kriê, taz sik cux lax xeir zuôr tâu cưk kriê ntơưr:“Lai châu li phêv liv hâur côngz xưv xeir zuôr cux li ntâu tỉnh txơưr zos tsi muôx cưk kriê chiê xeir zuôr. Nhiv no phênhv ntâu sâuv tas nro têz qơưk têx tỉnh puôr lênhx muôx tsi txâuk cưk kriê ntơưr thiêz puôr lênhx muôx zoz qơưx xeir zuôr. Đros Lai Châu mak zos tỉnh muôx KTXH tsênhv phêv liv pir đos têx tỉnh txơưr, viv li hâux lưv zaz zâuv cưk kriê tuôx  Lai Châu cux njiz ntâu phêv liv đuô pir đros têx tỉnh txơưr”.

Pos Nghiêm Thị Kim Huê puz pâuz cxaz, shông cơưv 2023-2024 tiv phaz li chỉ tiêu xeir zuôr zos 422 biên chế, taz sik tsuôk xeir zuôr tâu 192 lênhx cưk kriê thiêz shông cơưv no chỉ tiêu xeir zuôr zos 535 biên chế. Chiê cxaz nzir cưk kriê ntơưr, Sở cux tưz sik côngv đros UB têx huyện, TP seiz car, cxiv tsa tsưr ziv xeir zuôr cưk kriê lơưr pheiz cấp, taz sik txos nhiv no ntâuz ntơưr khiêz xeir uô cưk kriê tsênhv lok six tsơưs. Qênhx shênhx no zos iz phêv liv đros têx tsêr cơưv hâur hâux lưv muôz siêz tsơưr lươngv kriê thiêz cơưv ntơưr, tiv zix zos uô têx tsưr ziv muôz siêz tsơưr lươngv tsaz yênhx zaoz zux phổ thôngz yiêz 2018 mak tas nro nganhx tsênhv uô./.

                                                                                                           Khắc Kiên-Txâur Vax cxeik nhênhv

Ủy ban tỉnh Sơn La hâux lưv sôr 197 uô seiz car têx zak zưr uô vuôz tsuôz, kiêk nênhs tênhx qơư hâur thax tsav tỉnh

Iz chas ntơư, tỉnh Sơn La tưz tso tơưv 12 tsênhv njiêz zov chênhr chiê qênhz shuôs, cxiv tsa tsưr ziv fuô uô têx cui tinhv lok txo grêk tsơưs, tror sir zôngv, tror tsiv uô lưv zav, xưv lik têx zak zưr vuôz tsuôz kiêk nênhs huv đros cui tinhv nhiv no thiêz tỉnh têx tsênhv tsênhz; fuô kriê cxiv tsa cui tinhv seiz car chiê hu zâuv côngv thôngx sơưr đơưk đros seiz car têx zak zưr vuôz tsuôz, kiêk nênhs thiêz por hưv tênhx qơư; cxơưz cxiz sir zôngv lưv zav jông thiêz muôx liv trâu tênhx qơư.

Ủy ban tỉnh heik tsuv tsơưs yưv pênhr uô yiêz têx qơư tsiv uô zak zưr zôngv iz jiês, hnaz tax phưx vưv trâu xênhz huôx. Heik tơưv têx tsưr ziv tsơưs zuôr muôs, seiz car ntov jông luôs hâux lưv zuôr muôs hnaz tax thiêz têx zak zưr zôngv iz jiês.

Xav tinhv têx tsưr ziv zov chênhr chiê cxuô sở, ngênhx, Ủy ban cxuô huyện, TP cxiv tsa tsưr ziv, cui tinhv txo grêk tsơưs thiêz jux juk txưr tsi khênhr sir zôngv hnaz tax nhoz têx qơư zuôr muôs huv, ciêz đrôngs; chox kriê uô cxuô faz tsưr ziv phênhz, khơưk sâu, tsiv uô đuô thiêz xưv lik têx zak zưr vuôz tsuôz ntơưv têx ciêz đrôngs, thax tsav tsôngv box nhoz. Cxiv tsa thiêz fuô uô têx luôs hâux lưv lok seiz car têx kiêk nênhs, vuoz tsuôz txix sir zôngv xiv huv zak zưr iz jiês thiêz hnaz tax. Hâur co, choz Sở tsưr ziv thiêz yưv pênhr uô muôz jông six hơưv hu zâuv, paz max têx tsaz yênhx, yưv pênhr cxiv uô qơư xưv lik, tsiv uô đuô têx zak zưr vuôz tsuôz thiêz chor dưv anr tsiv uô têx xiv huv muôx liv trâu tênhx qơư hlôngr têx hnaz tax thiêz chor zak zưr zôngv iz jiês. Choz Sở Kôngz nuv thiêz huôv tsar tox siêz sir jos uô luôs hâux lưv yax kriê têz qơưk têx chei lok por hưv tênhx qơư, hâur co fuô uô cê ntâu tsênhv njiêz lok yax kriê thiêz vênhv tôngv sơưr đơưk tsơưs sir zôngv têx hnaz tax, zak zưr zôngv iz jiês; yax kriê lok zak zưr têx tsi jông, uô ruôr hiêv txos lênhx nênhs đas jos, tênhx qơư thiêz chiv xênhz đrox tsuôs.

Đros trâu têx li heik co, cxuô taz viv cik txos muôx txơưx jênhv qênhz shuôs, phênhz ar cxiv uô qơư công nghiệp chiê tsiv uô đuô têx zak zưr kiêk nênhs, vuôz tsuôz lơưr cui tinhv; hu zâuv têx dưv anr tuôx hâur thax tsav công nghiệp zôngv têx meir, chuôz zênhx jông chiê por hưv tênhx qơư; cxơưz cxiz cxuô taz viv sir zôngv têx zav muôx liv trâu tênhx qơư hlôngr têx xiv huv zak zưr lok sik muôx tsưr ziv khơưk sâu, xưv lik, tsiv uô đuô têx zak zưr kiêk nênhs, vuôz tsuôz.

Iz chas ntơư, cui tinhv têx thax tsav ju lix, qơư txeik tok kruô tuôx nhoz, so ndis shuôs têz qơưk uô si....hâur thax tsav tỉnh tsi sir zôngv têx hnaz tax thiêz xiv huv zak zưr zôngv iz jiês; khơưk sâu hur si, xưv li têx zak zưr muôz por tsês ntơưv têx; muôx tsưr ziv seiz kaz chor qơư zuôr muôs hax huv, ciêz đrôngs khênhr muôz hnaz tax trâu kruô tsi sâu zuôr nhiêx hâur thax tsav.....

 Tso tơưv hâux lưv heik sâuv chiê uô lơưr jông đêx anr chuôz tsar tiês luôs hâux lưv seiz car têx zak zưr uô vuôz tsuôz, kiêk nênhs tênhx qơư ntơưv Việt Nam, đhâu co, gra siêz cxuô cơ quan, tsưr tsix, doanh nghiệp, côngv thôngx thiêz tsôngv pêx xênhv tsưr ziv jênhv pâuz lok sâuv khơưk sâu, tsiv uô, sir zôngv, muôz têx zak zưr, hnaz tax por tsês ntơưv têx.

Tsôngv pêx xênhv sơưr đơưk tsuv đros hâu nov, cxuô cấp, ngênhx ntơưv qơư phax tar têx vuôz tsuôz, kiêk nênhs heik sâuv chiê tsưx phưv truôx tuk sơưr đơưk đas jos./.

                                                                                                                     Bích Thủy-Riê Lâux cxeik, nhênhv